{"id":"sn47.23","title":"Decline","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.23","title":"Decline","units":[{"id":"sn47.23:0","sourceIds":["sn47.23:0.1","sn47.23:0.2","sn47.23:0.3"],"kind":"text","text":{"pi":"Saṁyutta Nikāya 47.23\n3. Sīlaṭṭhitivagga\nParihānasutta","en":"Linked Discourses 47.23\n3. Ethics and Duration\nDecline"}},{"id":"sn47.23:1","sourceIds":["sn47.23:1.1","sn47.23:1.2","sn47.23:1.3","sn47.23:1.4","sn47.23:1.5"],"kind":"text","text":{"pi":"Ekaṁ samayaṁ āyasmā ca ānando āyasmā ca bhaddo pāṭaliputte viharanti kukkuṭārāme.\nAtha kho āyasmā bhaddo sāyanhasamayaṁ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā bhaddo āyasmantaṁ ānandaṁ etadavoca:\n“ko nu kho, āvuso ānanda, hetu, ko paccayo yena saddhammaparihānaṁ hoti?\nKo nu kho, āvuso ānanda, hetu, ko paccayo yena saddhammaaparihānaṁ hotī”ti?","en":"At one time the venerables Ānanda and Bhadda were staying near Pāṭaliputta, in the Chicken Monastery.\nThen in the late afternoon, Venerable Bhadda came out of retreat, went to Venerable Ānanda, and exchanged greetings with him.\nWhen the greetings and polite conversation were over, he sat down to one side and said to Ānanda:\n“What’s the cause, Reverend Ānanda, what’s the reason why the true teaching declines?\nAnd what’s the cause, what’s the reason why the true teaching doesn’t decline?”"}},{"id":"sn47.23:2","sourceIds":["sn47.23:2.1","sn47.23:2.2","sn47.23:2.3","sn47.23:2.4","sn47.23:2.5","sn47.23:2.6","sn47.23:2.7","sn47.23:2.8"],"kind":"text","text":{"pi":"“Sādhu sādhu, āvuso bhadda.\nBhaddako kho te, āvuso bhadda, ummaṅgo, bhaddakaṁ paṭibhānaṁ, kalyāṇī paripucchā.\nEvañhi tvaṁ, āvuso bhadda, pucchasi:\n‘ko nu kho, āvuso ānanda, hetu, ko paccayo yena saddhammaparihānaṁ hoti?\nKo panāvuso ānanda, hetu, ko paccayo yena saddhammaaparihānaṁ hotī’”ti?\n“Evamāvuso”ti.\n“Catunnaṁ kho, āvuso, satipaṭṭhānānaṁ abhāvitattā abahulīkatattā saddhammaparihānaṁ hoti.\nCatunnañca kho, āvuso, satipaṭṭhānānaṁ bhāvitattā bahulīkatattā saddhammaaparihānaṁ hoti.","en":"“Good, good, Reverend Bhadda!\nYour approach and eloquence are excellent, and it’s a good question.\nFor you asked:\n‘What’s the cause, what’s the reason why the true teaching declines?\nAnd what’s the cause, what’s the reason why the true teaching doesn’t decline?’”\n“Yes, reverend.”\n“It’s because of not developing and cultivating the four kinds of mindfulness meditation that the true teaching declines.\nIt’s because of developing and cultivating the four kinds of mindfulness meditation that the true teaching doesn’t decline."}},{"id":"sn47.23:3","sourceIds":["sn47.23:3.1","sn47.23:3.2","sn47.23:3.3","sn47.23:3.4","sn47.23:3.5","sn47.23:3.6","sn47.23:3.7","sn47.23:3.8"],"kind":"text","text":{"pi":"Katamesaṁ catunnaṁ?\nIdhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ.\nImesaṁ kho, āvuso, catunnaṁ satipaṭṭhānānaṁ abhāvitattā abahulīkatattā saddhammaparihānaṁ hoti.\nImesañca kho, āvuso, catunnaṁ satipaṭṭhānānaṁ bhāvitattā bahulīkatattā saddhammaaparihānaṁ hotī”ti.\nTatiyaṁ.","en":"What four?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nIt’s because of not developing and cultivating these four kinds of mindfulness meditation that the true teaching declines.\nAnd it’s because of developing and cultivating these four kinds of mindfulness meditation that the true teaching doesn’t decline.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.23/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}