{"id":"sn46.33","title":"Corruptions","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn46.33","title":"Corruptions","units":[{"id":"sn46.33:0","sourceIds":["sn46.33:0.1","sn46.33:0.2","sn46.33:0.3"],"kind":"text","text":{"pi":"Saṁyutta Nikāya 46.33\n4. Nīvaraṇavagga\nUpakkilesasutta","en":"Linked Discourses 46.33\n4. Hindrances\nCorruptions"}},{"id":"sn46.33:1","sourceIds":["sn46.33:1.1","sn46.33:1.2","sn46.33:1.3","sn46.33:1.4","sn46.33:1.5","sn46.33:1.6","sn46.33:1.7","sn46.33:1.8"],"kind":"text","text":{"pi":"“Pañcime, bhikkhave, jātarūpassa upakkilesā, yehi upakkilesehi upakkiliṭṭhaṁ jātarūpaṁ na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā upeti kammāya.\nKatame pañca?\nAyo, bhikkhave, jātarūpassa upakkileso, yena upakkilesena upakkiliṭṭhaṁ jātarūpaṁ na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā upeti kammāya.\nLohaṁ, bhikkhave, jātarūpassa upakkileso, yena upakkilesena upakkiliṭṭhaṁ jātarūpaṁ …pe…\ntipu, bhikkhave, jātarūpassa upakkileso …pe…\nsīsaṁ, bhikkhave, jātarūpassa upakkileso …pe…\nsajjhu, bhikkhave, jātarūpassa upakkileso, yena upakkilesena upakkiliṭṭhaṁ jātarūpaṁ na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā upeti kammāya.\nIme kho, bhikkhave, pañca jātarūpassa upakkilesā, yehi upakkilesehi upakkiliṭṭhaṁ jātarūpaṁ na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā upeti kammāya.","en":"“Mendicants, there are these five corruptions of native gold. When native gold is corrupted by these it’s not pliable, workable, or radiant, but is brittle and not completely ready for working.\nWhat five?\nIron,\ncopper,\ntin,\nlead,\nand silver.\nWhen native gold is corrupted by these five corruptions it’s not pliable, workable, or radiant, but is brittle and not completely ready for working."}},{"id":"sn46.33:2","sourceIds":["sn46.33:2.1","sn46.33:2.2","sn46.33:2.3","sn46.33:2.4","sn46.33:2.5"],"kind":"text","text":{"pi":"Evameva kho, bhikkhave, pañcime cittassa upakkilesā, yehi upakkilesehi upakkiliṭṭhaṁ cittaṁ na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā samādhiyati āsavānaṁ khayāya.\nKatame pañca?\nKāmacchando, bhikkhave, cittassa upakkileso, yena upakkilesena upakkiliṭṭhaṁ cittaṁ na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā samādhiyati āsavānaṁ khayāya …pe…\nime kho, bhikkhave, pañca cittassa upakkilesā, yehi upakkilesehi upakkiliṭṭhaṁ cittaṁ na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā samādhiyati āsavānaṁ khayāyā”ti.\nTatiyaṁ.","en":"In the same way, there are these five corruptions of the mind. When the mind is corrupted by these it’s not pliable, workable, or radiant. It’s brittle, and not rightly immersed in samādhi for the ending of defilements.\nWhat five?\nSensual desire, ill will, dullness and drowsiness, restlessness and remorse, and doubt.\nThese are the five corruptions of the mind. When the mind is corrupted by these it’s not pliable, workable, or radiant. It’s brittle, and not rightly immersed in samādhi for the ending of defilements.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn46.33/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}