{"id":"sn48.10","title":"Analysis (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn48.10","title":"Analysis (2nd)","units":[{"id":"sn48.10:0","sourceIds":["sn48.10:0.1","sn48.10:0.2","sn48.10:0.3"],"kind":"text","text":{"pi":"Saṁyutta Nikāya 48.10\n1. Suddhikavagga\nDutiyavibhaṅgasutta","en":"Linked Discourses 48.10\n1. Plain Version\nAnalysis (2nd)"}},{"id":"sn48.10:1","sourceIds":["sn48.10:1.1","sn48.10:1.2","sn48.10:1.3","sn48.10:1.4","sn48.10:1.5","sn48.10:1.6","sn48.10:1.7"],"kind":"text","text":{"pi":"“Pañcimāni, bhikkhave, indriyāni.\nKatamāni pañca?\nSaddhindriyaṁ …pe… paññindriyaṁ.\nKatamañca, bhikkhave, saddhindriyaṁ?\nIdha, bhikkhave, ariyasāvako saddho hoti, saddahati tathāgatassa bodhiṁ:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti—\nidaṁ vuccati, bhikkhave, saddhindriyaṁ.","en":"“Mendicants, there are these five faculties.\nWhat five?\nThe faculties of faith, energy, mindfulness, immersion, and wisdom.\nAnd what is the faculty of faith?\nIt’s when a noble disciple has faith in the Realized One’s awakening:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nThis is called the faculty of faith."}},{"id":"sn48.10:2","sourceIds":["sn48.10:2.1","sn48.10:2.2","sn48.10:2.3","sn48.10:2.4","sn48.10:2.5","sn48.10:2.6","sn48.10:2.7"],"kind":"text","text":{"pi":"Katamañca, bhikkhave, vīriyindriyaṁ?\nIdha, bhikkhave, ariyasāvako āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nSo anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati;\nanuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati—\nidaṁ vuccati, bhikkhave, vīriyindriyaṁ.","en":"And what is the faculty of energy?\nIt’s when a noble disciple lives with energy roused up for giving up unskillful qualities and embracing skillful qualities. They’re strong, staunchly vigorous, not slacking off when it comes to developing skillful qualities.\nThey generate enthusiasm, try, make an effort, exert the mind, and strive so that bad, unskillful qualities don’t arise.\nThey generate enthusiasm, try, make an effort, exert the mind, and strive so that bad, unskillful qualities that have arisen are given up.\nThey generate enthusiasm, try, make an effort, exert the mind, and strive so that skillful qualities arise.\nThey generate enthusiasm, try, make an effort, exert the mind, and strive so that skillful qualities that have arisen remain, are not lost, but increase, mature, and are fully developed.\nThis is called the faculty of energy."}},{"id":"sn48.10:3","sourceIds":["sn48.10:3.1","sn48.10:3.2","sn48.10:3.3","sn48.10:3.4","sn48.10:3.5","sn48.10:3.6","sn48.10:3.7"],"kind":"text","text":{"pi":"Katamañca, bhikkhave, satindriyaṁ?\nIdha, bhikkhave, ariyasāvako satimā hoti paramena satinepakkena samannāgato, cirakatampi cirabhāsitampi saritā anussaritā.\nSo kāye kāyānupassī viharati ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ—\nidaṁ vuccati, bhikkhave, satindriyaṁ.","en":"And what is the faculty of mindfulness?\nIt’s when a noble disciple is mindful. They have utmost mindfulness and alertness, and can remember and recall what was said and done long ago.\nThey meditate observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nThis is called the faculty of mindfulness."}},{"id":"sn48.10:4","sourceIds":["sn48.10:4.1","sn48.10:4.2","sn48.10:4.3","sn48.10:4.4","sn48.10:4.5","sn48.10:4.6","sn48.10:4.7"],"kind":"text","text":{"pi":"Katamañca, bhikkhave, samādhindriyaṁ?\nIdha, bhikkhave, ariyasāvako vossaggārammaṇaṁ karitvā labhati samādhiṁ, labhati cittassa ekaggataṁ.\nSo vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nVitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.\nPītiyā ca virāgā upekkhako ca viharati sato ca sampajāno sukhañca kāyena paṭisaṁvedeti yaṁ taṁ ariyā ācikkhanti ‘upekkhako satimā sukhavihārī’ti tatiyaṁ jhānaṁ upasampajja viharati.\nSukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati—\nidaṁ vuccati, bhikkhave, samādhindriyaṁ.","en":"And what is the faculty of immersion?\nIt’s when a noble disciple, relying on letting go, gains immersion, gains unification of mind.\nQuite secluded from sensual pleasures, secluded from unskillful qualities, they enter and remain in the first absorption, which has the rapture and bliss born of seclusion, while placing the mind and keeping it connected.\nAs the placing of the mind and keeping it connected are stilled, they enter and remain in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nAnd with the fading away of rapture, they enter and remain in the third absorption, where they meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nWith the giving up of pleasure and pain and the disappearance of former happiness and sadness, they enter and remain in the fourth absorption, without pleasure or pain, with pure equanimity and mindfulness.\nThis is called the faculty of immersion."}},{"id":"sn48.10:5","sourceIds":["sn48.10:5.1","sn48.10:5.2","sn48.10:5.3","sn48.10:5.4","sn48.10:5.5","sn48.10:5.6","sn48.10:5.7"],"kind":"text","text":{"pi":"Katamañca, bhikkhave, paññindriyaṁ?\nIdha, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya, sammā dukkhakkhayagāminiyā.\nSo ‘idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti—\nidaṁ vuccati, bhikkhave, paññindriyaṁ.\nImāni kho, bhikkhave, pañcindriyānī”ti.\nDasamaṁ.\nSuddhikavaggo paṭhamo.","en":"And what is the faculty of wisdom?\nIt’s when a noble disciple is wise. They have the wisdom of arising and passing away which is noble, penetrative, and leads to the complete ending of suffering.\nThey truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThis is called the faculty of wisdom.\nThese are the five faculties.”"}},{"id":"sn48.10:6","sourceIds":["sn48.10:6.0","sn48.10:6.1","sn48.10:6.2","sn48.10:6.3","sn48.10:6.4"],"kind":"text","text":{"pi":"Tassuddānaṁ\nSuddhikañceva dve sotā,\narahantā apare duve;\nSamaṇabrāhmaṇā daṭṭhabbaṁ,\nvibhaṅgā apare duveti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn48.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}