{"id":"sn47.10","title":"The Nuns’ Quarters","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.10","title":"The Nuns’ Quarters","units":[{"id":"sn47.10:0","sourceIds":["sn47.10:0.1","sn47.10:0.2","sn47.10:0.3"],"kind":"text","text":{"pi":"Saṁyutta Nikāya 47.10\n1. Ambapālivagga\nBhikkhunupassayasutta","en":"Linked Discourses 47.10\n1. In Ambapālī’s Mango Grove\nThe Nuns’ Quarters"}},{"id":"sn47.10:1","sourceIds":["sn47.10:1.1","sn47.10:1.2"],"kind":"text","text":{"pi":"Atha kho āyasmā ānando pubbaṇhasamayaṁ nivāsetvā pattacīvaramādāya yena aññataro bhikkhunupassayo tenupasaṅkami; upasaṅkamitvā paññatte āsane nisīdi.\nAtha kho sambahulā bhikkhuniyo yenāyasmā ānando tenupasaṅkamiṁsu; upasaṅkamitvā āyasmantaṁ ānandaṁ abhivādetvā ekamantaṁ nisīdiṁsu. Ekamantaṁ nisinnā kho tā bhikkhuniyo āyasmantaṁ ānandaṁ etadavocuṁ:","en":"Then Venerable Ānanda robed up in the morning and, taking his bowl and robe, went to the nuns’ quarters, and sat down on the seat spread out.\nThen several nuns went up to Venerable Ānanda bowed, sat down to one side, and said to him:"}},{"id":"sn47.10:2","sourceIds":["sn47.10:2.1","sn47.10:2.2","sn47.10:2.3","sn47.10:2.4"],"kind":"text","text":{"pi":"“Idha, bhante ānanda, sambahulā bhikkhuniyo catūsu satipaṭṭhānesu suppatiṭṭhitacittā viharantiyo uḷāraṁ pubbenāparaṁ visesaṁ sañjānantī”ti.\n“Evametaṁ, bhaginiyo, evametaṁ, bhaginiyo.\nYo hi koci, bhaginiyo, bhikkhu vā bhikkhunī vā catūsu satipaṭṭhānesu suppatiṭṭhitacitto viharati, tassetaṁ pāṭikaṅkhaṁ:\n‘uḷāraṁ pubbenāparaṁ visesaṁ sañjānissatī’”ti.","en":"“Honorable Ānanda, several nuns meditate with their minds firmly established in the four kinds of mindfulness meditation. They have realized a higher distinction than they had before.”\n“That’s how it is, sisters! That’s how it is, sisters!\nAny monk or nun who meditates with their mind firmly established in the four kinds of mindfulness meditation can expect to\nrealize a higher distinction than they had before.”"}},{"id":"sn47.10:3","sourceIds":["sn47.10:3.1","sn47.10:3.2"],"kind":"text","text":{"pi":"Atha kho āyasmā ānando tā bhikkhuniyo dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.\nAtha kho āyasmā ānando sāvatthiyaṁ piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:","en":"Then Ānanda educated, encouraged, fired up, and inspired those nuns with a Dhamma talk, after which he rose from his seat and left.\nThen Ānanda wandered for alms in Sāvatthī. After the meal, on his return from almsround, he went to the Buddha, bowed, sat down to one side, and told him what had happened."}},{"id":"sn47.10:4","sourceIds":["sn47.10:4.1","sn47.10:4.2","sn47.10:4.3","sn47.10:4.4","sn47.10:4.5","sn47.10:4.6"],"kind":"text","text":{"pi":"“Idhāhaṁ, bhante, pubbaṇhasamayaṁ nivāsetvā pattacīvaramādāya yena aññataro bhikkhunupassayo tenupasaṅkamiṁ; upasaṅkamitvā paññatte āsane nisīdiṁ.\nAtha kho, bhante, sambahulā bhikkhuniyo yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ nisīdiṁsu. Ekamantaṁ nisinnā kho, bhante, tā bhikkhuniyo maṁ etadavocuṁ:\n‘idha, bhante ānanda, sambahulā bhikkhuniyo catūsu satipaṭṭhānesu suppatiṭṭhitacittā viharantiyo uḷāraṁ pubbenāparaṁ visesaṁ sañjānantī’ti.\nEvaṁ vuttāhaṁ, bhante, tā bhikkhuniyo etadavocaṁ:\n‘evametaṁ, bhaginiyo, evametaṁ, bhaginiyo.\nYo hi koci, bhaginiyo, bhikkhu vā bhikkhunī vā catūsu satipaṭṭhānesu suppatiṭṭhitacitto viharati, tassetaṁ pāṭikaṅkhaṁ—uḷāraṁ pubbenāparaṁ visesaṁ sañjānissatī’”ti."}},{"id":"sn47.10:5","sourceIds":["sn47.10:5.1","sn47.10:5.2","sn47.10:5.3"],"kind":"text","text":{"pi":"“Evametaṁ, ānanda, evametaṁ, ānanda.\nYo hi koci, ānanda, bhikkhu vā bhikkhunī vā catūsu satipaṭṭhānesu suppatiṭṭhitacitto viharati, tassetaṁ pāṭikaṅkhaṁ:\n‘uḷāraṁ pubbenāparaṁ visesaṁ sañjānissati’.","en":"“That’s so true, Ānanda! That’s so true!\nAny monk or nun who meditates with their mind firmly established in the four kinds of mindfulness meditation can expect to\nrealize a higher distinction than they had before."}},{"id":"sn47.10:6","sourceIds":["sn47.10:6.1","sn47.10:6.2","sn47.10:6.3","sn47.10:6.4","sn47.10:6.5","sn47.10:6.6","sn47.10:6.7","sn47.10:6.8","sn47.10:6.9","sn47.10:6.10","sn47.10:6.11","sn47.10:6.12","sn47.10:6.13","sn47.10:6.14"],"kind":"text","text":{"pi":"Katamesu catūsu?\nIdhānanda, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ.\nTassa kāye kāyānupassino viharato kāyārammaṇo vā uppajjati kāyasmiṁ pariḷāho, cetaso vā līnattaṁ, bahiddhā vā cittaṁ vikkhipati.\nTenānanda, bhikkhunā kismiñcideva pasādanīye nimitte cittaṁ paṇidahitabbaṁ.\nTassa kismiñcideva pasādanīye nimitte cittaṁ paṇidahato pāmojjaṁ jāyati.\nPamuditassa pīti jāyati.\nPītimanassa kāyo passambhati.\nPassaddhakāyo sukhaṁ vedayati.\nSukhino cittaṁ samādhiyati.\nSo iti paṭisañcikkhati:\n‘yassa khvāhaṁ atthāya cittaṁ paṇidahiṁ, so me attho abhinipphanno.\nHanda dāni paṭisaṁharāmī’ti.\nSo paṭisaṁharati ceva na ca vitakketi na ca vicāreti.\n‘Avitakkomhi avicāro, ajjhattaṁ satimā sukhamasmī’ti pajānāti.","en":"What four?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nAs they meditate observing an aspect of the body, based on the body there arises sweltering in the body, or mental sluggishness, or the mind is externally scattered.\nThat mendicant should direct their mind toward an inspiring subject as a basis for meditation.\nAs they do so, joy springs up.\nBeing joyful, rapture springs up.\nWhen the mind is full of rapture, the body becomes tranquil.\nWhen the body is tranquil, one feels bliss.\nAnd when blissful, the mind becomes immersed in samādhi.\nThen they reflect:\n‘I have accomplished the goal for which I directed my mind.\nLet me now relax.’\nThey relax, and neither place the mind nor keep it connected.\nThey understand: ‘I’m neither placing the mind nor keeping it connected. Mindful within myself, I’m happy.’"}},{"id":"sn47.10:7","sourceIds":["sn47.10:7.1","sn47.10:7.2","sn47.10:7.3","sn47.10:7.4","sn47.10:7.5","sn47.10:7.6","sn47.10:7.7","sn47.10:7.8","sn47.10:7.9","sn47.10:7.10","sn47.10:7.11","sn47.10:7.12","sn47.10:7.13","sn47.10:7.14","sn47.10:7.15","sn47.10:7.16"],"kind":"text","text":{"pi":"Puna caparaṁ, ānanda, bhikkhu vedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ.\nTassa dhammesu dhammānupassino viharato dhammārammaṇo vā uppajjati kāyasmiṁ pariḷāho, cetaso vā līnattaṁ, bahiddhā vā cittaṁ vikkhipati.\nTenānanda, bhikkhunā kismiñcideva pasādanīye nimitte cittaṁ paṇidahitabbaṁ.\nTassa kismiñcideva pasādanīye nimitte cittaṁ paṇidahato pāmojjaṁ jāyati.\nPamuditassa pīti jāyati.\nPītimanassa kāyo passambhati.\nPassaddhakāyo sukhaṁ vedayati.\nSukhino cittaṁ samādhiyati.\nSo iti paṭisañcikkhati:\n‘yassa khvāhaṁ atthāya cittaṁ paṇidahiṁ, so me attho abhinipphanno.\nHanda dāni paṭisaṁharāmī’ti.\nSo paṭisaṁharati ceva na ca vitakketi na ca vicāreti.\n‘Avitakkomhi avicāro, ajjhattaṁ satimā sukhamasmī’ti pajānāti.\nEvaṁ kho, ānanda, paṇidhāya bhāvanā hoti.","en":"Furthermore, a mendicant meditates by observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nAs they meditate observing an aspect of principles, based on principles there arises sweltering in the body, or mental sluggishness, or the mind is externally scattered.\nThat mendicant should direct their mind toward an inspiring subject as a basis for meditation.\nAs they do so, joy springs up.\nBeing joyful, rapture springs up.\nWhen the mind is full of rapture, the body becomes tranquil.\nWhen the body is tranquil, one feels bliss.\nAnd when blissful, the mind becomes immersed in samādhi.\nThen they reflect:\n‘I have accomplished the goal for which I directed my mind.\nLet me now relax.’\nThey relax, and neither place the mind nor keep it connected.\nThey understand: ‘I’m neither placing the mind nor keeping it connected. Mindful within myself, I’m happy.’\nThat’s how there is directed development."}},{"id":"sn47.10:8","sourceIds":["sn47.10:8.1","sn47.10:8.2","sn47.10:8.3","sn47.10:8.4","sn47.10:8.5","sn47.10:8.6","sn47.10:8.7","sn47.10:8.8","sn47.10:8.9","sn47.10:8.10","sn47.10:8.11","sn47.10:8.12","sn47.10:8.13","sn47.10:8.14"],"kind":"text","text":{"pi":"Kathañcānanda, appaṇidhāya bhāvanā hoti?\nBahiddhā, ānanda, bhikkhu cittaṁ appaṇidhāya ‘appaṇihitaṁ me bahiddhā cittan’ti pajānāti.\nAtha pacchāpure ‘asaṅkhittaṁ vimuttaṁ appaṇihitan’ti pajānāti.\nAtha ca pana ‘kāye kāyānupassī viharāmi ātāpī sampajāno satimā sukhamasmī’ti pajānāti.\nBahiddhā, ānanda, bhikkhu cittaṁ appaṇidhāya ‘appaṇihitaṁ me bahiddhā cittan’ti pajānāti.\nAtha pacchāpure ‘asaṅkhittaṁ vimuttaṁ appaṇihitan’ti pajānāti.\nAtha ca pana ‘vedanāsu vedanānupassī viharāmi ātāpī sampajāno satimā sukhamasmī’ti pajānāti.\nBahiddhā, ānanda, bhikkhu cittaṁ appaṇidhāya ‘appaṇihitaṁ me bahiddhā cittan’ti pajānāti.\nAtha pacchāpure ‘asaṅkhittaṁ vimuttaṁ appaṇihitan’ti pajānāti.\nAtha ca pana ‘citte cittānupassī viharāmi ātāpī sampajāno satimā sukhamasmī’ti pajānāti.\nBahiddhā, ānanda, bhikkhu cittaṁ appaṇidhāya ‘appaṇihitaṁ me bahiddhā cittan’ti pajānāti.\nAtha pacchāpure ‘asaṅkhittaṁ vimuttaṁ appaṇihitan’ti pajānāti.\nAtha ca pana ‘dhammesu dhammānupassī viharāmi ātāpī sampajāno satimā sukhamasmī’ti pajānāti.\nEvaṁ kho, ānanda, appaṇidhāya bhāvanā hoti.","en":"And how is there undirected development?\nNot directing their mind externally, a mendicant understands: ‘My mind is not directed externally.’\nAnd they understand: ‘Before and behind, it’s unconstricted, freed, and undirected.’\nAnd they also understand: ‘I meditate observing an aspect of the body—keen, aware, mindful; I am happy.’\nNot directing their mind externally, a mendicant understands: ‘My mind is not directed externally.’\nAnd they understand: ‘Before and behind, it’s unconstricted, freed, and undirected.’\nAnd they also understand: ‘I meditate observing an aspect of feelings—keen, aware, mindful; I am happy.’\nNot directing their mind externally, a mendicant understands: ‘My mind is not directed externally.’\nAnd they understand: ‘Before and behind, it’s unconstricted, freed, and undirected.’\nAnd they also understand: ‘I meditate observing an aspect of the mind—keen, aware, mindful; I am happy.’\nNot directing their mind externally, a mendicant understands: ‘My mind is not directed externally.’\nAnd they understand: ‘Before and behind, it’s unconstricted, freed, and undirected.’\nAnd they also understand: ‘I meditate observing an aspect of principles—keen, aware, mindful; I am happy.’\nThat’s how there is undirected development."}},{"id":"sn47.10:9","sourceIds":["sn47.10:9.1","sn47.10:9.2","sn47.10:9.3"],"kind":"text","text":{"pi":"Iti kho, ānanda, desitā mayā paṇidhāya bhāvanā, desitā appaṇidhāya bhāvanā.\nYaṁ, ānanda, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā.\nEtāni, ānanda, rukkhamūlāni, etāni suññāgārāni. Jhāyathānanda, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti.","en":"So, Ānanda, I’ve taught you directed development and undirected development.\nOut of sympathy, I’ve done what a teacher should do who wants what’s best for their disciples.\nHere are these roots of trees, and here are these empty huts. Practice absorption, Ānanda! Don’t be negligent! Don’t regret it later! This is my instruction to you.”"}},{"id":"sn47.10:10","sourceIds":["sn47.10:10.1","sn47.10:10.2","sn47.10:10.3","sn47.10:10.4"],"kind":"text","text":{"pi":"Idamavoca bhagavā.\nAttamano āyasmā ānando bhagavato bhāsitaṁ abhinandīti.\nDasamaṁ.\nAmbapālivaggo paṭhamo.","en":"That is what the Buddha said.\nSatisfied, Venerable Ānanda approved what the Buddha said."}},{"id":"sn47.10:11","sourceIds":["sn47.10:11.0","sn47.10:11.1","sn47.10:11.2","sn47.10:11.3","sn47.10:11.4"],"kind":"text","text":{"pi":"Tassuddānaṁ\nAmbapāli sato bhikkhu,\nSālā kusalarāsi ca;\nSakuṇagghi makkaṭo sūdo,\nGilāno bhikkhunupassayoti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}