{"id":"sn46.40","title":"Hindrances","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn46.40","title":"Hindrances","units":[{"id":"sn46.40:0","sourceIds":["sn46.40:0.1","sn46.40:0.2","sn46.40:0.3"],"kind":"text","text":{"pi":"Saṁyutta Nikāya 46.40\n4. Nīvaraṇavagga\nNīvaraṇasutta","en":"Linked Discourses 46.40\n4. Hindrances\nHindrances"}},{"id":"sn46.40:1","sourceIds":["sn46.40:1.1","sn46.40:1.2","sn46.40:1.3","sn46.40:1.4","sn46.40:1.5","sn46.40:1.6","sn46.40:1.7","sn46.40:1.8"],"kind":"text","text":{"pi":"“Pañcime, bhikkhave, nīvaraṇā andhakaraṇā acakkhukaraṇā aññāṇakaraṇā paññānirodhikā vighātapakkhiyā anibbānasaṁvattanikā.\nKatame pañca?\nKāmacchandanīvaraṇaṁ, bhikkhave, andhakaraṇaṁ acakkhukaraṇaṁ aññāṇakaraṇaṁ paññānirodhikaṁ vighātapakkhiyaṁ anibbānasaṁvattanikaṁ.\nByāpādanīvaraṇaṁ, bhikkhave …pe…\nthinamiddhanīvaraṇaṁ, bhikkhave …pe…\nuddhaccakukkuccanīvaraṇaṁ, bhikkhave …pe…\nvicikicchānīvaraṇaṁ, bhikkhave, andhakaraṇaṁ acakkhukaraṇaṁ aññāṇakaraṇaṁ paññānirodhikaṁ vighātapakkhiyaṁ anibbānasaṁvattanikaṁ.\nIme kho, bhikkhave, pañca nīvaraṇā andhakaraṇā acakkhukaraṇā aññāṇakaraṇā paññānirodhikā vighātapakkhiyā anibbānasaṁvattanikā.","en":"“Mendicants, these five hindrances are destroyers of sight, vision, and knowledge. They block wisdom, they’re on the side of distress, and they don’t lead to extinguishment.\nWhat five?\nSensual desire, ill will, dullness and drowsiness, restlessness and remorse, and doubt.\nThese five hindrances are destroyers of sight, vision, and knowledge. They block wisdom, they’re on the side of distress, and they don’t lead to extinguishment."}},{"id":"sn46.40:2","sourceIds":["sn46.40:2.1","sn46.40:2.2","sn46.40:2.3","sn46.40:2.4","sn46.40:2.5","sn46.40:2.6"],"kind":"text","text":{"pi":"Sattime, bhikkhave, bojjhaṅgā cakkhukaraṇā ñāṇakaraṇā paññābuddhiyā avighātapakkhiyā nibbānasaṁvattanikā.\nKatame satta?\nSatisambojjhaṅgo, bhikkhave, cakkhukaraṇo ñāṇakaraṇo paññābuddhiyo avighātapakkhiyo nibbānasaṁvattaniko …pe… upekkhāsambojjhaṅgo, bhikkhave, cakkhukaraṇo ñāṇakaraṇo paññābuddhiyo avighātapakkhiyo nibbānasaṁvattaniko.\nIme kho, bhikkhave, satta bojjhaṅgā cakkhukaraṇā ñāṇakaraṇā paññābuddhiyā avighātapakkhiyā nibbānasaṁvattanikā”ti.\nDasamaṁ.\nNīvaraṇavaggo catuttho.","en":"These seven awakening factors are creators of vision and knowledge. They grow wisdom, they’re on the side of solace, and they lead to extinguishment.\nWhat seven?\nThe awakening factors of mindfulness, investigation of principles, energy, rapture, tranquility, immersion, and equanimity.\nThese seven awakening factors are creators of vision and knowledge. They grow wisdom, they’re on the side of solace, and they lead to extinguishment.”"}},{"id":"sn46.40:3","sourceIds":["sn46.40:3.0","sn46.40:3.1","sn46.40:3.2","sn46.40:3.3","sn46.40:3.4"],"kind":"text","text":{"pi":"Tassuddānaṁ\nDve kusalā kilesā ca,\nDve yoniso ca buddhi ca;\nĀvaraṇā nīvaraṇā rukkhaṁ,\nNīvaraṇañca te dasāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn46.40/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}