{"id":"sn5.5","title":"With Uppalavaṇṇā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn5.5","title":"With Uppalavaṇṇā","units":[{"id":"sn5.5:0","sourceIds":["sn5.5:0.1","sn5.5:0.2","sn5.5:0.3"],"kind":"text","text":{"pi":"Saṁyutta Nikāya 5.5\n1. Bhikkhunīvagga\nUppalavaṇṇāsutta","en":"Linked Discourses 5.5\n1. Nuns\nWith Uppalavaṇṇā"}},{"id":"sn5.5:1","sourceIds":["sn5.5:1.1","sn5.5:1.2","sn5.5:1.3","sn5.5:1.4"],"kind":"text","text":{"pi":"Sāvatthinidānaṁ.\nAtha kho uppalavaṇṇā bhikkhunī pubbaṇhasamayaṁ nivāsetvā …pe…\naññatarasmiṁ supupphitasālarukkhamūle aṭṭhāsi.\nAtha kho māro pāpimā uppalavaṇṇāya bhikkhuniyā bhayaṁ chambhitattaṁ lomahaṁsaṁ uppādetukāmo samādhimhā cāvetukāmo yena uppalavaṇṇā bhikkhunī tenupasaṅkami; upasaṅkamitvā uppalavaṇṇaṁ bhikkhuniṁ gāthāya ajjhabhāsi:","en":"At Sāvatthī.\nThen the nun Uppalavaṇṇā robed up in the morning …\nand stood at the root of a sal tree in full flower.\nThen Māra the Wicked, wanting to make the nun Uppalavaṇṇā feel fear, terror, and goosebumps, wanting to make her fall away from immersion, went up to her and addressed her in verse:"}},{"id":"sn5.5:2","sourceIds":["sn5.5:2.1","sn5.5:2.2","sn5.5:2.3","sn5.5:2.4"],"kind":"text","text":{"pi":"“Supupphitaggaṁ upagamma bhikkhuni,\nEkā tuvaṁ tiṭṭhasi sālamūle;\nNa catthi te dutiyā vaṇṇadhātu,\nBāle na tvaṁ bhāyasi dhuttakānan”ti.","en":"“You’ve come to this sal tree all crowned with flowers,\nand stand at its root all alone, O nun.\nYour beauty is second to none—\nsilly girl, aren’t you afraid of rascals?”"}},{"id":"sn5.5:3","sourceIds":["sn5.5:3.1","sn5.5:3.2","sn5.5:3.3","sn5.5:3.4","sn5.5:3.5"],"kind":"text","text":{"pi":"Atha kho uppalavaṇṇāya bhikkhuniyā etadahosi:\n“ko nu khvāyaṁ manusso vā amanusso vā gāthaṁ bhāsatī”ti?\nAtha kho uppalavaṇṇāya bhikkhuniyā etadahosi:\n“māro kho ayaṁ pāpimā mama bhayaṁ chambhitattaṁ lomahaṁsaṁ uppādetukāmo samādhimhā cāvetukāmo gāthaṁ bhāsatī”ti.\nAtha kho uppalavaṇṇā bhikkhunī “māro ayaṁ pāpimā” iti viditvā māraṁ pāpimantaṁ gāthāhi paccabhāsi:","en":"Then the nun Uppalavaṇṇā thought,\n“Who’s speaking this verse, a human or a non-human?”\nThen she thought,\n“This is Māra the Wicked, wanting to make me feel fear, terror, and goosebumps, wanting to make me fall away from immersion!”\nThen Uppalavaṇṇā, knowing that this was Māra the Wicked, replied to him in verse:"}},{"id":"sn5.5:4","sourceIds":["sn5.5:4.1","sn5.5:4.2","sn5.5:4.3","sn5.5:4.4"],"kind":"text","text":{"pi":"“Sataṁ sahassānipi dhuttakānaṁ,\nIdhāgatā tādisakā bhaveyyuṁ;\nLomaṁ na iñjāmi na santasāmi,\nNa māra bhāyāmi tamekikāpi.","en":"“Even if 100,000 rascals like you\nwere to come here,\nI’d stir not a hair nor panic.\nI’m not scared of you, Māra, even alone."}},{"id":"sn5.5:5","sourceIds":["sn5.5:5.1","sn5.5:5.2","sn5.5:5.3","sn5.5:5.4"],"kind":"text","text":{"pi":"Esā antaradhāyāmi,\nkucchiṁ vā pavisāmi te;\nPakhumantarikāyampi,\ntiṭṭhantiṁ maṁ na dakkhasi.","en":"I’ll vanish,\nor I’ll enter your belly;\nI could stand between your eyebrows\nand you still wouldn’t see me."}},{"id":"sn5.5:6","sourceIds":["sn5.5:6.1","sn5.5:6.2","sn5.5:6.3","sn5.5:6.4"],"kind":"text","text":{"pi":"Cittasmiṁ vasībhūtāmhi,\niddhipādā subhāvitā;\nSabbabandhanamuttāmhi,\nna taṁ bhāyāmi āvuso”ti.","en":"I’m the master of my own mind,\nI’ve developed the bases of psychic power well.\nI’m free from all bonds,\nand I’m not afraid of you, sir!”"}},{"id":"sn5.5:7","sourceIds":["sn5.5:7.1"],"kind":"text","text":{"pi":"Atha kho māro pāpimā “jānāti maṁ uppalavaṇṇā bhikkhunī”ti dukkhī dummano tatthevantaradhāyīti.","en":"Then Māra the Wicked, thinking, “The nun Uppalavaṇṇā knows me!” miserable and sad, vanished right there."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn5.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}