{"id":"sn5.3","title":"With Kisāgotamī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn5.3","title":"With Kisāgotamī","units":[{"id":"sn5.3:0","sourceIds":["sn5.3:0.1","sn5.3:0.2","sn5.3:0.3"],"kind":"text","text":{"pi":"Saṁyutta Nikāya 5.3\n1. Bhikkhunīvagga\nKisāgotamīsutta","en":"Linked Discourses 5.3\n1. Nuns\nWith Kisāgotamī"}},{"id":"sn5.3:1","sourceIds":["sn5.3:1.1","sn5.3:1.2","sn5.3:1.3","sn5.3:1.4","sn5.3:1.5"],"kind":"text","text":{"pi":"Sāvatthinidānaṁ.\nAtha kho kisāgotamī bhikkhunī pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkantā yena andhavanaṁ tenupasaṅkami, upasaṅkamitvā divāvihārāya.\nAndhavanaṁ ajjhogāhetvā aññatarasmiṁ rukkhamūle divāvihāraṁ nisīdi.\nAtha kho māro pāpimā kisāgotamiyā bhikkhuniyā bhayaṁ chambhitattaṁ lomahaṁsaṁ uppādetukāmo samādhimhā cāvetukāmo yena kisāgotamī bhikkhunī tenupasaṅkami; upasaṅkamitvā kisāgotamiṁ bhikkhuniṁ gāthāya ajjhabhāsi:","en":"At Sāvatthī.\nThen the nun Kisāgotamī robed up in the morning and, taking her bowl and robe, entered Sāvatthī for alms.\nShe wandered for alms in Sāvatthī. After the meal, on her return from almsround, she went to the Dark Forest for the day’s meditation,\nplunged deep into it, and sat at the root of a tree to meditate.\nThen Māra the Wicked, wanting to make the nun Kisāgotamī feel fear, terror, and goosebumps, wanting to make her fall away from immersion, went up to her and addressed her in verse:"}},{"id":"sn5.3:2","sourceIds":["sn5.3:2.1","sn5.3:2.2","sn5.3:2.3","sn5.3:2.4"],"kind":"text","text":{"pi":"“Kiṁ nu tvaṁ mataputtāva,\nekamāsi rudammukhī;\nVanamajjhagatā ekā,\npurisaṁ nu gavesasī”ti.","en":"“Why do you sit alone and cry\nas if your children have died?\nYou’ve come to the woods all alone—\nare you looking for a man?”"}},{"id":"sn5.3:3","sourceIds":["sn5.3:3.1","sn5.3:3.2","sn5.3:3.3","sn5.3:3.4"],"kind":"text","text":{"pi":"Atha kho kisāgotamiyā bhikkhuniyā etadahosi:\n“ko nu khvāyaṁ manusso vā amanusso vā gāthaṁ bhāsatī”ti?\nAtha kho kisāgotamiyā bhikkhuniyā etadahosi:\n“māro kho ayaṁ pāpimā mama bhayaṁ chambhitattaṁ lomahaṁsaṁ uppādetukāmo samādhimhā cāvetukāmo gāthaṁ bhāsatī”ti.","en":"Then the nun Kisāgotamī thought,\n“Who’s speaking this verse, a human or a non-human?”\nThen she thought,\n“This is Māra the Wicked, wanting to make me feel fear, terror, and goosebumps, wanting to make me fall away from immersion!”"}},{"id":"sn5.3:4","sourceIds":["sn5.3:4.1"],"kind":"text","text":{"pi":"Atha kho kisāgotamī bhikkhunī “māro ayaṁ pāpimā” iti viditvā māraṁ pāpimantaṁ gāthāhi paccabhāsi:","en":"Then Kisāgotamī, knowing that this was Māra the Wicked, replied to him in verse:"}},{"id":"sn5.3:5","sourceIds":["sn5.3:5.1","sn5.3:5.2","sn5.3:5.3","sn5.3:5.4"],"kind":"text","text":{"pi":"“Accantaṁ mataputtāmhi,\npurisā etadantikā;\nNa socāmi na rodāmi,\nna taṁ bhāyāmi āvuso.","en":"“I’ve got over the death of children,\nand I’m finished with men.\nI don’t grieve or lament,\nand I’m not afraid of you, sir!"}},{"id":"sn5.3:6","sourceIds":["sn5.3:6.1","sn5.3:6.2","sn5.3:6.3","sn5.3:6.4"],"kind":"text","text":{"pi":"Sabbattha vihatā nandī,\ntamokkhandho padālito;\nJetvāna maccuno senaṁ,\nviharāmi anāsavā”ti.","en":"Relishing is banished in every respect,\nand the mass of darkness is shattered.\nI’ve defeated the army of death,\nand live without defilements.”"}},{"id":"sn5.3:7","sourceIds":["sn5.3:7.1"],"kind":"text","text":{"pi":"Atha kho māro pāpimā “jānāti maṁ kisāgotamī bhikkhunī”ti dukkhī dummano tatthevantaradhāyīti.","en":"Then Māra the Wicked, thinking, “The nun Kisāgotamī knows me!” miserable and sad, vanished right there."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn5.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}