{"id":"sn45.2","title":"Half the Spiritual Life","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.2","title":"Half the Spiritual Life","units":[{"id":"sn45.2:0","sourceIds":["sn45.2:0.1","sn45.2:0.2","sn45.2:0.3"],"kind":"text","text":{"pi":"Saṁyutta Nikāya 45.2\n1. Avijjāvagga\nUpaḍḍhasutta","en":"Linked Discourses 45.2\n1. Ignorance\nHalf the Spiritual Life"}},{"id":"sn45.2:1","sourceIds":["sn45.2:1.1","sn45.2:1.2","sn45.2:1.3","sn45.2:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakyesu viharati nagarakaṁ nāma sakyānaṁ nigamo.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“upaḍḍhamidaṁ, bhante, brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā”ti.","en":"So I have heard.\nAt one time the Buddha was staying in the land of the Sakyans, where they have a town named Townsville.\nThen Venerable Ānanda went up to the Buddha, bowed, sat down to one side, and said to him:\n“Sir, good friends, companions, and associates are half the spiritual life.”"}},{"id":"sn45.2:2","sourceIds":["sn45.2:2.1","sn45.2:2.2","sn45.2:2.3"],"kind":"text","text":{"pi":"“Mā hevaṁ, ānanda, mā hevaṁ, ānanda.\nSakalamevidaṁ, ānanda, brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā.\nKalyāṇamittassetaṁ, ānanda, bhikkhuno pāṭikaṅkhaṁ kalyāṇasahāyassa kalyāṇasampavaṅkassa—ariyaṁ aṭṭhaṅgikaṁ maggaṁ bhāvessati, ariyaṁ aṭṭhaṅgikaṁ maggaṁ bahulīkarissati.","en":"“Not so, Ānanda! Not so, Ānanda!\nGood friends, companions, and associates are the whole of the spiritual life.\nA mendicant with good friends, companions, and associates can expect to develop and cultivate the noble eightfold path."}},{"id":"sn45.2:3","sourceIds":["sn45.2:3.1","sn45.2:3.2","sn45.2:3.3","sn45.2:3.4","sn45.2:3.5","sn45.2:3.6","sn45.2:3.7","sn45.2:3.8","sn45.2:3.9","sn45.2:3.10"],"kind":"text","text":{"pi":"Kathañcānanda, bhikkhu kalyāṇamitto kalyāṇasahāyo kalyāṇasampavaṅko ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti?\nIdhānanda, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ;\nsammāsaṅkappaṁ bhāveti vivekanissitaṁ …pe…\nsammāvācaṁ bhāveti …pe…\nsammākammantaṁ bhāveti …pe…\nsammāājīvaṁ bhāveti …pe…\nsammāvāyāmaṁ bhāveti …pe…\nsammāsatiṁ bhāveti …pe…\nsammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nEvaṁ kho, ānanda, bhikkhu kalyāṇamitto kalyāṇasahāyo kalyāṇasampavaṅko ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti.","en":"And how does a mendicant with good friends develop and cultivate the noble eightfold path?\nIt’s when a mendicant develops right view, which relies on seclusion, fading away, and cessation, and ripens as letting go.\nThey develop right purpose …\nright speech …\nright action …\nright livelihood …\nright effort …\nright mindfulness …\nright immersion, which relies on seclusion, fading away, and cessation, and ripens as letting go.\nThat’s how a mendicant with good friends develops and cultivates the noble eightfold path."}},{"id":"sn45.2:4","sourceIds":["sn45.2:4.1","sn45.2:4.2","sn45.2:4.3","sn45.2:4.4"],"kind":"text","text":{"pi":"Tadamināpetaṁ, ānanda, pariyāyena veditabbaṁ yathā sakalamevidaṁ brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā.\nMamañhi, ānanda, kalyāṇamittaṁ āgamma jātidhammā sattā jātiyā parimuccanti; jarādhammā sattā jarāya parimuccanti; maraṇadhammā sattā maraṇena parimuccanti; sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti.\nIminā kho etaṁ, ānanda, pariyāyena veditabbaṁ yathā sakalamevidaṁ brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā”ti.\nDutiyaṁ.","en":"And here’s another way to understand how good friends are the whole of the spiritual life.\nFor, by relying on me as a good friend, sentient beings who are liable to rebirth, old age, and death, to sorrow, lamentation, pain, sadness, and distress are freed from all these things.\nThis is another way to understand how good friends are the whole of the spiritual life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}