{"id":"sn45.70","title":"Good Friends (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.70","title":"Good Friends (2nd)","units":[{"id":"sn45.70:0","sourceIds":["sn45.70:0.1","sn45.70:0.2","sn45.70:0.3"],"kind":"text","text":{"pi":"Saṁyutta Nikāya 45.70\n7. Ekadhammapeyyālavagga\nDutiyakalyāṇamittasutta","en":"Linked Discourses 45.70\n7. Abbreviated Texts on One Thing\nGood Friends (2nd)"}},{"id":"sn45.70:1","sourceIds":["sn45.70:1.1","sn45.70:1.2","sn45.70:1.3","sn45.70:1.4","sn45.70:1.5","sn45.70:1.6","sn45.70:1.7","sn45.70:1.8","sn45.70:1.9"],"kind":"text","text":{"pi":"Sāvatthinidānaṁ.\n“Ekadhammo, bhikkhave, bahūpakāro ariyassa aṭṭhaṅgikassa maggassa uppādāya.\nKatamo ekadhammo?\nYadidaṁ—kalyāṇamittatā.\nKalyāṇamittassetaṁ, bhikkhave, bhikkhuno pāṭikaṅkhaṁ—ariyaṁ aṭṭhaṅgikaṁ maggaṁ bhāvessati, ariyaṁ aṭṭhaṅgikaṁ maggaṁ bahulīkarissati.\nKathañca, bhikkhave, bhikkhu kalyāṇamitto ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti?\nIdha, bhikkhave, bhikkhu sammādiṭṭhiṁ bhāveti rāgavinayapariyosānaṁ dosavinayapariyosānaṁ mohavinayapariyosānaṁ …pe… sammāsamādhiṁ bhāveti rāgavinayapariyosānaṁ dosavinayapariyosānaṁ mohavinayapariyosānaṁ.\nEvaṁ kho, bhikkhave, bhikkhu kalyāṇamitto ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkarotī”ti.\nPaṭhamaṁ.","en":"At Sāvatthī.\n“Mendicants, one thing helps give rise to the noble eightfold path.\nWhat one thing?\nIt’s good friendship.\nA mendicant with good friends can expect to develop and cultivate the noble eightfold path.\nAnd how does a mendicant with good friends develop and cultivate the noble eightfold path?\nIt’s when a mendicant develops right view, right purpose, right speech, right action, right livelihood, right effort, right mindfulness, and right immersion, which culminate in the removal of greed, hate, and delusion.\nThat’s how a mendicant with good friends develops and cultivates the noble eightfold path.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}