{"id":"sn47.14","title":"At Ukkacelā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.14","title":"At Ukkacelā","units":[{"id":"sn47.14:0","sourceIds":["sn47.14:0.1","sn47.14:0.2","sn47.14:0.3"],"kind":"text","text":{"pi":"Saṁyutta Nikāya 47.14\n2. Nālandavagga\nUkkacelasutta","en":"Linked Discourses 47.14\n2. At Nāḷandā\nAt Ukkacelā"}},{"id":"sn47.14:1","sourceIds":["sn47.14:1.1","sn47.14:1.2"],"kind":"text","text":{"pi":"Ekaṁ samayaṁ bhagavā vajjīsu viharati ukkacelāyaṁ gaṅgāya nadiyā tīre mahatā bhikkhusaṅghena saddhiṁ aciraparinibbutesu sāriputtamoggallānesu.\nTena kho pana samayena bhagavā bhikkhusaṅghaparivuto ajjhokāse nisinno hoti.","en":"At one time the Buddha was staying in the land of the Vajjis near Ukkacelā on the bank of the Ganges River, together with a large Saṅgha of mendicants. It was not long after Sāriputta and Moggallāna had become fully quenched.\nNow, at that time the Buddha was sitting in the open, surrounded by the Saṅgha of mendicants."}},{"id":"sn47.14:2","sourceIds":["sn47.14:2.1","sn47.14:2.2","sn47.14:2.3","sn47.14:2.4","sn47.14:2.5","sn47.14:2.6","sn47.14:2.7","sn47.14:2.8","sn47.14:2.9","sn47.14:2.10","sn47.14:2.11","sn47.14:2.12","sn47.14:2.13","sn47.14:2.14","sn47.14:2.15","sn47.14:2.16","sn47.14:2.17"],"kind":"text","text":{"pi":"Atha kho bhagavā tuṇhībhūtaṁ bhikkhusaṅghaṁ anuviloketvā bhikkhū āmantesi:\n“api myāyaṁ, bhikkhave, parisā suññā viya khāyati parinibbutesu sāriputtamoggallānesu.\nAsuññā me, bhikkhave, parisā hoti, anapekkhā tassaṁ disāyaṁ hoti, yassaṁ disāyaṁ sāriputtamoggallānā viharanti.\nYe hi te, bhikkhave, ahesuṁ atītamaddhānaṁ arahanto sammāsambuddhā, tesampi bhagavantānaṁ etapparamaṁyeva sāvakayugaṁ ahosi—\nseyyathāpi mayhaṁ sāriputtamoggallānā.\nYepi te, bhikkhave, bhavissanti anāgatamaddhānaṁ arahanto sammāsambuddhā, tesampi bhagavantānaṁ etapparamaṁyeva sāvakayugaṁ bhavissati—seyyathāpi mayhaṁ sāriputtamoggallānā.\nAcchariyaṁ, bhikkhave, sāvakānaṁ, abbhutaṁ, bhikkhave, sāvakānaṁ.\nSatthu ca nāma sāsanakarā bhavissanti ovādappaṭikarā, catunnañca parisānaṁ piyā bhavissanti manāpā garubhāvanīyā ca.\nAcchariyaṁ, bhikkhave, tathāgatassa, abbhutaṁ, bhikkhave, tathāgatassa.\nEvarūpepi nāma sāvakayuge parinibbute natthi tathāgatassa soko vā paridevo vā.\nTaṁ kutettha, bhikkhave, labbhā. Yaṁ taṁ jātaṁ bhūtaṁ saṅkhataṁ palokadhammaṁ, taṁ vata mā palujjīti—\nnetaṁ ṭhānaṁ vijjati.\nSeyyathāpi, bhikkhave, mahato rukkhassa tiṭṭhato sāravato ye mahantatarā khandhā te palujjeyyuṁ;\nevameva kho, bhikkhave, mahato bhikkhusaṅghassa tiṭṭhato sāravato sāriputtamoggallānā parinibbutā.\nTaṁ kutettha, bhikkhave, labbhā. Yaṁ taṁ jātaṁ bhūtaṁ saṅkhataṁ palokadhammaṁ, taṁ vata mā palujjīti—\nnetaṁ ṭhānaṁ vijjati.\nTasmātiha, bhikkhave, attadīpā viharatha attasaraṇā anaññasaraṇā, dhammadīpā dhammasaraṇā anaññasaraṇā.","en":"Then the Buddha looked around the Saṅgha of mendicants, who were silent. He addressed them:\n“Mendicants, this assembly seems empty to me now that Sāriputta and Moggallāna have become fully quenched.\nMy assembly never used to be empty; I had no concern for any region where Sāriputta and Moggallāna stayed.\nThe Buddhas of the past or the future have pairs of chief disciples who at best were like\nSāriputta and Moggallāna were to me.\nIt’s an incredible and amazing quality of such disciples\nthat they fulfill the Teacher’s instructions and follow his advice. And they’re liked and approved, respected and admired by the four assemblies.\nAnd it’s an incredible and amazing quality of the Realized One\nthat when such a pair of disciples becomes fully quenched he does not sorrow or lament.\nHow could it possibly be so that what is born, created, conditioned, and liable to wear out should not wear out?\nThat is not possible.\nSuppose there was a large tree standing with heartwood, and the largest branches broke off.\nIn the same way, in the great Saṅgha that stands with heartwood, Sāriputta and Moggallāna have become fully quenched.\nHow could it possibly be so that what is born, created, conditioned, and liable to wear out should not wear out?\nThat is not possible.\nSo mendicants, live as your own island, your own refuge, with no other refuge. Let the teaching be your island and your refuge, with no other refuge."}},{"id":"sn47.14:3","sourceIds":["sn47.14:3.1","sn47.14:3.2","sn47.14:3.3","sn47.14:3.4","sn47.14:3.5","sn47.14:3.6","sn47.14:3.7","sn47.14:3.8"],"kind":"text","text":{"pi":"Kathañca, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo?\nIdha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ.\nEvaṁ kho, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo.\nYe hi keci, bhikkhave, etarahi vā mamaccaye vā attadīpā viharissanti attasaraṇā anaññasaraṇā, dhammadīpā dhammasaraṇā anaññasaraṇā; tamatagge mete, bhikkhave, bhikkhū bhavissanti ye keci sikkhākāmā”ti.\nCatutthaṁ.","en":"And how does a mendicant do this?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nThat’s how a mendicant lives with themselves as island and refuge, without other refuge; with the teachings as island and refuge, without other refuge.\nWhether now or after I have passed, any who shall live as their own island, their own refuge, with no other refuge; with the teaching as their island and their refuge, with no other refuge—those mendicants of mine eager to train shall be among the best of the best.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.14/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}