{"id":"sn47.3","title":"A Monk","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.3","title":"A Monk","units":[{"id":"sn47.3:0","sourceIds":["sn47.3:0.1","sn47.3:0.2","sn47.3:0.3"],"kind":"text","text":{"pi":"Saṁyutta Nikāya 47.3\n1. Ambapālivagga\nBhikkhusutta","en":"Linked Discourses 47.3\n1. In Ambapālī’s Mango Grove\nA Monk"}},{"id":"sn47.3:1","sourceIds":["sn47.3:1.1","sn47.3:1.2","sn47.3:1.3","sn47.3:1.4","sn47.3:1.5","sn47.3:1.6","sn47.3:1.7","sn47.3:1.8","sn47.3:1.9"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho aññataro bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so bhikkhu bhagavantaṁ etadavoca:\n“sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.\n“Evameva panidhekacce moghapurisā mañceva ajjhesanti, dhamme ca bhāsite mameva anubandhitabbaṁ maññantī”ti.\n“Desetu me, bhante, bhagavā saṅkhittena dhammaṁ, desetu sugato saṅkhittena dhammaṁ. Appeva nāmāhaṁ bhagavato bhāsitassa atthaṁ jāneyyaṁ, appeva nāmāhaṁ bhagavato bhāsitassa dāyādo assan”ti.\n“Tasmātiha tvaṁ, bhikkhu, ādimeva visodhehi kusalesu dhammesu.\nKo cādi kusalānaṁ dhammānaṁ?\nSīlañca suvisuddhaṁ, diṭṭhi ca ujukā.\nYato kho te, bhikkhu, sīlañca suvisuddhaṁ bhavissati diṭṭhi ca ujukā, tato tvaṁ, bhikkhu, sīlaṁ nissāya sīle patiṭṭhāya cattāro satipaṭṭhāne tividhena bhāveyyāsi.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen a mendicant went up to the Buddha, bowed, sat down to one side, and said to him,\n“Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”\n“This is exactly how some futile people ask me for something. But when the teaching has been explained they think only of following me around.”\n“Sir, may the Buddha please teach me Dhamma in brief! May the Holy One teach me the Dhamma in brief! Hopefully I can understand the meaning of what the Buddha says! Hopefully I can be an heir of the Buddha’s teaching!”\n“Well then, mendicant, you should purify the starting point of skillful qualities.\nWhat is the starting point of skillful qualities?\nWell purified ethics and correct view.\nWhen your ethics are well purified and your view is correct, you should develop the four kinds of mindfulness meditation in three ways, depending on and grounded on ethics."}},{"id":"sn47.3:2","sourceIds":["sn47.3:2.1","sn47.3:2.2","sn47.3:2.3","sn47.3:2.4","sn47.3:2.5","sn47.3:2.6","sn47.3:2.7","sn47.3:2.8","sn47.3:2.9","sn47.3:2.10","sn47.3:2.11","sn47.3:2.12","sn47.3:2.13","sn47.3:2.14"],"kind":"text","text":{"pi":"Katame cattāro?\nIdha tvaṁ, bhikkhu, ajjhattaṁ vā kāye kāyānupassī viharāhi ātāpī sampajāno satimā, vineyya loke abhijjhādomanassaṁ;\nbahiddhā vā kāye kāyānupassī viharāhi ātāpī sampajāno satimā, vineyya loke abhijjhādomanassaṁ;\najjhattabahiddhā vā kāye kāyānupassī viharāhi ātāpī sampajāno satimā, vineyya loke abhijjhādomanassaṁ.\nAjjhattaṁ vā vedanāsu …pe…\nbahiddhā vā vedanāsu …\najjhattabahiddhā vā vedanāsu vedanānupassī viharāhi ātāpī sampajāno satimā, vineyya loke abhijjhādomanassaṁ.\nAjjhattaṁ vā citte …\nbahiddhā vā citte …\najjhattabahiddhā vā citte cittānupassī viharāhi ātāpī sampajāno satimā, vineyya loke abhijjhādomanassaṁ.\nAjjhattaṁ vā dhammesu …\nbahiddhā vā dhammesu …\najjhattabahiddhā vā dhammesu dhammānupassī viharāhi ātāpī sampajāno satimā, vineyya loke abhijjhādomanassaṁ.\nYato kho tvaṁ, bhikkhu, sīlaṁ nissāya sīle patiṭṭhāya ime cattāro satipaṭṭhāne evaṁ tividhena bhāvessasi, tato tuyhaṁ, bhikkhu, yā ratti vā divaso vā āgamissati vuddhiyeva pāṭikaṅkhā kusalesu dhammesu, no parihānī”ti.","en":"What four?\nMeditate observing an aspect of the body internally—keen, aware, and mindful, rid of covetousness and displeasure for the world.\nOr meditate observing an aspect of the body externally—keen, aware, and mindful, rid of covetousness and displeasure for the world.\nOr meditate observing an aspect of the body internally and externally—keen, aware, and mindful, rid of covetousness and displeasure for the world.\nOr meditate observing an aspect of feelings internally …\nexternally …\ninternally and externally—keen, aware, and mindful, rid of covetousness and displeasure for the world.\nOr meditate observing an aspect of the mind internally …\nexternally …\ninternally and externally—keen, aware, and mindful, rid of covetousness and displeasure for the world.\nOr meditate observing an aspect of principles internally …\nexternally …\ninternally and externally—keen, aware, and mindful, rid of covetousness and displeasure for the world.\nWhen you develop the four kinds of mindfulness meditation in these three ways, depending on and grounded on ethics, you can expect growth, not decline, in skillful qualities, whether by day or by night.”"}},{"id":"sn47.3:3","sourceIds":["sn47.3:3.1","sn47.3:3.2","sn47.3:3.3","sn47.3:3.4","sn47.3:3.5"],"kind":"text","text":{"pi":"Atha kho so bhikkhu bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAtha kho so bhikkhu eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharati.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro ca pana so bhikkhu arahataṁ ahosīti.\nTatiyaṁ.","en":"And then that mendicant approved and agreed with what the Buddha said. He got up from his seat, bowed and respectfully circled the Buddha, keeping him on his right, before leaving.\nThen that mendicant, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: “Rebirth is ended; the spiritual journey has been completed; what had to be done has been done; there is nothing further for this place.”\nAnd that mendicant became one of the perfected."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}