{"id":"sn5.2","title":"With Somā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn5.2","title":"With Somā","units":[{"id":"sn5.2:0","sourceIds":["sn5.2:0.1","sn5.2:0.2","sn5.2:0.3"],"kind":"text","text":{"pi":"Saṁyutta Nikāya 5.2\n1. Bhikkhunīvagga\nSomāsutta","en":"Linked Discourses 5.2\n1. Nuns\nWith Somā"}},{"id":"sn5.2:1","sourceIds":["sn5.2:1.1","sn5.2:1.2","sn5.2:1.3","sn5.2:1.4","sn5.2:1.5"],"kind":"text","text":{"pi":"Sāvatthinidānaṁ.\nAtha kho somā bhikkhunī pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkantā yena andhavanaṁ tenupasaṅkami divāvihārāya.\nAndhavanaṁ ajjhogāhetvā aññatarasmiṁ rukkhamūle divāvihāraṁ nisīdi.\nAtha kho māro pāpimā somāya bhikkhuniyā bhayaṁ chambhitattaṁ lomahaṁsaṁ uppādetukāmo samādhimhā cāvetukāmo yena somā bhikkhunī tenupasaṅkami; upasaṅkamitvā somaṁ bhikkhuniṁ gāthāya ajjhabhāsi:","en":"At Sāvatthī.\nThen the nun Somā robed up in the morning and, taking her bowl and robe, entered Sāvatthī for alms.\nShe wandered for alms in Sāvatthī. After the meal, on her return from almsround, she went to the Dark Forest for the day’s meditation,\nplunged deep into it, and sat at the root of a tree to meditate.\nThen Māra the Wicked, wanting to make the nun Somā feel fear, terror, and goosebumps, wanting to make her fall away from immersion, went up to her and addressed her in verse:"}},{"id":"sn5.2:2","sourceIds":["sn5.2:2.1","sn5.2:2.2","sn5.2:2.3","sn5.2:2.4"],"kind":"text","text":{"pi":"“Yaṁ taṁ isīhi pattabbaṁ,\nṭhānaṁ durabhisambhavaṁ;\nNa taṁ dvaṅgulapaññāya,\nsakkā pappotumitthiyā”ti.","en":"“That state’s very challenging;\nit’s for the sages to attain.\nWith her two-inch wisdom,\nit’s not possible for a woman.”"}},{"id":"sn5.2:3","sourceIds":["sn5.2:3.1","sn5.2:3.2","sn5.2:3.3","sn5.2:3.4","sn5.2:3.5"],"kind":"text","text":{"pi":"Atha kho somāya bhikkhuniyā etadahosi:\n“ko nu khvāyaṁ manusso vā amanusso vā gāthaṁ bhāsatī”ti?\nAtha kho somāya bhikkhuniyā etadahosi:\n“māro kho ayaṁ pāpimā mama bhayaṁ chambhitattaṁ lomahaṁsaṁ uppādetukāmo samādhimhā cāvetukāmo gāthaṁ bhāsatī”ti.\nAtha kho somā bhikkhunī “māro ayaṁ pāpimā” iti viditvā māraṁ pāpimantaṁ gāthāhi paccabhāsi:","en":"Then the nun Somā thought,\n“Who’s speaking this verse, a human or a non-human?”\nThen she thought,\n“This is Māra the Wicked, wanting to make me feel fear, terror, and goosebumps, wanting to make me fall away from immersion!”\nThen Somā, knowing that this was Māra the Wicked, replied to him in verse:"}},{"id":"sn5.2:4","sourceIds":["sn5.2:4.1","sn5.2:4.2","sn5.2:4.3","sn5.2:4.4"],"kind":"text","text":{"pi":"“Itthibhāvo kiṁ kayirā,\ncittamhi susamāhite;\nÑāṇamhi vattamānamhi,\nsammā dhammaṁ vipassato.","en":"“What difference does womanhood make\nwhen the mind is serene,\nand knowledge is present\nas you rightly discern the Dhamma."}},{"id":"sn5.2:5","sourceIds":["sn5.2:5.1","sn5.2:5.2","sn5.2:5.3","sn5.2:5.4"],"kind":"text","text":{"pi":"Yassa nūna siyā evaṁ,\nItthāhaṁ purisoti vā;\nKiñci vā pana aññasmi,\nTaṁ māro vattumarahatī”ti.","en":"Surely someone who might think:\n‘I am woman’, or ‘I am man’,\nor ‘I am’ anything at all,\nis fit for Māra to address.”"}},{"id":"sn5.2:6","sourceIds":["sn5.2:6.1"],"kind":"text","text":{"pi":"Atha kho māro pāpimā “jānāti maṁ somā bhikkhunī”ti dukkhī dummano tatthevantaradhāyīti.","en":"Then Māra the Wicked, thinking, “The nun Somā knows me!” miserable and sad, vanished right there."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn5.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}