{"id":"sn45.180","title":"Higher Fetters","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.180","title":"Higher Fetters","units":[{"id":"sn45.180:0","sourceIds":["sn45.180:0.1","sn45.180:0.2","sn45.180:0.3"],"kind":"text","text":{"pi":"Saṁyutta Nikāya 45.180\n14. Oghavagga\nUddhambhāgiyasutta","en":"Linked Discourses 45.180\n14. Floods\nHigher Fetters"}},{"id":"sn45.180:1","sourceIds":["sn45.180:1.1","sn45.180:1.2","sn45.180:1.3","sn45.180:1.4","sn45.180:1.5","sn45.180:1.6","sn45.180:1.7","sn45.180:1.8"],"kind":"text","text":{"pi":"“Pañcimāni, bhikkhave, uddhambhāgiyāni saṁyojanāni.\nKatamāni pañca?\nRūparāgo, arūparāgo, māno, uddhaccaṁ, avijjā—\nimāni kho, bhikkhave, pañcuddhambhāgiyāni saṁyojanāni.\nImesaṁ kho, bhikkhave, pañcannaṁ uddhambhāgiyānaṁ saṁyojanānaṁ abhiññāya pariññāya parikkhayāya pahānāya ariyo aṭṭhaṅgiko maggo bhāvetabbo.\nKatamo ariyo aṭṭhaṅgiko maggo?\nIdha, bhikkhave, bhikkhu sammādiṭṭhiṁ bhāveti vivekanissitaṁ …pe… sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nImesaṁ kho, bhikkhave, pañcannaṁ uddhambhāgiyānaṁ saṁyojanānaṁ abhiññāya pariññāya parikkhayāya pahānāya ayaṁ ariyo aṭṭhaṅgiko maggo bhāvetabboti.","en":"“Mendicants, there are five higher fetters.\nWhat five?\nDesire for rebirth in the realm of luminous form, desire for rebirth in the formless realm, conceit, restlessness, and ignorance.\nThese are the five higher fetters.\nThe noble eightfold path should be developed for the direct knowledge, complete understanding, finishing, and giving up of these five higher fetters.\nWhat is the noble eightfold path?\nIt’s when a mendicant develops right view, right purpose, right speech, right action, right livelihood, right effort, right mindfulness, and right immersion, which rely on seclusion, fading away, and cessation, and ripen as letting go.\nThis is the noble eightfold path that should be developed for the direct knowledge, complete understanding, finishing, and giving up of these five higher fetters.”"}},{"id":"sn45.180:2","sourceIds":["sn45.180:2.1","sn45.180:2.2","sn45.180:2.3","sn45.180:2.4","sn45.180:2.5","sn45.180:2.6","sn45.180:2.7","sn45.180:2.8","sn45.180:2.9","sn45.180:2.10","sn45.180:2.11","sn45.180:2.12"],"kind":"text","text":{"pi":"Pañcimāni, bhikkhave, uddhambhāgiyāni saṁyojanāni.\nKatamāni pañca?\nRūparāgo, arūparāgo, māno, uddhaccaṁ, avijjā—\nimāni kho, bhikkhave, pañcuddhambhāgiyāni saṁyojanāni.\nImesaṁ kho, bhikkhave, pañcannaṁ uddhambhāgiyānaṁ saṁyojanānaṁ abhiññāya pariññāya parikkhayāya pahānāya ariyo aṭṭhaṅgiko maggo bhāvetabbo.\nKatamo ariyo aṭṭhaṅgiko maggo?\nIdha, bhikkhave, bhikkhu sammādiṭṭhiṁ bhāveti …pe… sammāsamādhiṁ bhāveti rāgavinayapariyosānaṁ dosavinayapariyosānaṁ mohavinayapariyosānaṁ …\namatogadhaṁ amataparāyanaṁ amatapariyosānaṁ …\nnibbānaninnaṁ nibbānapoṇaṁ nibbānapabbhāraṁ.\nImesaṁ kho, bhikkhave, pañcannaṁ uddhambhāgiyānaṁ saṁyojanānaṁ abhiññāya pariññāya parikkhayāya pahānāya ayaṁ ariyo aṭṭhaṅgiko maggo bhāvetabbo”ti.\nDasamaṁ.\nOghavaggo aṭṭhamo.","en":"“Mendicants, there are five higher fetters.\nWhat five?\nDesire for rebirth in the realm of luminous form, desire for rebirth in the formless realm, conceit, restlessness, and ignorance.\nThese are the five higher fetters.\nThe noble eightfold path should be developed for the direct knowledge, complete understanding, finishing, and giving up of these five higher fetters.\nWhat is the noble eightfold path?\nIt’s when a mendicant develops right view, right purpose, right speech, right action, right livelihood, right effort, right mindfulness, and right immersion, which culminate in the removal of greed, hate, and delusion …”\n“… whose objective, destination, and culmination is freedom from death …”\n“… which slant, slope, and incline to extinguishment.\nThis is the noble eightfold path that should be developed for the direct knowledge, complete understanding, finishing, and giving up of these five higher fetters.”"}},{"id":"sn45.180:3","sourceIds":["sn45.180:3.0","sn45.180:3.1","sn45.180:3.2","sn45.180:3.3","sn45.180:3.4"],"kind":"text","text":{"pi":"Tassuddānaṁ\nOgho yogo upādānaṁ,\nganthaṁ anusayena ca;\nKāmaguṇā nīvaraṇaṁ,\nkhandhā oruddhambhāgiyāti."}},{"id":"sn45.180:4","sourceIds":["sn45.180:4.0","sn45.180:4.1","sn45.180:4.2","sn45.180:4.3","sn45.180:4.4"],"kind":"text","text":{"pi":"vagguddānaṁ\nAvijjāvaggo paṭhamo,\ndutiyaṁ vihāraṁ vuccati;\nMicchattaṁ tatiyo vaggo,\ncatutthaṁ paṭipanneneva."}},{"id":"sn45.180:5","sourceIds":["sn45.180:5.1","sn45.180:5.2","sn45.180:5.3","sn45.180:5.4"],"kind":"text","text":{"pi":"Titthiyaṁ pañcamo vaggo,\nchaṭṭho sūriyena ca;\nBahukate sattamo vaggo,\nuppādo aṭṭhamena ca."}},{"id":"sn45.180:6","sourceIds":["sn45.180:6.1","sn45.180:6.2","sn45.180:6.3","sn45.180:6.4","sn45.180:6.5","sn45.180:6.6"],"kind":"text","text":{"pi":"Divasavaggo navamo,\nDasamo appamādena ca;\nEkādasabalavaggo,\nDvādasa esanā pāḷiyaṁ;\nOghavaggo bhavati terasāti.\nMaggasaṁyuttaṁ paṭhamaṁ.","en":"The Linked Discourses on the Path, the first section."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.180/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}