{"id":"sn45.9","title":"A Spike","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.9","title":"A Spike","units":[{"id":"sn45.9:0","sourceIds":["sn45.9:0.1","sn45.9:0.2","sn45.9:0.3"],"kind":"text","text":{"pi":"Saṁyutta Nikāya 45.9\n1. Avijjāvagga\nSūkasutta","en":"Linked Discourses 45.9\n1. Ignorance\nA Spike"}},{"id":"sn45.9:1","sourceIds":["sn45.9:1.1","sn45.9:1.2","sn45.9:1.3","sn45.9:1.4","sn45.9:1.5","sn45.9:1.6","sn45.9:1.7"],"kind":"text","text":{"pi":"Sāvatthinidānaṁ.\n“Seyyathāpi, bhikkhave, sālisūkaṁ vā yavasūkaṁ vā micchāpaṇihitaṁ hatthena vā pādena vā akkantaṁ hatthaṁ vā pādaṁ vā bhindissati, lohitaṁ vā uppādessatīti—netaṁ ṭhānaṁ vijjati.\nTaṁ kissa hetu?\nMicchāpaṇihitattā, bhikkhave, sūkassa.\nEvameva kho, bhikkhave, so vata bhikkhu micchāpaṇihitāya diṭṭhiyā micchāpaṇihitāya maggabhāvanāya avijjaṁ bhindissati, vijjaṁ uppādessati, nibbānaṁ sacchikarissatīti—netaṁ ṭhānaṁ vijjati.\nTaṁ kissa hetu?\nMicchāpaṇihitattā, bhikkhave, diṭṭhiyā.","en":"At Sāvatthī.\n“Mendicants, suppose a spike of rice or barley was pointing the wrong way. If you trod on it with hand or foot, it is impossible for it to break the skin and produce blood.\nWhy is that?\nBecause the spike is pointing the wrong way.\nIn the same way, a mendicant whose view and development of the path is pointing the wrong way cannot break ignorance, produce knowledge, and realize extinguishment.\nWhy is that?\nBecause their view is pointing the wrong way."}},{"id":"sn45.9:2","sourceIds":["sn45.9:2.1","sn45.9:2.2","sn45.9:2.3","sn45.9:2.4","sn45.9:2.5","sn45.9:2.6"],"kind":"text","text":{"pi":"Seyyathāpi, bhikkhave, sālisūkaṁ vā yavasūkaṁ vā sammāpaṇihitaṁ hatthena vā pādena vā akkantaṁ hatthaṁ vā pādaṁ vā bhindissati, lohitaṁ vā uppādessatīti—ṭhānametaṁ vijjati.\nTaṁ kissa hetu?\nSammāpaṇihitattā, bhikkhave, sūkassa.\nEvameva kho, bhikkhave, so vata bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṁ bhindissati, vijjaṁ uppādessati, nibbānaṁ sacchikarissatīti—ṭhānametaṁ vijjati.\nTaṁ kissa hetu?\nSammāpaṇihitattā, bhikkhave, diṭṭhiyā.","en":"Suppose a spike of rice or barley was pointing the right way. If you trod on it with hand or foot, it’s possible it may break the skin and produce blood.\nWhy is that?\nBecause the spike is pointing the right way.\nIn the same way, a mendicant whose view and development of the path is pointing the right way may well break ignorance, produce knowledge, and realize extinguishment.\nWhy is that?\nBecause their view is pointing the right way."}},{"id":"sn45.9:3","sourceIds":["sn45.9:3.1","sn45.9:3.2","sn45.9:3.3","sn45.9:3.4"],"kind":"text","text":{"pi":"Kathañca, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṁ bhindati, vijjaṁ uppādeti, nibbānaṁ sacchikarotīti?\nIdha, bhikkhave, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ …pe… sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nEvaṁ kho, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṁ bhindati, vijjaṁ uppādeti, nibbānaṁ sacchikarotī”ti.\nNavamaṁ.","en":"And how does a mendicant whose view and development of the path is pointing the right way break ignorance, give rise to knowledge, and realize extinguishment?\nIt’s when a mendicant develops right view, right purpose, right speech, right action, right livelihood, right effort, right mindfulness, and right immersion, which rely on seclusion, fading away, and cessation, and ripen as letting go.\nThat’s how a mendicant whose view and development of the path is pointing the right way breaks ignorance, gives rise to knowledge, and realizes extinguishment.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}