{"id":"sn48.53","title":"A Trainee","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn48.53","title":"A Trainee","units":[{"id":"sn48.53:0","sourceIds":["sn48.53:0.1","sn48.53:0.2","sn48.53:0.3"],"kind":"text","text":{"pi":"Saṁyutta Nikāya 48.53\n6. Sūkarakhatavagga\nSekhasutta","en":"Linked Discourses 48.53\n6. The Boar’s Cave\nA Trainee"}},{"id":"sn48.53:1","sourceIds":["sn48.53:1.1","sn48.53:1.2","sn48.53:1.3","sn48.53:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosambiyaṁ viharati ghositārāme.\nTatra kho bhagavā bhikkhū āmantesi:\n“atthi nu kho, bhikkhave, pariyāyo yaṁ pariyāyaṁ āgamma sekho bhikkhu sekhabhūmiyaṁ ṭhito ‘sekhosmī’ti pajāneyya, asekho bhikkhu asekhabhūmiyaṁ ṭhito ‘asekhosmī’ti pajāneyyā”ti?","en":"So I have heard.\nAt one time the Buddha was staying near Kosambī in Ghosita’s monastery.\nThere the Buddha addressed the mendicants:\n“Mendicants, is there a way that a mendicant who is a trainee, standing at the level of a trainee, can understand that they are a trainee? And that a mendicant who is an adept, standing at the level of an adept, can understand that they are an adept?”"}},{"id":"sn48.53:2","sourceIds":["sn48.53:2.1","sn48.53:2.2"],"kind":"text","text":{"pi":"“Bhagavaṁmūlakā no, bhante, dhammā …pe…\n“atthi, bhikkhave, pariyāyo yaṁ pariyāyaṁ āgamma sekho bhikkhu sekhabhūmiyaṁ ṭhito ‘sekhosmī’ti pajāneyya, asekho bhikkhu asekhabhūmiyaṁ ṭhito ‘asekhosmī’ti pajāneyya.","en":"“Our teachings are rooted in the Buddha. …”\n“There is a way that a mendicant who is a trainee, standing at the level of a trainee, can understand that they are a trainee, and that a mendicant who is an adept, standing at the level of an adept, can understand that they are an adept."}},{"id":"sn48.53:3","sourceIds":["sn48.53:3.1","sn48.53:3.2","sn48.53:3.3"],"kind":"text","text":{"pi":"Katamo ca, bhikkhave, pariyāyo yaṁ pariyāyaṁ āgamma sekho bhikkhu sekhabhūmiyaṁ ṭhito ‘sekhosmī’ti pajānāti?\nIdha, bhikkhave, sekho bhikkhu ‘idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti—\nayampi kho, bhikkhave, pariyāyo yaṁ pariyāyaṁ āgamma sekho bhikkhu sekhabhūmiyaṁ ṭhito ‘sekhosmī’ti pajānāti.","en":"And what is a way that a mendicant who is a trainee can understand that they are a trainee?\nIt’s when a mendicant who is a trainee truly understands: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThis is a way that a mendicant who is a trainee can understand that they are a trainee."}},{"id":"sn48.53:4","sourceIds":["sn48.53:4.1","sn48.53:4.2","sn48.53:4.3","sn48.53:4.4","sn48.53:4.5"],"kind":"text","text":{"pi":"Puna caparaṁ, bhikkhave, sekho bhikkhu iti paṭisañcikkhati:\n‘atthi nu kho ito bahiddhā añño samaṇo vā brāhmaṇo vā yo evaṁ bhūtaṁ tacchaṁ tathaṁ dhammaṁ deseti yathā bhagavā’ti?\nSo evaṁ pajānāti:\n‘natthi kho ito bahiddhā añño samaṇo vā brāhmaṇo vā yo evaṁ bhūtaṁ tacchaṁ tathaṁ dhammaṁ deseti yathā bhagavā’ti.\nAyampi kho, bhikkhave, pariyāyo yaṁ pariyāyaṁ āgamma sekho bhikkhu sekhabhūmiyaṁ ṭhito ‘sekhosmī’ti pajānāti.","en":"Furthermore, a mendicant who is a trainee reflects:\n‘Is there any other ascetic or brahmin elsewhere whose teaching is as true, as real, as accurate as that of the Buddha?’\nThey understand:\n‘There is no other ascetic or brahmin elsewhere whose teaching is as true, as real, as accurate as that of the Buddha.’\nThis too is a way that a mendicant who is a trainee can understand that they are a trainee."}},{"id":"sn48.53:5","sourceIds":["sn48.53:5.1","sn48.53:5.2","sn48.53:5.3","sn48.53:5.4","sn48.53:5.5"],"kind":"text","text":{"pi":"Puna caparaṁ, bhikkhave, sekho bhikkhu pañcindriyāni pajānāti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nYaṅgatikāni yaṁparamāni yaṁphalāni yaṁpariyosānāni. Na heva kho kāyena phusitvā viharati;\npaññāya ca ativijjha passati.\nAyampi kho, bhikkhave, pariyāyo yaṁ pariyāyaṁ āgamma sekho bhikkhu sekhabhūmiyaṁ ṭhito ‘sekhosmī’ti pajānāti.","en":"Furthermore, a mendicant who is a trainee understands the five faculties:\nfaith, energy, mindfulness, immersion, and wisdom.\nAnd although they don’t have direct meditative experience of their destination, apex, fruit, and culmination,\nthey do see them with penetrating wisdom.\nThis too is a way that a mendicant who is a trainee can understand that they are a trainee."}},{"id":"sn48.53:6","sourceIds":["sn48.53:6.1","sn48.53:6.2","sn48.53:6.3","sn48.53:6.4","sn48.53:6.5","sn48.53:6.6"],"kind":"text","text":{"pi":"Katamo ca, bhikkhave, pariyāyo yaṁ pariyāyaṁ āgamma asekho bhikkhu asekhabhūmiyaṁ ṭhito ‘asekhosmī’ti pajānāti?\nIdha, bhikkhave, asekho bhikkhu pañcindriyāni pajānāti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nYaṅgatikāni yaṁparamāni yaṁphalāni yaṁpariyosānāni. Kāyena ca phusitvā viharati;\npaññāya ca ativijjha passati.\nAyampi kho, bhikkhave, pariyāyo yaṁ pariyāyaṁ āgamma asekho bhikkhu asekhabhūmiyaṁ ṭhito ‘asekhosmī’ti pajānāti.","en":"And what is the way that a mendicant who is an adept can understand that they are an adept?\nIt’s when a mendicant who is an adept understands the five faculties:\nfaith, energy, mindfulness, immersion, and wisdom.\nThey have direct meditative experience of their destination, apex, fruit, and culmination,\nand they see them with penetrating wisdom.\nThis is a way that a mendicant who is an adept can understand that they are an adept."}},{"id":"sn48.53:7","sourceIds":["sn48.53:7.1","sn48.53:7.2","sn48.53:7.3","sn48.53:7.4","sn48.53:7.5"],"kind":"text","text":{"pi":"Puna caparaṁ, bhikkhave, asekho bhikkhu cha indriyāni pajānāti.\n‘Cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ—\nimāni kho cha indriyāni sabbena sabbaṁ sabbathā sabbaṁ aparisesaṁ nirujjhissanti, aññāni ca cha indriyāni na kuhiñci kismiñci uppajjissantī’ti pajānāti.\nAyampi kho, bhikkhave, pariyāyo yaṁ pariyāyaṁ āgamma asekho bhikkhu asekhabhūmiyaṁ ṭhito ‘asekhosmī’ti pajānātī”ti.\nTatiyaṁ.","en":"Furthermore, a mendicant who is an adept understands the six faculties:\neye, ear, nose, tongue, body, and mind.\nThey understand: ‘These six faculties will totally and utterly cease without remainder. And no other six faculties will arise anywhere anyhow.’\nThis too is a way that a mendicant who is an adept can understand that they are an adept.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn48.53/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}