{"id":"sn48.52","title":"In the Land of the Mallas","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn48.52","title":"In the Land of the Mallas","units":[{"id":"sn48.52:0","sourceIds":["sn48.52:0.1","sn48.52:0.2","sn48.52:0.3"],"kind":"text","text":{"pi":"Saṁyutta Nikāya 48.52\n6. Sūkarakhatavagga\nMallikasutta","en":"Linked Discourses 48.52\n6. The Boar’s Cave\nIn the Land of the Mallas"}},{"id":"sn48.52:1","sourceIds":["sn48.52:1.1","sn48.52:1.2","sn48.52:1.3","sn48.52:1.4","sn48.52:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā mallesu viharati uruvelakappaṁ nāma mallānaṁ nigamo.\nTatra kho bhagavā bhikkhū āmantesi:\n“yāvakīvañca, bhikkhave, ariyasāvakassa ariyañāṇaṁ na uppannaṁ hoti neva tāva catunnaṁ indriyānaṁ saṇṭhiti hoti, neva tāva catunnaṁ indriyānaṁ avaṭṭhiti hoti.\nYato ca kho, bhikkhave, ariyasāvakassa ariyañāṇaṁ uppannaṁ hoti, atha catunnaṁ indriyānaṁ saṇṭhiti hoti, atha catunnaṁ indriyānaṁ avaṭṭhiti hoti.","en":"So I have heard.\nAt one time the Buddha was staying in the land of the Mallas, near the Mallian town named Uruvelakappa.\nThere the Buddha addressed the mendicants:\n“Mendicants, as long as noble knowledge hasn’t arisen for a noble disciple the four faculties are not stable and fixed.\nBut when noble knowledge has arisen for a noble disciple the four faculties become stable and fixed."}},{"id":"sn48.52:2","sourceIds":["sn48.52:2.1","sn48.52:2.2","sn48.52:2.3","sn48.52:2.4"],"kind":"text","text":{"pi":"Seyyathāpi, bhikkhave, yāvakīvañca kūṭāgārassa kūṭaṁ na ussitaṁ hoti, neva tāva gopānasīnaṁ saṇṭhiti hoti, neva tāva gopānasīnaṁ avaṭṭhiti hoti.\nYato ca kho, bhikkhave, kūṭāgārassa kūṭaṁ ussitaṁ hoti, atha gopānasīnaṁ saṇṭhiti hoti, atha gopānasīnaṁ avaṭṭhiti hoti.\nEvameva kho, bhikkhave, yāvakīvañca ariyasāvakassa ariyañāṇaṁ na uppannaṁ hoti, neva tāva catunnaṁ indriyānaṁ saṇṭhiti hoti, neva tāva catunnaṁ indriyānaṁ avaṭṭhiti hoti.\nYato ca kho, bhikkhave, ariyasāvakassa ariyañāṇaṁ uppannaṁ hoti, atha catunnaṁ indriyānaṁ …pe… avaṭṭhiti hoti.","en":"It’s just like in a bungalow. As long as the roof peak is not lifted into place, the rafters are not stable or fixed.\nBut when the roof peak is lifted into place, the rafters become stable and fixed.\nIn the same way, as long as noble knowledge hasn’t arisen for a noble disciple the four faculties are not stable and fixed.\nBut when noble knowledge has arisen for a noble disciple the four faculties become stable and fixed."}},{"id":"sn48.52:3","sourceIds":["sn48.52:3.1","sn48.52:3.2","sn48.52:3.3","sn48.52:3.4"],"kind":"text","text":{"pi":"Katamesaṁ catunnaṁ?\nSaddhindriyassa, vīriyindriyassa, satindriyassa, samādhindriyassa.\nPaññavato, bhikkhave, ariyasāvakassa tadanvayā saddhā saṇṭhāti, tadanvayaṁ vīriyaṁ saṇṭhāti, tadanvayā sati saṇṭhāti, tadanvayo samādhi saṇṭhātī”ti.\nDutiyaṁ.","en":"What four?\nThe faculties of faith, energy, mindfulness, and immersion.\nWhen a noble disciple has wisdom, the faith, energy, mindfulness, and immersion that follow along with that become stabilized.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn48.52/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}