{"id":"sn46.76","title":"Cessation","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn46.76","title":"Cessation","units":[{"id":"sn46.76:0","sourceIds":["sn46.76:0.1","sn46.76:0.2","sn46.76:0.3"],"kind":"text","text":{"pi":"Saṁyutta Nikāya 46.76\n8. Nirodhavagga\nNirodhasutta","en":"Linked Discourses 46.76\n8. Cessation\nCessation"}},{"id":"sn46.76:1","sourceIds":["sn46.76:1.1","sn46.76:1.2","sn46.76:1.3","sn46.76:1.4","sn46.76:1.5"],"kind":"text","text":{"pi":"“Nirodhasaññā, bhikkhave, bhāvitā bahulīkatā mahapphalā hoti mahānisaṁsā.\nKathaṁ bhāvitā ca, bhikkhave, nirodhasaññā kathaṁ bahulīkatā mahapphalā hoti mahānisaṁsā?\nIdha, bhikkhave, bhikkhu nirodhasaññāsahagataṁ satisambojjhaṅgaṁ bhāveti …pe…\nnirodhasaññāsahagataṁ upekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nEvaṁ bhāvitā kho, bhikkhave, nirodhasaññā evaṁ bahulīkatā mahapphalā hoti mahānisaṁsāti.","en":"“Mendicants, when the perception of cessation is developed and cultivated it’s very fruitful and beneficial.\nHow so?\nIt’s when a mendicant develops the perception of cessation together with the awakening factors of mindfulness, investigation of principles, energy, rapture, tranquility, immersion,\nand equanimity, which rely on seclusion, fading away, and cessation, and ripen as letting go.\nThat’s how, when the perception of cessation is developed and cultivated, it’s very fruitful and beneficial."}},{"id":"sn46.76:2","sourceIds":["sn46.76:2.1","sn46.76:2.2","sn46.76:2.3","sn46.76:2.4","sn46.76:2.5","sn46.76:2.6","sn46.76:2.7","sn46.76:2.8"],"kind":"text","text":{"pi":"Nirodhasaññāya, bhikkhave, bhāvitāya bahulīkatāya dvinnaṁ phalānaṁ aññataraṁ phalaṁ pāṭikaṅkhaṁ—\ndiṭṭheva dhamme aññā, sati vā upādisese anāgāmitā.\nKathaṁ bhāvitāya, bhikkhave, nirodhasaññāya kathaṁ bahulīkatāya dvinnaṁ phalānaṁ aññataraṁ phalaṁ pāṭikaṅkhaṁ—\ndiṭṭheva dhamme aññā, sati vā upādisese anāgāmitā?\nIdha, bhikkhave, bhikkhu nirodhasaññāsahagataṁ satisambojjhaṅgaṁ bhāveti …pe…\nnirodhasaññāsahagataṁ upekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nEvaṁ bhāvitāya kho, bhikkhave, nirodhasaññāya evaṁ bahulīkatāya dvinnaṁ phalānaṁ aññataraṁ phalaṁ pāṭikaṅkhaṁ—\ndiṭṭheva dhamme aññā, sati vā upādisese anāgāmitāti.","en":"When the perception of cessation is developed and cultivated you can expect one of two results:\nenlightenment in this very life, or if there’s residue left behind, non-return.\nHow so?\nIt’s when a mendicant develops the perception of cessation together with the awakening factors of mindfulness, investigation of principles, energy, rapture, tranquility, immersion,\nand equanimity, which rely on seclusion, fading away, and cessation, and ripen as letting go.\nWhen the perception of cessation is developed and cultivated in this way you can expect one of two results:\nenlightenment in this very life, or if there’s residue left behind, non-return.”"}},{"id":"sn46.76:3","sourceIds":["sn46.76:3.1","sn46.76:3.2","sn46.76:3.3","sn46.76:3.4","sn46.76:3.5","sn46.76:3.6","sn46.76:3.7"],"kind":"text","text":{"pi":"Nirodhasaññā, bhikkhave, bhāvitā bahulīkatā mahato atthāya saṁvattati, mahato yogakkhemāya saṁvattati, mahato saṁvegāya saṁvattati, mahato phāsuvihārāya saṁvattati.\nKathaṁ bhāvitā ca, bhikkhave, nirodhasaññā kathaṁ bahulīkatā mahato atthāya saṁvattati, mahato yogakkhemāya saṁvattati, mahato saṁvegāya saṁvattati, mahato phāsuvihārāya saṁvattati?\nIdha, bhikkhave, bhikkhu nirodhasaññāsahagataṁ satisambojjhaṅgaṁ bhāveti …pe…\nnirodhasaññāsahagataṁ upekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nEvaṁ bhāvitā kho, bhikkhave, nirodhasaññā evaṁ bahulīkatā mahato atthāya saṁvattati, mahato yogakkhemāya saṁvattati, mahato saṁvegāya saṁvattati, mahato phāsuvihārāya saṁvattatī”ti.\nDasamaṁ.\nNirodhavaggo aṭṭhamo.","en":"“The perception of cessation, when developed and cultivated, leads to great benefit … great sanctuary from the yoke … great inspiration … great ease.\nHow so?\nIt’s when a mendicant develops the perception of cessation together with the awakening factors of mindfulness, investigation of principles, energy, rapture, tranquility, immersion,\nand equanimity, which rely on seclusion, fading away, and cessation, and ripen as letting go.\nThat’s how the perception of cessation, when developed and cultivated, leads to great benefit … great sanctuary from the yoke … great inspiration … great ease.”"}},{"id":"sn46.76:4","sourceIds":["sn46.76:4.0","sn46.76:4.1","sn46.76:4.2","sn46.76:4.3","sn46.76:4.4"],"kind":"text","text":{"pi":"Tassuddānaṁ\nAsubhamaraṇaāhāre,\nPaṭikūlaanabhiratena;\nAniccadukkhaanattapahānaṁ,\nVirāganirodhena te dasāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn46.76/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}