{"id":"sn47.29","title":"With Sirivaḍḍha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.29","title":"With Sirivaḍḍha","units":[{"id":"sn47.29:0","sourceIds":["sn47.29:0.1","sn47.29:0.2","sn47.29:0.3"],"kind":"text","text":{"pi":"Saṁyutta Nikāya 47.29\n3. Sīlaṭṭhitivagga\nSirivaḍḍhasutta","en":"Linked Discourses 47.29\n3. Ethics and Duration\nWith Sirivaḍḍha"}},{"id":"sn47.29:1","sourceIds":["sn47.29:1.1","sn47.29:1.2","sn47.29:1.3","sn47.29:1.4","sn47.29:1.5","sn47.29:1.6","sn47.29:1.7","sn47.29:1.8","sn47.29:1.9","sn47.29:1.10","sn47.29:1.11","sn47.29:1.12","sn47.29:1.13"],"kind":"text","text":{"pi":"Ekaṁ samayaṁ āyasmā ānando rājagahe viharati veḷuvane kalandakanivāpe.\nTena kho pana samayena sirivaḍḍho gahapati ābādhiko hoti dukkhito bāḷhagilāno.\nAtha kho sirivaḍḍho gahapati aññataraṁ purisaṁ āmantesi:\n“ehi tvaṁ, ambho purisa, yenāyasmā ānando tenupasaṅkama; upasaṅkamitvā mama vacanena āyasmato ānandassa pāde sirasā vanda:\n‘sirivaḍḍho, bhante, gahapati ābādhiko dukkhito bāḷhagilāno.\nSo āyasmato ānandassa pāde sirasā vandatī’ti.\nEvañca vadehi:\n‘sādhu kira, bhante, āyasmā ānando yena sirivaḍḍhassa gahapatissa nivesanaṁ tenupasaṅkamatu anukampaṁ upādāyā’”ti.\n“Evaṁ, bhante”ti kho so puriso sirivaḍḍhassa gahapatissa paṭissutvā yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ ānandaṁ etadavoca:\n“sirivaḍḍho, bhante, gahapati ābādhiko dukkhito bāḷhagilāno, so āyasmato ānandassa pāde sirasā vandati.\nEvañca vadeti:\n‘sādhu kira, bhante, āyasmā ānando yena sirivaḍḍhassa gahapatissa nivesanaṁ tenupasaṅkamatu anukampaṁ upādāyā’”ti.\nAdhivāsesi kho āyasmā ānando tuṇhībhāvena.","en":"At one time Venerable Ānanda was staying near Rājagaha in the Bamboo Grove, the squirrels’ feeding ground.\nNow at that time the householder Sirivaḍḍha was sick, suffering, gravely ill.\nThen he addressed a man:\n“Please, my man, go to Venerable Ānanda, and in my name bow with your head to his feet. Say to him:\n‘Sir, the householder Sirivaḍḍha is sick, suffering, gravely ill.\nHe bows with his head to your feet.’\nAnd then say:\n‘Sir, please visit him at his home out of sympathy.’”\n“Yes, sir,” that man replied. He did as Sirivaḍḍha asked.\nĀnanda consented with silence."}},{"id":"sn47.29:2","sourceIds":["sn47.29:2.1","sn47.29:2.2","sn47.29:2.3"],"kind":"text","text":{"pi":"Atha kho āyasmā ānando pubbaṇhasamayaṁ nivāsetvā pattacīvaramādāya yena sirivaḍḍhassa gahapatissa nivesanaṁ tenupasaṅkami; upasaṅkamitvā paññatte āsane nisīdi. Nisajja kho āyasmā ānando sirivaḍḍhaṁ gahapatiṁ etadavoca:\n“kacci te, gahapati, khamanīyaṁ kacci yāpanīyaṁ, kacci dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti?\n“Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti.","en":"Then Venerable Ānanda robed up in the morning and, taking his bowl and robe, went to the home of the householder Sirivaḍḍha, sat down on the seat spread out, and said to him:\n“I hope you’re keeping well, householder, I hope you’re all right. I hope your pain is fading, not growing; that its fading is evident, not its growing.”\n“Sir, I’m not keeping well, I’m not getting by. My pain is terrible and growing, not fading; its growing is evident, not its fading.”"}},{"id":"sn47.29:3","sourceIds":["sn47.29:3.1","sn47.29:3.2","sn47.29:3.3","sn47.29:3.4","sn47.29:3.5","sn47.29:3.6"],"kind":"text","text":{"pi":"“Tasmātiha te, gahapati, evaṁ sikkhitabbaṁ:\n‘kāye kāyānupassī viharissāmi ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharissāmi ātāpī sampajāno satimā, vineyya loke abhijjhādomanassan’ti.\nEvañhi te, gahapati, sikkhitabban”ti.","en":"“So you should train like this:\n‘I’ll meditate observing an aspect of the body—keen, aware, and mindful, rid of covetousness and displeasure for the world.\nI’ll meditate on an aspect of feelings …\nmind …\nprinciples—keen, aware, and mindful, rid of covetousness and displeasure for the world.’\nThat’s how you should train.”"}},{"id":"sn47.29:4","sourceIds":["sn47.29:4.1","sn47.29:4.2","sn47.29:4.3","sn47.29:4.4","sn47.29:4.5","sn47.29:4.6","sn47.29:4.7","sn47.29:4.8","sn47.29:4.9"],"kind":"text","text":{"pi":"“Yeme, bhante, bhagavatā cattāro satipaṭṭhānā desitā saṁvijjanti, te dhammā mayi, ahañca tesu dhammesu sandissāmi.\nAhañhi, bhante, kāye kāyānupassī viharāmi ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharāmi ātāpī sampajāno satimā, vineyya loke abhijjhādomanassaṁ.\nYāni cimāni, bhante, bhagavatā pañcorambhāgiyāni saṁyojanāni desitāni, nāhaṁ, bhante, tesaṁ kiñci attani appahīnaṁ samanupassāmī”ti.\n“Lābhā te, gahapati, suladdhaṁ te, gahapati.\nAnāgāmiphalaṁ tayā, gahapati, byākatan”ti.\nNavamaṁ.","en":"“These four kinds of mindfulness meditation that were taught by the Buddha are found in me, and I exhibit them.\nFor I meditate observing an aspect of the body—keen, aware, and mindful, rid of covetousness and displeasure for the world.\nI meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nAnd of the five lower fetters taught by the Buddha, I don’t see any that I haven’t given up.”\n“You’re fortunate, householder, so very fortunate!\nYou have declared the fruit of non-return.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.29/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}