{"id":"sn47.15","title":"With Bāhiya","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.15","title":"With Bāhiya","units":[{"id":"sn47.15:0","sourceIds":["sn47.15:0.1","sn47.15:0.2","sn47.15:0.3"],"kind":"text","text":{"pi":"Saṁyutta Nikāya 47.15\n2. Nālandavagga\nBāhiyasutta","en":"Linked Discourses 47.15\n2. At Nāḷandā\nWith Bāhiya"}},{"id":"sn47.15:1","sourceIds":["sn47.15:1.1","sn47.15:1.2","sn47.15:1.3","sn47.15:1.4","sn47.15:1.5","sn47.15:1.6","sn47.15:1.7"],"kind":"text","text":{"pi":"Sāvatthinidānaṁ.\nAtha kho āyasmā bāhiyo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā bāhiyo bhagavantaṁ etadavoca:\n“sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.\n“Tasmātiha tvaṁ, bāhiya, ādimeva visodhehi kusalesu dhammesu.\nKo cādi kusalānaṁ dhammānaṁ?\nSīlañca suvisuddhaṁ, diṭṭhi ca ujukā.\nYato ca kho te, bāhiya, sīlañca suvisuddhaṁ bhavissati, diṭṭhi ca ujukā, tato tvaṁ, bāhiya, sīlaṁ nissāya sīle patiṭṭhāya cattāro satipaṭṭhāne bhāveyyāsi.","en":"At Sāvatthī.\nThen Venerable Bāhiya went up to the Buddha, bowed, sat down to one side, and said to him:\n“Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”\n“Well then, Bāhiya, you should purify the starting point of skillful qualities.\nWhat is the starting point of skillful qualities?\nWell purified ethics and correct view.\nWhen your ethics are well purified and your view is correct, you should develop the four kinds of mindfulness meditation, depending on and grounded on ethics."}},{"id":"sn47.15:2","sourceIds":["sn47.15:2.1","sn47.15:2.2","sn47.15:2.3","sn47.15:2.4","sn47.15:2.5","sn47.15:2.6"],"kind":"text","text":{"pi":"Katame cattāro?\nIdha tvaṁ, bāhiya, kāye kāyānupassī viharāhi ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharāhi ātāpī sampajāno satimā, vineyya loke abhijjhādomanassaṁ.\nYato kho tvaṁ, bāhiya, sīlaṁ nissāya sīle patiṭṭhāya ime cattāro satipaṭṭhāne evaṁ bhāvessasi, tato tuyhaṁ, bāhiya, yā ratti vā divaso vā āgamissati, vuddhiyeva pāṭikaṅkhā kusalesu dhammesu, no parihānī”ti.","en":"What four?\nMeditate observing an aspect of the body—keen, aware, and mindful, rid of covetousness and displeasure for the world.\nMeditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nWhen you develop these four kinds of mindfulness meditation, depending on and grounded on ethics, you can expect growth, not decline, in skillful qualities, whether by day or by night.”"}},{"id":"sn47.15:3","sourceIds":["sn47.15:3.1","sn47.15:3.2","sn47.15:3.3","sn47.15:3.4","sn47.15:3.5"],"kind":"text","text":{"pi":"Atha kho āyasmā bāhiyo bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAtha kho āyasmā bāhiyo eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro ca panāyasmā bāhiyo arahataṁ ahosīti.\nPañcamaṁ.","en":"And then Venerable Bāhiya approved and agreed with what the Buddha said. He got up from his seat, bowed and respectfully circled the Buddha, keeping him on his right, before leaving.\nThen Bāhiya, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: “Rebirth is ended; the spiritual journey has been completed; what had to be done has been done; there is nothing further for this place.”\nAnd Venerable Bāhiya became one of the perfected."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.15/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}