{"id":"sn51.32","title":"The Realized One","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn51.32","title":"The Realized One","units":[{"id":"sn51.32:0","sourceIds":["sn51.32:0.1","sn51.32:0.2","sn51.32:0.3"],"kind":"text","text":{"pi":"Saṁyutta Nikāya 51.32\n3. Ayoguḷavagga\nTathāgatasutta","en":"Linked Discourses 51.32\n3. The Iron Ball\nThe Realized One"}},{"id":"sn51.32:1","sourceIds":["sn51.32:1.1","sn51.32:1.2","sn51.32:1.3"],"kind":"text","text":{"pi":"Tatra kho bhagavā bhikkhū āmantesi:\n“Taṁ kiṁ maññatha, bhikkhave,\nkatamesaṁ dhammānaṁ bhāvitattā bahulīkatattā tathāgato evaṁmahiddhiko evaṁmahānubhāvo”ti?","en":"There the Buddha addressed the mendicants:\n“What do you think, mendicants?\nWhat things has the Realized One developed and cultivated so as to have such power and might?”"}},{"id":"sn51.32:2","sourceIds":["sn51.32:2.1","sn51.32:2.2"],"kind":"text","text":{"pi":"“Bhagavaṁmūlakā no, bhante, dhammā …pe…\n“catunnaṁ kho, bhikkhave, iddhipādānaṁ bhāvitattā bahulīkatattā tathāgato evaṁmahiddhiko evaṁmahānubhāvo.","en":"“Our teachings are rooted in the Buddha. …”\n“The Realized One has become so powerful and mighty by developing and cultivating the four bases of psychic power."}},{"id":"sn51.32:3","sourceIds":["sn51.32:3.1","sn51.32:3.2","sn51.32:3.3","sn51.32:3.4","sn51.32:3.5","sn51.32:3.6","sn51.32:3.7","sn51.32:3.8","sn51.32:3.9","sn51.32:3.10","sn51.32:3.11","sn51.32:3.12","sn51.32:3.13","sn51.32:3.14","sn51.32:3.15","sn51.32:3.16","sn51.32:3.17","sn51.32:3.18"],"kind":"text","text":{"pi":"Katamesaṁ catunnaṁ?\nIdha, bhikkhave, tathāgato chandasamādhippadhānasaṅkhārasamannāgataṁ iddhipādaṁ bhāveti—\niti me chando na ca atilīno bhavissati, na ca atippaggahito bhavissati, na ca ajjhattaṁ saṅkhitto bhavissati, na ca bahiddhā vikkhitto bhavissati.\nPacchāpuresaññī ca viharati—\nyathā pure tathā pacchā, yathā pacchā tathā pure;\nyathā adho tathā uddhaṁ, yathā uddhaṁ tathā adho;\nyathā divā tathā rattiṁ, yathā rattiṁ tathā divā.\nIti vivaṭena cetasā apariyonaddhena sappabhāsaṁ cittaṁ bhāveti.\nVīriyasamādhi …pe…\ncittasamādhi …\nvīmaṁsāsamādhippadhānasaṅkhārasamannāgataṁ iddhipādaṁ bhāveti—\niti me vīmaṁsā na ca atilīnā bhavissati, na ca atipaggahitā bhavissati, na ca ajjhattaṁ saṅkhittā bhavissati, na ca bahiddhā vikkhittā bhavissati.\nPacchāpuresaññī ca viharati—\nyathā pure tathā pacchā, yathā pacchā tathā pure;\nyathā adho tathā uddhaṁ, yathā uddhaṁ tathā adho;\nyathā divā tathā rattiṁ, yathā rattiṁ tathā divā.\nIti vivaṭena cetasā apariyonaddhena sappabhāsaṁ cittaṁ bhāveti.\nImesaṁ kho, bhikkhave, catunnaṁ iddhipādānaṁ bhāvitattā bahulīkatattā tathāgato evaṁmahiddhiko evaṁmahānubhāvo.","en":"What four?\nIt’s when a mendicant develops the basis of psychic power that has immersion due to enthusiasm, and active effort.\nHe thinks: ‘My enthusiasm won’t be too lax or too tense. And it’ll be neither constricted internally nor scattered externally.’\nAnd he meditates perceiving before and behind:\nas before, so behind; as behind, so before;\nas below, so above; as above, so below;\nas by day, so by night; as by night, so by day.\nAnd so, with an open and unenveloped heart, he develops a mind that’s full of radiance.\nHe develops the basis of psychic power that has immersion due to energy …\nmental development …\ninquiry, and active effort.\nHe thinks: ‘My inquiry won’t be too lax or too tense. And it’ll be neither constricted internally nor scattered externally.’\nAnd he meditates perceiving before and behind:\nas before, so behind; as behind, so before;\nas below, so above; as above, so below;\nas by day, so by night; as by night, so by day.\nAnd so, with an open and unenveloped heart, he develops a mind that’s full of radiance.\nThe Realized One has become so powerful and mighty by developing and cultivating these four bases of psychic power."}},{"id":"sn51.32:4","sourceIds":["sn51.32:4.1","sn51.32:4.2","sn51.32:4.3","sn51.32:4.4","sn51.32:4.5"],"kind":"text","text":{"pi":"Imesañca pana, bhikkhave, catunnaṁ iddhipādānaṁ bhāvitattā bahulīkatattā tathāgato anekavihitaṁ iddhividhaṁ paccanubhoti—ekopi hutvā bahudhā hoti …pe… yāva brahmalokāpi kāyena vasaṁ vatteti.\nImesañca pana, bhikkhave, catunnaṁ iddhipādānaṁ bhāvitattā bahulīkatattā tathāgato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī”ti.\nDvādasamaṁ.\n(Chapi abhiññāyo vitthāretabbā.)\nAyoguḷavaggo tatiyo.","en":"And by developing and cultivating these four bases of psychic power, the Realized One wields the many kinds of psychic power: multiplying himself and becoming one again … controlling the body as far as the realm of divinity.\nAnd by developing and cultivating these four bases of psychic power, the Realized One realizes the undefiled freedom of heart and freedom by wisdom. And he lives having realized it with his own insight in this very life due to the ending of defilements.”\n(The six direct knowledges should be told in full.)"}},{"id":"sn51.32:5","sourceIds":["sn51.32:5.0","sn51.32:5.1","sn51.32:5.2","sn51.32:5.3","sn51.32:5.4"],"kind":"text","text":{"pi":"Tassuddānaṁ\nMaggo ayoguḷo bhikkhu,\nsuddhikañcāpi dve phalā;\nDve cānandā duve bhikkhū,\nmoggallāno tathāgatoti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn51.32/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}