{"id":"sn45.160","title":"A River","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.160","title":"A River","units":[{"id":"sn45.160:0","sourceIds":["sn45.160:0.1","sn45.160:0.2","sn45.160:0.3"],"kind":"text","text":{"pi":"Saṁyutta Nikāya 45.160\n12. Balakaraṇīyavagga\nNadīsutta","en":"Linked Discourses 45.160\n12. Hard Work\nA River"}},{"id":"sn45.160:1","sourceIds":["sn45.160:1.1","sn45.160:1.2","sn45.160:1.3","sn45.160:1.4","sn45.160:1.5","sn45.160:1.6","sn45.160:1.7","sn45.160:1.8","sn45.160:1.9","sn45.160:1.10","sn45.160:1.11","sn45.160:1.12","sn45.160:1.13","sn45.160:1.14","sn45.160:1.15","sn45.160:1.16","sn45.160:1.17","sn45.160:1.18","sn45.160:1.19","sn45.160:1.20","sn45.160:1.21","sn45.160:1.22","sn45.160:1.23"],"kind":"text","text":{"pi":"“Seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā.\nAtha mahājanakāyo āgaccheyya kuddālapiṭakaṁ ādāya:\n‘mayaṁ imaṁ gaṅgaṁ nadiṁ pacchāninnaṁ karissāma pacchāpoṇaṁ pacchāpabbhāran’ti.\nTaṁ kiṁ maññatha, bhikkhave,\napi nu so mahājanakāyo gaṅgaṁ nadiṁ pacchāninnaṁ kareyya pacchāpoṇaṁ pacchāpabbhāran”ti?\n“No hetaṁ, bhante”.\n“Taṁ kissa hetu”?\n“Gaṅgā, bhante, nadī pācīnaninnā pācīnapoṇā pācīnapabbhārā.\nSā na sukarā pacchāninnaṁ kātuṁ pacchāpoṇaṁ pacchāpabbhāraṁ.\nYāvadeva pana so mahājanakāyo kilamathassa vighātassa bhāgī assā”ti.\n“Evameva kho, bhikkhave, bhikkhuṁ ariyaṁ aṭṭhaṅgikaṁ maggaṁ bhāventaṁ ariyaṁ aṭṭhaṅgikaṁ maggaṁ bahulīkarontaṁ rājāno vā rājamahāmattā vā mittā vā amaccā vā ñātī vā ñātisālohitā vā bhogehi abhihaṭṭhuṁ pavāreyyuṁ:\n‘ehambho purisa, kiṁ te ime kāsāvā anudahanti,\nkiṁ muṇḍo kapālamanusaṁcarasi.\nEhi, hīnāyāvattitvā bhoge ca bhuñjassu, puññāni ca karohī’ti.\nSo vata, bhikkhave, bhikkhu ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ bahulīkaronto sikkhaṁ paccakkhāya hīnāyāvattissatīti—netaṁ ṭhānaṁ vijjati.\nTaṁ kissa hetu?\nYañhi taṁ, bhikkhave, cittaṁ dīgharattaṁ vivekaninnaṁ vivekapoṇaṁ vivekapabbhāraṁ taṁ vata hīnāyāvattissatīti—netaṁ ṭhānaṁ vijjati.\nKathañca, bhikkhave, bhikkhu ariyaṁ aṭṭhaṅgikaṁ maggaṁ bhāveti ariyaṁ aṭṭhaṅgikaṁ maggaṁ bahulīkaroti?\nIdha, bhikkhave, bhikkhu sammādiṭṭhiṁ bhāveti vivekanissitaṁ …pe… sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ …\nevaṁ kho, bhikkhave, bhikkhu ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkarotī”ti.\n(Yadapi balakaraṇīyaṁ, tadapi vitthāretabbaṁ.)\nDvādasamaṁ.\nBalakaraṇīyavaggo chaṭṭho.","en":"“Mendicants, suppose that, although the Ganges River slants, slopes, and inclines to the east,\na large crowd were to come along with a spade and basket, saying:\n‘We’ll make this Ganges River slant, slope, and incline to the west!’\nWhat do you think, mendicants?\nWould they succeed?”\n“No, sir.\nWhy is that?\nThe Ganges River slants, slopes, and inclines to the east.\nIt’s not easy to make it slant, slope, and incline to the west.\nThat large crowd will eventually get weary and frustrated.”\n“In the same way, while a mendicant develops and cultivates the noble eightfold path, if rulers or their chief ministers, friends or colleagues, relatives or kin should invite them to accept wealth, saying:\n‘Please, my man, why let these ocher robes torment you?\nWhy follow the practice of shaving your head and carrying an alms bowl?\nCome, return to a lesser life, enjoy wealth, and make merit!’\nIt is quite impossible for a mendicant who develops and cultivates the noble eightfold path to resign the training and return to a lesser life.\nWhy is that?\nBecause for a long time that mendicant’s mind has slanted, sloped, and inclined to seclusion. So it’s impossible for them to return to a lesser life.\nAnd how does a mendicant develop the noble eightfold path?\nIt’s when a mendicant develops right view, right purpose, right speech, right action, right livelihood, right effort, right mindfulness, and right immersion, which rely on seclusion, fading away, and cessation, and ripen as letting go.\nThat’s how a mendicant develops and cultivates the noble eightfold path.”"}},{"id":"sn45.160:2","sourceIds":["sn45.160:2.0","sn45.160:2.1","sn45.160:2.2","sn45.160:2.3","sn45.160:2.4"],"kind":"text","text":{"pi":"Tassuddānaṁ\nBalaṁ bījañca nāgo ca,\nrukkho kumbhena sūkiyā;\nĀkāsena ca dve meghā,\nnāvā āgantukā nadīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.160/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}