{"id":"sn47.26","title":"Partly","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.26","title":"Partly","units":[{"id":"sn47.26:0","sourceIds":["sn47.26:0.1","sn47.26:0.2","sn47.26:0.3"],"kind":"text","text":{"pi":"Saṁyutta Nikāya 47.26\n3. Sīlaṭṭhitivagga\nPadesasutta","en":"Linked Discourses 47.26\n3. Ethics and Duration\nPartly"}},{"id":"sn47.26:1","sourceIds":["sn47.26:1.1","sn47.26:1.2","sn47.26:1.3","sn47.26:1.4","sn47.26:1.5","sn47.26:1.6"],"kind":"text","text":{"pi":"Ekaṁ samayaṁ āyasmā ca sāriputto āyasmā ca mahāmoggallāno āyasmā ca anuruddho sākete viharanti kaṇḍakīvane.\nAtha kho āyasmā ca sāriputto āyasmā ca mahāmoggallāno sāyanhasamayaṁ paṭisallānā vuṭṭhitā yenāyasmā anuruddho tenupasaṅkamiṁsu; upasaṅkamitvā āyasmatā anuruddhena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinno kho āyasmā sāriputto āyasmantaṁ anuruddhaṁ etadavoca:\n“‘sekho, sekho’ti, āvuso anuruddha, vuccati.\nKittāvatā nu kho, āvuso, sekho hotī”ti?\n“Catunnaṁ kho, āvuso, satipaṭṭhānānaṁ padesaṁ bhāvitattā sekho hoti.","en":"At one time the venerables Sāriputta, Mahāmoggallāna, and Anuruddha were staying near Sāketa in the Thorny Wood.\nThen in the late afternoon, Sāriputta and Mahāmoggallāna came out of retreat, went to Anuruddha, and exchanged greetings with him.\nWhen the greetings and polite conversation were over, they sat down to one side. Sāriputta said to Anuruddha:\n“Reverend, they speak of the one called ‘a trainee’.\nHow is a trainee defined?”\n“Reverends, a trainee is someone who has partly developed the four kinds of mindfulness meditation."}},{"id":"sn47.26:2","sourceIds":["sn47.26:2.1","sn47.26:2.2","sn47.26:2.3","sn47.26:2.4","sn47.26:2.5","sn47.26:2.6","sn47.26:2.7"],"kind":"text","text":{"pi":"Katamesaṁ catunnaṁ?\nIdhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ.\nImesaṁ kho, āvuso, catunnaṁ satipaṭṭhānānaṁ padesaṁ bhāvitattā sekho hotī”ti.\nChaṭṭhaṁ.","en":"What four?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nA trainee is someone who has partly developed the four kinds of mindfulness meditation.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.26/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}