{"id":"sn45.4","title":"Regarding the Brahmin Jānussoṇi","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.4","title":"Regarding the Brahmin Jānussoṇi","units":[{"id":"sn45.4:0","sourceIds":["sn45.4:0.1","sn45.4:0.2","sn45.4:0.3"],"kind":"text","text":{"pi":"Saṁyutta Nikāya 45.4\n1. Avijjāvagga\nJāṇussoṇibrāhmaṇasutta","en":"Linked Discourses 45.4\n1. Ignorance\nRegarding the Brahmin Jānussoṇi"}},{"id":"sn45.4:1","sourceIds":["sn45.4:1.1","sn45.4:1.2","sn45.4:1.3","sn45.4:1.4","sn45.4:1.5","sn45.4:1.6","sn45.4:1.7"],"kind":"text","text":{"pi":"Sāvatthinidānaṁ.\nAtha kho āyasmā ānando pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nAddasā kho āyasmā ānando jāṇussoṇiṁ brāhmaṇaṁ sabbasetena vaḷavābhirathena sāvatthiyā niyyāyantaṁ.\nSetā sudaṁ assā yuttā honti setālaṅkārā, seto ratho, setaparivāro, setā rasmiyo, setā patodalaṭṭhi, setaṁ chattaṁ, setaṁ uṇhīsaṁ, setāni vatthāni, setā upāhanā, setāya sudaṁ vālabījaniyā bījīyati.\nTamenaṁ jano disvā evamāha:\n“brahmaṁ vata, bho, yānaṁ.\nBrahmayānarūpaṁ vata, bho”ti.","en":"At Sāvatthī.\nThen Venerable Ānanda robed up in the morning and, taking his bowl and robe, entered Sāvatthī for alms.\nHe saw the brahmin Jānussoṇi driving out of Sāvatthī in an all-white chariot drawn by mares.\nThe yoked horses were pure white, as were the ornaments, chariot, upholstery, reins, goad, and canopy. And his turban, robes, sandals were white, as was the chowry fanning him.\nWhen people saw it they exclaimed,\n“Wow! That’s a divine vehicle!\nIt’s a vehicle fit for divinity!”"}},{"id":"sn45.4:2","sourceIds":["sn45.4:2.1"],"kind":"text","text":{"pi":"Atha kho āyasmā ānando sāvatthiyaṁ piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:","en":"Then Ānanda wandered for alms in Sāvatthī. After the meal, on his return from almsround, he went to the Buddha, bowed, sat down to one side, and told him what had happened, adding,"}},{"id":"sn45.4:3","sourceIds":["sn45.4:3.1","sn45.4:3.2","sn45.4:3.3","sn45.4:3.4","sn45.4:3.5","sn45.4:3.6","sn45.4:3.7"],"kind":"text","text":{"pi":"“Idhāhaṁ, bhante, pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisiṁ.\nAddasaṁ khvāhaṁ, bhante, jāṇussoṇiṁ brāhmaṇaṁ sabbasetena vaḷavābhirathena sāvatthiyā niyyāyantaṁ.\nSetā sudaṁ assā yuttā honti setālaṅkārā, seto ratho, setaparivāro, setā rasmiyo, setā patodalaṭṭhi, setaṁ chattaṁ, setaṁ uṇhīsaṁ, setāni vatthāni, setā upāhanā, setāya sudaṁ vālabījaniyā bījīyati.\nTamenaṁ jano disvā evamāha:\n‘brahmaṁ vata, bho, yānaṁ.\nBrahmayānarūpaṁ vata, bho’ti.\nSakkā nu kho, bhante, imasmiṁ dhammavinaye brahmayānaṁ paññāpetun”ti?","en":"“Sir, can you point out a divine vehicle in this teaching and training?”"}},{"id":"sn45.4:4","sourceIds":["sn45.4:4.1","sn45.4:4.2","sn45.4:4.3"],"kind":"text","text":{"pi":"“Sakkā, ānandā”ti bhagavā avoca:\n“imasseva kho etaṁ, ānanda, ariyassa aṭṭhaṅgikassa maggassa adhivacanaṁ:\n‘brahmayānaṁ’ itipi, ‘dhammayānaṁ’ itipi, ‘anuttaro saṅgāmavijayo’ itipīti.","en":"“I can, Ānanda,” said the Buddha.\n“These are all terms for the noble eightfold path:\n‘divine vehicle’, or else ‘vehicle of truth’, or else ‘supreme victory in battle’."}},{"id":"sn45.4:5","sourceIds":["sn45.4:5.1","sn45.4:5.2","sn45.4:5.3","sn45.4:5.4","sn45.4:5.5","sn45.4:5.6","sn45.4:5.7","sn45.4:5.8"],"kind":"text","text":{"pi":"Sammādiṭṭhi, ānanda, bhāvitā bahulīkatā rāgavinayapariyosānā hoti, dosavinayapariyosānā hoti, mohavinayapariyosānā hoti.\nSammāsaṅkappo, ānanda, bhāvito bahulīkato rāgavinayapariyosāno hoti, dosavinayapariyosāno hoti, mohavinayapariyosāno hoti.\nSammāvācā, ānanda, bhāvitā bahulīkatā rāgavinayapariyosānā hoti, dosa …pe… mohavinayapariyosānā hoti.\nSammākammanto, ānanda, bhāvito bahulīkato rāgavinayapariyosāno hoti, dosa …pe… mohavinayapariyosāno hoti.\nSammāājīvo, ānanda, bhāvito bahulīkato rāgavinayapariyosāno hoti, dosa …pe… mohavinayapariyosāno hoti.\nSammāvāyāmo, ānanda, bhāvito bahulīkato rāgavinayapariyosāno hoti, dosa …pe… mohavinayapariyosāno hoti.\nSammāsati, ānanda, bhāvitā bahulīkatā rāgavinayapariyosānā hoti, dosa …pe… mohavinayapariyosānā hoti.\nSammāsamādhi, ānanda, bhāvito bahulīkato rāgavinayapariyosāno hoti, dosa …pe… mohavinayapariyosāno hoti.","en":"When right view is developed and cultivated it culminates with the removal of greed, hate, and delusion.\nWhen right purpose …\nright speech …\nright action …\nright livelihood …\nright effort …\nright mindfulness …\nright immersion is developed and cultivated it culminates with the removal of greed, hate, and delusion."}},{"id":"sn45.4:6","sourceIds":["sn45.4:6.1","sn45.4:6.2","sn45.4:6.3"],"kind":"text","text":{"pi":"Iminā kho etaṁ, ānanda, pariyāyena veditabbaṁ yathā imassevetaṁ ariyassa aṭṭhaṅgikassa maggassa adhivacanaṁ:\n‘brahmayānaṁ’ itipi, ‘dhammayānaṁ’ itipi, ‘anuttaro saṅgāmavijayo’ itipī”ti.\nIdamavoca bhagavā.","en":"This is a way to understand how these are all terms for the noble eightfold path:\n‘divine vehicle’, or else ‘vehicle of truth’, or else ‘supreme victory in battle’.”\nThat is what the Buddha said."}},{"id":"sn45.4:7","sourceIds":["sn45.4:7.1"],"kind":"text","text":{"pi":"Idaṁ vatvāna sugato athāparaṁ etadavoca satthā:","en":"Then the Holy One, the Teacher, went on to say:"}},{"id":"sn45.4:8","sourceIds":["sn45.4:8.1","sn45.4:8.2","sn45.4:8.3","sn45.4:8.4"],"kind":"text","text":{"pi":"“Yassa saddhā ca paññā ca,\nDhammā yuttā sadā dhuraṁ;\nHirī īsā mano yottaṁ,\nSati ārakkhasārathi.","en":"“Of which the qualities of faith and wisdom\nare always yoked to the shaft;\nconscience its draft-pole, mind its strap,\nmindfulness its careful driver;"}},{"id":"sn45.4:9","sourceIds":["sn45.4:9.1","sn45.4:9.2","sn45.4:9.3","sn45.4:9.4"],"kind":"text","text":{"pi":"Ratho sīlaparikkhāro,\njhānakkho cakkavīriyo;\nUpekkhā dhurasamādhi,\nanicchā parivāraṇaṁ.","en":"the chariot equipped with ethics,\nits axle absorption, energy its wheel;\nequanimity and immersion its draft-pole,\ndesirelessness its upholstery;"}},{"id":"sn45.4:10","sourceIds":["sn45.4:10.1","sn45.4:10.2","sn45.4:10.3","sn45.4:10.4"],"kind":"text","text":{"pi":"Abyāpādo avihiṁsā,\nviveko yassa āvudhaṁ;\nTitikkhā cammasannāho,\nyogakkhemāya vattati.","en":"of which good will, harmlessness,\nand seclusion are its weaponry;\nendurance, its shield and armor:\nto sanctuary from the yoke it rolls—"}},{"id":"sn45.4:11","sourceIds":["sn45.4:11.1","sn45.4:11.2","sn45.4:11.3","sn45.4:11.4","sn45.4:11.5"],"kind":"text","text":{"pi":"Etadattani sambhūtaṁ,\nbrahmayānaṁ anuttaraṁ;\nNiyyanti dhīrā lokamhā,\naññadatthu jayaṁ jayan”ti.\nCatutthaṁ.","en":"this, originating in oneself,\nis the supreme divine vehicle.\nThe attentive leave the world in it,\nsure of winning the victory.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.4/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}