{"id":"sn47.19","title":"At Sedaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.19","title":"At Sedaka","units":[{"id":"sn47.19:0","sourceIds":["sn47.19:0.1","sn47.19:0.2","sn47.19:0.3"],"kind":"text","text":{"pi":"Saṁyutta Nikāya 47.19\n2. Nālandavagga\nSedakasutta","en":"Linked Discourses 47.19\n2. At Nāḷandā\nAt Sedaka"}},{"id":"sn47.19:1","sourceIds":["sn47.19:1.1","sn47.19:1.2","sn47.19:1.3","sn47.19:1.4","sn47.19:1.5","sn47.19:1.6","sn47.19:1.7","sn47.19:1.8","sn47.19:1.9","sn47.19:1.10","sn47.19:1.11","sn47.19:1.12"],"kind":"text","text":{"pi":"Ekaṁ samayaṁ bhagavā sumbhesu viharati sedakaṁ nāma sumbhānaṁ nigamo.\nTatra kho bhagavā bhikkhū āmantesi:\n“bhūtapubbaṁ, bhikkhave, caṇḍālavaṁsiko caṇḍālavaṁsaṁ ussāpetvā medakathālikaṁ antevāsiṁ āmantesi:\n‘ehi tvaṁ, samma medakathālike, caṇḍālavaṁsaṁ abhiruhitvā mama uparikhandhe tiṭṭhāhī’ti.\n‘Evaṁ, ācariyā’ti kho, bhikkhave, medakathālikā antevāsī caṇḍālavaṁsikassa paṭissutvā caṇḍālavaṁsaṁ abhiruhitvā ācariyassa uparikhandhe aṭṭhāsi.\nAtha kho, bhikkhave, caṇḍālavaṁsiko medakathālikaṁ antevāsiṁ etadavoca:\n‘tvaṁ, samma medakathālike, mamaṁ rakkha, ahaṁ taṁ rakkhissāmi.\nEvaṁ mayaṁ aññamaññaṁ guttā aññamaññaṁ rakkhitā sippāni ceva dassessāma, lābhañca lacchāma, sotthinā ca caṇḍālavaṁsā orohissāmā’ti.\nEvaṁ vutte, bhikkhave, medakathālikā antevāsī caṇḍālavaṁsikaṁ etadavoca:\n‘na kho panetaṁ, ācariya, evaṁ bhavissati.\nTvaṁ, ācariya, attānaṁ rakkha, ahaṁ attānaṁ rakkhissāmi.\nEvaṁ mayaṁ attaguttā attarakkhitā sippāni ceva dassessāma, lābhañca lacchāma, sotthinā ca caṇḍālavaṁsā orohissāmā’”ti.","en":"At one time the Buddha was staying in the land of the Sumbhas, near the town of the Sumbhas named Sedaka.\nThere the Buddha addressed the mendicants:\n“Once upon a time, mendicants, a pole acrobat of the corpse-workers set up the bamboo pole of his tribe and said to his apprentice Medakathālikā,\n‘Come now, dear Medakathālikā, climb up the bamboo pole and stand above my shoulders.’\n‘Yes, tutor,’ she replied. She climbed up the bamboo pole and stood above her tutor’s shoulders.\nThen the pole acrobat of the corpse-workers said to Medakathālikā,\n‘You look after me, dear Medakathālikā, and I shall look after you.\nThat’s how, guarding and looking after each other, we’ll display our skill, collect our fee, and get down safely from the bamboo pole.’\nWhen he said this, Medakathālikā said to her teacher,\n‘That’s not how it will be, tutor!\nYou look after yourself, and I shall look after myself.\nThat’s how, guarding and looking after ourselves, we’ll display our skill, collect our fee, and get down safely from the bamboo pole.’"}},{"id":"sn47.19:2","sourceIds":["sn47.19:2.1","sn47.19:2.2","sn47.19:2.3","sn47.19:2.4"],"kind":"text","text":{"pi":"“So tattha ñāyo”ti bhagavā etadavoca, “yathā medakathālikā antevāsī ācariyaṁ avoca.\nAttānaṁ, bhikkhave, rakkhissāmīti satipaṭṭhānaṁ sevitabbaṁ;\nparaṁ rakkhissāmīti satipaṭṭhānaṁ sevitabbaṁ.\nAttānaṁ, bhikkhave, rakkhanto paraṁ rakkhati, paraṁ rakkhanto attānaṁ rakkhati.","en":"That’s the way,” said the Buddha. “It’s just as Medakathālikā said to her tutor.\nThinking ‘I’ll look after myself,’ you should cultivate mindfulness meditation.\nThinking ‘I’ll look after others,’ you should cultivate mindfulness meditation.\nLooking after yourself, you look after others; and looking after others, you look after yourself."}},{"id":"sn47.19:3","sourceIds":["sn47.19:3.1","sn47.19:3.2","sn47.19:3.3","sn47.19:3.4","sn47.19:3.5","sn47.19:3.6","sn47.19:3.7","sn47.19:3.8","sn47.19:3.9","sn47.19:3.10"],"kind":"text","text":{"pi":"Kathañca, bhikkhave, attānaṁ rakkhanto paraṁ rakkhati?\nĀsevanāya, bhāvanāya, bahulīkammena—\nevaṁ kho, bhikkhave, attānaṁ rakkhanto paraṁ rakkhati.\nKathañca, bhikkhave, paraṁ rakkhanto attānaṁ rakkhati?\nKhantiyā, avihiṁsāya, mettacittatāya, anudayatāya—\nevaṁ kho, bhikkhave, paraṁ rakkhanto attānaṁ rakkhati.\nAttānaṁ, bhikkhave, rakkhissāmīti satipaṭṭhānaṁ sevitabbaṁ;\nparaṁ rakkhissāmīti satipaṭṭhānaṁ sevitabbaṁ.\nAttānaṁ, bhikkhave, rakkhanto paraṁ rakkhati, paraṁ rakkhanto attānaṁ rakkhatī”ti.\nNavamaṁ.","en":"And how do you look after others by looking after yourself?\nBy development, cultivation, and practice of meditation.\nAnd how do you look after yourself by looking after others?\nBy acceptance, harmlessness, love, and sympathy.\nThinking ‘I’ll look after myself,’ you should cultivate mindfulness meditation.\nThinking ‘I’ll look after others,’ you should cultivate mindfulness meditation.\nLooking after yourself, you look after others; and looking after others, you look after yourself.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}