{"id":"sn45.3","title":"Sāriputta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.3","title":"Sāriputta","units":[{"id":"sn45.3:0","sourceIds":["sn45.3:0.1","sn45.3:0.2","sn45.3:0.3"],"kind":"text","text":{"pi":"Saṁyutta Nikāya 45.3\n1. Avijjāvagga\nSāriputtasutta","en":"Linked Discourses 45.3\n1. Ignorance\nSāriputta"}},{"id":"sn45.3:1","sourceIds":["sn45.3:1.1","sn45.3:1.2","sn45.3:1.3"],"kind":"text","text":{"pi":"Sāvatthinidānaṁ.\nAtha kho āyasmā sāriputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā sāriputto bhagavantaṁ etadavoca:\n“sakalamidaṁ, bhante, brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā”ti.","en":"At Sāvatthī.\nThen Sāriputta went up to the Buddha, bowed, sat down to one side, and said to him:\n“Sir, good friends, companions, and associates are the whole of the spiritual life.”"}},{"id":"sn45.3:2","sourceIds":["sn45.3:2.1","sn45.3:2.2","sn45.3:2.3","sn45.3:2.4"],"kind":"text","text":{"pi":"“Sādhu sādhu, sāriputta.\nSakalamidaṁ, sāriputta, brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā.\nKalyāṇamittassetaṁ, sāriputta, bhikkhuno pāṭikaṅkhaṁ kalyāṇasahāyassa kalyāṇasampavaṅkassa—ariyaṁ aṭṭhaṅgikaṁ maggaṁ bhāvessati, ariyaṁ aṭṭhaṅgikaṁ maggaṁ bahulīkarissati.\nKathañca, sāriputta, bhikkhu kalyāṇamitto kalyāṇasahāyo kalyāṇasampavaṅko ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti?","en":"“Good, good, Sāriputta!\nGood friends, companions, and associates are the whole of the spiritual life.\nA mendicant with good friends, companions, and associates can expect to develop and cultivate the noble eightfold path.\nAnd how does a mendicant with good friends develop and cultivate the noble eightfold path?"}},{"id":"sn45.3:3","sourceIds":["sn45.3:3.1","sn45.3:3.2"],"kind":"text","text":{"pi":"Idha, sāriputta, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ …pe… sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nEvaṁ kho, sāriputta, bhikkhu kalyāṇamitto kalyāṇasahāyo kalyāṇasampavaṅko ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti.","en":"It’s when a mendicant develops right view, right purpose, right speech, right action, right livelihood, right effort, right mindfulness, and right immersion, which rely on seclusion, fading away, and cessation, and ripen as letting go.\nThat’s how a mendicant with good friends develops and cultivates the noble eightfold path."}},{"id":"sn45.3:4","sourceIds":["sn45.3:4.1","sn45.3:4.2","sn45.3:4.3","sn45.3:4.4"],"kind":"text","text":{"pi":"Tadamināpetaṁ, sāriputta, pariyāyena veditabbaṁ yathā sakalamidaṁ brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā.\nMamañhi, sāriputta, kalyāṇamittaṁ āgamma jātidhammā sattā jātiyā parimuccanti; jarādhammā sattā jarāya parimuccanti; maraṇadhammā sattā maraṇena parimuccanti; sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti.\nIminā kho etaṁ, sāriputta, pariyāyena veditabbaṁ yathā sakalamidaṁ brahmacariyaṁ, yadidaṁ—kalyāṇamittatā kalyāṇasahāyatā kalyāṇasampavaṅkatā”ti.\nTatiyaṁ.","en":"And here’s another way to understand how good friends are the whole of the spiritual life.\nFor, by relying on me as a good friend, sentient beings who are liable to rebirth, old age, and death, to sorrow, lamentation, pain, sadness, and distress are freed from all these things.\nThis is another way to understand how good friends are the whole of the spiritual life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}