{"id":"sn48.49","title":"About Bhāradvāja the Alms-Gatherer","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn48.49","title":"About Bhāradvāja the Alms-Gatherer","units":[{"id":"sn48.49:0","sourceIds":["sn48.49:0.1","sn48.49:0.2","sn48.49:0.3"],"kind":"text","text":{"pi":"Saṁyutta Nikāya 48.49\n5. Jarāvagga\nPiṇḍolabhāradvājasutta","en":"Linked Discourses 48.49\n5. Old Age\nAbout Bhāradvāja the Alms-Gatherer"}},{"id":"sn48.49:1","sourceIds":["sn48.49:1.1","sn48.49:1.2","sn48.49:1.3","sn48.49:1.4","sn48.49:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosambiyaṁ viharati ghositārāme.\nTena kho pana samayena āyasmatā piṇḍolabhāradvājena aññā byākatā hoti:\n“khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī”ti.\nAtha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"So I have heard.\nAt one time the Buddha was staying near Kosambī in Ghosita’s monastery.\nNow at that time Venerable Bhāradvāja the Alms-Gatherer had declared enlightenment:\n“I understand: ‘Rebirth is ended, the spiritual journey has been completed, what had to be done has been done, there is nothing further for this place.’”\nThen several mendicants went up to the Buddha, bowed, sat down to one side, and told him what had happened. Then they said,"}},{"id":"sn48.49:2","sourceIds":["sn48.49:2.1","sn48.49:2.2","sn48.49:2.3","sn48.49:2.4"],"kind":"text","text":{"pi":"“Āyasmatā, bhante, piṇḍolabhāradvājena aññā byākatā:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāmīti.\nKiṁ nu kho, bhante, atthavasaṁ sampassamānena āyasmatā piṇḍolabhāradvājena aññā byākatā:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāmī”ti?","en":"“What reason does Bhāradvāja the Alms-Gatherer see for doing this?”"}},{"id":"sn48.49:3","sourceIds":["sn48.49:3.1","sn48.49:3.2","sn48.49:3.3","sn48.49:3.4","sn48.49:3.5","sn48.49:3.6","sn48.49:3.7","sn48.49:3.8","sn48.49:3.9","sn48.49:3.10","sn48.49:3.11","sn48.49:3.12","sn48.49:3.13"],"kind":"text","text":{"pi":"“Tiṇṇannaṁ kho, bhikkhave, indriyānaṁ bhāvitattā bahulīkatattā piṇḍolabhāradvājena bhikkhunā aññā byākatā:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāmīti.\nKatamesaṁ tiṇṇannaṁ?\nSatindriyassa, samādhindriyassa, paññindriyassa—\nImesaṁ kho, bhikkhave, tiṇṇannaṁ indriyānaṁ bhāvitattā bahulīkatattā piṇḍolabhāradvājena bhikkhunā aññā byākatā:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāmīti.\nImāni ca, bhikkhave, tīṇindriyāni kimantāni?\nKhayantāni.\nKissa khayantāni?\nJātijarāmaraṇassa.\n‘Jātijarāmaraṇaṁ khayan’ti kho, bhikkhave, sampassamānena piṇḍolabhāradvājena bhikkhunā aññā byākatā:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāmī”ti.\nNavamaṁ.","en":"“It’s because Bhāradvāja the Alms-Gatherer has developed and cultivated three faculties that he declares enlightenment:\n‘I understand: “Rebirth is ended, the spiritual journey has been completed, what had to be done has been done, there is nothing further for this place.”’\nWhat three?\nThe faculties of mindfulness, immersion, and wisdom.\nIt’s because Bhāradvāja the Alms-Gatherer has developed and cultivated these three faculties that he declares enlightenment.\nWhat’s the culmination of these three faculties?\nThey culminate in ending.\nIn the ending of what?\nOf rebirth, old age, and death.\nIt’s because he sees that they culminate in the ending of rebirth, old age, and death that Bhāradvāja the Alms-Gatherer declares enlightenment:\n‘I understand: “Rebirth is ended, the spiritual journey has been completed, what had to be done has been done, there is nothing further for this place.”’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn48.49/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}