{"id":"sn45.5","title":"What’s the Goal?","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.5","title":"What’s the Goal?","units":[{"id":"sn45.5:0","sourceIds":["sn45.5:0.1","sn45.5:0.2","sn45.5:0.3"],"kind":"text","text":{"pi":"Saṁyutta Nikāya 45.5\n1. Avijjāvagga\nKimatthiyasutta","en":"Linked Discourses 45.5\n1. Ignorance\nWhat’s the Goal?"}},{"id":"sn45.5:1","sourceIds":["sn45.5:1.1","sn45.5:1.2"],"kind":"text","text":{"pi":"Sāvatthinidānaṁ.\nAtha kho sambahulā bhikkhū yena bhagavā tenupasaṅkamiṁsu …pe… ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"At Sāvatthī.\nThen several mendicants went up to the Buddha … and said to him:"}},{"id":"sn45.5:2","sourceIds":["sn45.5:2.1","sn45.5:2.2","sn45.5:2.3","sn45.5:2.4","sn45.5:2.5"],"kind":"text","text":{"pi":"“Idha no, bhante, aññatitthiyā paribbājakā amhe evaṁ pucchanti:\n‘kimatthiyaṁ, āvuso, samaṇe gotame brahmacariyaṁ vussatī’ti?\nEvaṁ puṭṭhā mayaṁ, bhante, tesaṁ aññatitthiyānaṁ paribbājakānaṁ evaṁ byākaroma:\n‘dukkhassa kho, āvuso, pariññatthaṁ bhagavati brahmacariyaṁ vussatī’ti.\nKacci mayaṁ, bhante, evaṁ puṭṭhā evaṁ byākaramānā vuttavādino ceva bhagavato homa, na ca bhagavantaṁ abhūtena abbhācikkhāma, dhammassa cānudhammaṁ byākaroma, na ca koci sahadhammiko vādānuvādo gārayhaṁ ṭhānaṁ āgacchatī”ti?","en":"“Sir, sometimes wanderers of other religions ask us:\n‘Reverends, what’s the goal of leading the spiritual life under the ascetic Gotama?’\nWe answer them like this:\n‘The goal of leading the spiritual life under the Buddha is to completely understand suffering.’\nAnswering this way, we trust that we repeat what the Buddha has said, and don’t misrepresent him with an untruth. We trust our explanation is in line with the teaching, and that there are no legitimate grounds for rebuttal or criticism.”"}},{"id":"sn45.5:3","sourceIds":["sn45.5:3.1","sn45.5:3.2","sn45.5:3.3","sn45.5:3.4","sn45.5:3.5"],"kind":"text","text":{"pi":"“Taggha tumhe, bhikkhave, evaṁ puṭṭhā evaṁ byākaramānā vuttavādino ceva me hotha, na ca maṁ abhūtena abbhācikkhatha, dhammassa cānudhammaṁ byākarotha, na ca koci sahadhammiko vādānuvādo gārayhaṁ ṭhānaṁ āgacchati.\nDukkhassa hi pariññatthaṁ mayi brahmacariyaṁ vussati.\nSace vo, bhikkhave, aññatitthiyā paribbājakā evaṁ puccheyyuṁ:\n‘atthi panāvuso, maggo, atthi paṭipadā etassa dukkhassa pariññāyā’ti, evaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyātha:\n‘atthi kho, āvuso, maggo, atthi paṭipadā etassa dukkhassa pariññāyā’ti.","en":"“Indeed, in answering this way you repeat what I’ve said, and don’t misrepresent me with an untruth. Your explanation is in line with the teaching, and there are no legitimate grounds for rebuttal or criticism.\nFor the goal of leading the spiritual life under me is to completely understand suffering.\nIf wanderers of other religions were to ask you:\n‘Is there a path and a practice for completely understanding that suffering?’ You should answer them like this:\n‘There is.’"}},{"id":"sn45.5:4","sourceIds":["sn45.5:4.1","sn45.5:4.2","sn45.5:4.3","sn45.5:4.4","sn45.5:4.5","sn45.5:4.6"],"kind":"text","text":{"pi":"Katamo ca, bhikkhave, maggo, katamā paṭipadā etassa dukkhassa pariññāyāti?\nAyameva ariyo aṭṭhaṅgiko maggo, seyyathidaṁ—\nsammādiṭṭhi …pe… sammāsamādhi.\nAyaṁ, bhikkhave, maggo, ayaṁ paṭipadā etassa dukkhassa pariññāyāti.\nEvaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyāthā”ti.\nPañcamaṁ.","en":"And what is that path?\nIt is simply this noble eightfold path, that is:\nright view, right purpose, right speech, right action, right livelihood, right effort, right mindfulness, and right immersion.\nThis is the path and the practice for completely understanding suffering.\nWhen questioned by wanderers of other religions, that’s how you should answer them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}