{"id":"sn47.18","title":"Divinity","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.18","title":"Divinity","units":[{"id":"sn47.18:0","sourceIds":["sn47.18:0.1","sn47.18:0.2","sn47.18:0.3"],"kind":"text","text":{"pi":"Saṁyutta Nikāya 47.18\n2. Nālandavagga\nBrahmasutta","en":"Linked Discourses 47.18\n2. At Nāḷandā\nDivinity"}},{"id":"sn47.18:1","sourceIds":["sn47.18:1.1","sn47.18:1.2","sn47.18:1.3"],"kind":"text","text":{"pi":"Ekaṁ samayaṁ bhagavā uruvelāyaṁ viharati najjā nerañjarāya tīre ajapālanigrodhe paṭhamābhisambuddho.\nAtha kho bhagavato rahogatassa paṭisallīnassa evaṁ cetaso parivitakko udapādi:\n“ekāyanvāyaṁ maggo sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ—cattāro satipaṭṭhānā.","en":"At one time, when he was first awakened, the Buddha was staying in Uruvelā at the goatherd’s banyan tree on the bank of the Nerañjarā River.\nThen as he was in private retreat this thought came to his mind,\n“The four kinds of mindfulness meditation are the path to convergence. They are in order to purify sentient beings, to get past sorrow and crying, to make an end of pain and sadness, to discover the system, and to realize extinguishment."}},{"id":"sn47.18:2","sourceIds":["sn47.18:2.1","sn47.18:2.2","sn47.18:2.3","sn47.18:2.4","sn47.18:2.5","sn47.18:2.6"],"kind":"text","text":{"pi":"Katame cattāro?\nKāye vā bhikkhu kāyānupassī vihareyya ātāpī sampajāno satimā, vineyya loke abhijjhādomanassaṁ;\nvedanāsu vā bhikkhu …pe…\ncitte vā bhikkhu …pe…\ndhammesu vā bhikkhu dhammānupassī vihareyya ātāpī sampajāno satimā, vineyya loke abhijjhādomanassaṁ.\nEkāyanvāyaṁ maggo sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ—cattāro satipaṭṭhānā”ti.","en":"What four?\nA mendicant would meditate observing an aspect of the body—keen, aware, and mindful, rid of covetousness and displeasure for the world.\nOr they’d meditate observing an aspect of feelings …\nor mind …\nor principles—keen, aware, and mindful, rid of covetousness and displeasure for the world.\nThe four kinds of mindfulness meditation are the path to convergence. They are in order to purify sentient beings, to get past sorrow and crying, to make an end of pain and sadness, to discover the system, and to realize extinguishment.”"}},{"id":"sn47.18:3","sourceIds":["sn47.18:3.1","sn47.18:3.2","sn47.18:3.3","sn47.18:3.4"],"kind":"text","text":{"pi":"Atha kho brahmā sahampati bhagavato cetasā cetoparivitakkamaññāya—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva kho brahmaloke antarahito bhagavato purato pāturahosi.\nAtha kho brahmā sahampati ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:\n“evametaṁ, bhagavā, evametaṁ, sugata.\nEkāyanvāyaṁ, bhante, maggo sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ—cattāro satipaṭṭhānā.","en":"Then the divinity Sahampati knew the Buddha’s train of thought. As easily as a strong person would extend or contract their arm, he vanished from the realm of divinity and reappeared in front of the Buddha.\nHe arranged his robe over one shoulder, raised his cupped palms toward the Buddha, and said:\n“That’s so true, Blessed One! That’s so true, Holy One!\nSir, the four kinds of mindfulness meditation are the path to convergence. They are in order to purify sentient beings, to get past sorrow and crying, to make an end of pain and sadness, to discover the system, and to realize extinguishment."}},{"id":"sn47.18:4","sourceIds":["sn47.18:4.1","sn47.18:4.2","sn47.18:4.3","sn47.18:4.4","sn47.18:4.5","sn47.18:4.6"],"kind":"text","text":{"pi":"Katame cattāro?\nKāye vā, bhante, bhikkhu kāyānupassī vihareyya ātāpī sampajāno satimā, vineyya loke abhijjhādomanassaṁ;\nvedanāsu vā, bhante, bhikkhu …pe…\ncitte vā, bhante, bhikkhu …pe…\ndhammesu vā, bhante, bhikkhu dhammānupassī vihareyya ātāpī sampajāno satimā, vineyya loke abhijjhādomanassaṁ.\nEkāyanvāyaṁ, bhante, maggo sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, yadidaṁ—cattāro satipaṭṭhānā”ti.","en":"What four?\nA mendicant would meditate observing an aspect of the body—keen, aware, and mindful, rid of covetousness and displeasure for the world.\nOr they’d meditate observing an aspect of feelings …\nor mind …\nor principles—keen, aware, and mindful, rid of covetousness and displeasure for the world.\nThe four kinds of mindfulness meditation are the path to convergence. They are in order to purify sentient beings, to get past sorrow and crying, to make an end of pain and sadness, to discover the system, and to realize extinguishment.”"}},{"id":"sn47.18:5","sourceIds":["sn47.18:5.1","sn47.18:5.2"],"kind":"text","text":{"pi":"Idamavoca brahmā sahampati.\nIdaṁ vatvā athāparaṁ etadavoca:","en":"That is what the divinity Sahampati said.\nThen he went on to say:"}},{"id":"sn47.18:6","sourceIds":["sn47.18:6.1","sn47.18:6.2","sn47.18:6.3","sn47.18:6.4","sn47.18:6.5"],"kind":"text","text":{"pi":"“Ekāyanaṁ jātikhayantadassī,\nMaggaṁ pajānāti hitānukampī;\nEtena maggena tariṁsu pubbe,\nTarissanti ye ca taranti oghan”ti.\nAṭṭhamaṁ.","en":"“The compassionate one, who sees the ending of rebirth,\nunderstands the path to convergence.\nBy this path people crossed over before,\nwill cross, and are crossing.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.18/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}