{"id":"sn52.1","title":"In Private (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn52.1","title":"In Private (1st)","units":[{"id":"sn52.1:0","sourceIds":["sn52.1:0.1","sn52.1:0.2","sn52.1:0.3"],"kind":"text","text":{"pi":"Saṁyutta Nikāya 52.1\n1. Rahogatavagga\nPaṭhamarahogatasutta","en":"Linked Discourses 52.1\n1. In Private\nIn Private (1st)"}},{"id":"sn52.1:1","sourceIds":["sn52.1:1.1","sn52.1:1.2","sn52.1:1.3","sn52.1:1.4","sn52.1:1.5"],"kind":"text","text":{"pi":"Evaṁ me sutaṁ—\nekaṁ samayaṁ āyasmā anuruddho sāvatthiyaṁ viharati jetavane anāthapiṇḍikassa ārāme.\nAtha kho āyasmato anuruddhassa rahogatassa paṭisallīnassa evaṁ cetaso parivitakko udapādi:\n“yesaṁ kesañci cattāro satipaṭṭhānā viraddhā, viraddho tesaṁ ariyo maggo sammā dukkhakkhayagāmī.\nYesaṁ kesañci cattāro satipaṭṭhānā āraddhā, āraddho tesaṁ ariyo maggo sammā dukkhakkhayagāmī”ti.","en":"So I have heard.\nAt one time Venerable Anuruddha was staying near Sāvatthī in Jeta’s Grove, Anāthapiṇḍika’s monastery.\nThen as Anuruddha was in private retreat this thought came to his mind:\n“Whoever has missed out on these four kinds of mindfulness meditation has missed out on the noble path to the complete ending of suffering.\nWhoever has undertaken these four kinds of mindfulness meditation has undertaken the noble path to the complete ending of suffering.”"}},{"id":"sn52.1:2","sourceIds":["sn52.1:2.1","sn52.1:2.2","sn52.1:2.3"],"kind":"text","text":{"pi":"Atha kho āyasmā mahāmoggallāno āyasmato anuruddhassa cetasā cetoparivitakkamaññāya—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—āyasmato anuruddhassa sammukhe pāturahosi.\nAtha kho āyasmā mahāmoggallāno āyasmantaṁ anuruddhaṁ etadavoca:\n“kittāvatā nu kho, āvuso anuruddha, bhikkhuno cattāro satipaṭṭhānā āraddhā hontī”ti?","en":"Then Venerable Mahāmoggallāna knew what Venerable Anuruddha was thinking. As easily as a strong person would extend or contract their arm, he reappeared in front of Anuruddha,\nand said to him:\n“Reverend Anuruddha, how do you define the undertaking of the four kinds of mindfulness meditation by a mendicant?”"}},{"id":"sn52.1:3","sourceIds":["sn52.1:3.1","sn52.1:3.2","sn52.1:3.3"],"kind":"text","text":{"pi":"“Idhāvuso, bhikkhu ajjhattaṁ kāye samudayadhammānupassī viharati, ajjhattaṁ kāye vayadhammānupassī viharati, ajjhattaṁ kāye samudayavayadhammānupassī viharati ātāpī sampajāno satimā, vineyya loke abhijjhādomanassaṁ.\nBahiddhā kāye samudayadhammānupassī viharati, bahiddhā kāye vayadhammānupassī viharati, bahiddhā kāye samudayavayadhammānupassī viharati ātāpī sampajāno satimā, vineyya loke abhijjhādomanassaṁ.\nAjjhattabahiddhā kāye samudayadhammānupassī viharati, ajjhattabahiddhā kāye vayadhammānupassī viharati, ajjhattabahiddhā kāye samudayavayadhammānupassī viharati ātāpī sampajāno satimā, vineyya loke abhijjhādomanassaṁ.","en":"“Reverend, it’s when a mendicant, with respect to the body internally, meditates observing the liability to originate, to vanish, and to originate and vanish—keen, aware, and mindful, rid of covetousness and displeasure for the world.\nWith respect to the body externally, they meditate observing the liability to originate, to vanish, and to originate and vanish—keen, aware, and mindful, rid of covetousness and displeasure for the world.\nWith respect to the body internally and externally, they meditate observing the liability to originate, to vanish, and to originate and vanish—keen, aware, and mindful, rid of covetousness and displeasure for the world."}},{"id":"sn52.1:4","sourceIds":["sn52.1:4.1","sn52.1:4.2","sn52.1:4.3","sn52.1:4.4","sn52.1:4.5"],"kind":"text","text":{"pi":"So sace ākaṅkhati: ‘appaṭikūle paṭikūlasaññī vihareyyan’ti, paṭikūlasaññī tattha viharati;\nsace ākaṅkhati: ‘paṭikūle appaṭikūlasaññī vihareyyan’ti, appaṭikūlasaññī tattha viharati;\nsace ākaṅkhati: ‘appaṭikūle ca paṭikūle ca paṭikūlasaññī vihareyyan’ti, paṭikūlasaññī tattha viharati;\nsace ākaṅkhati: ‘paṭikūle ca appaṭikūle ca appaṭikūlasaññī vihareyyan’ti, appaṭikūlasaññī tattha viharati;\nsace ākaṅkhati: ‘appaṭikūlañca paṭikūlañca tadubhayaṁ abhinivajjetvā upekkhako vihareyyaṁ sato sampajāno’ti, upekkhako tattha viharati sato sampajāno.","en":"If they wish: ‘May I meditate perceiving the repulsive in the unrepulsive,’ that’s what they do.\nIf they wish: ‘May I meditate perceiving the unrepulsive in the repulsive,’ that’s what they do.\nIf they wish: ‘May I meditate perceiving the repulsive in the unrepulsive and the repulsive,’ that’s what they do.\nIf they wish: ‘May I meditate perceiving the unrepulsive in the repulsive and the unrepulsive,’ that’s what they do.\nIf they wish: ‘May I meditate staying equanimous, mindful and aware, shunning both the repulsive and the unrepulsive,’ that’s what they do."}},{"id":"sn52.1:5","sourceIds":["sn52.1:5.1","sn52.1:5.2","sn52.1:5.3"],"kind":"text","text":{"pi":"Ajjhattaṁ vedanāsu samudayadhammānupassī viharati, ajjhattaṁ vedanāsu vayadhammānupassī viharati, ajjhattaṁ vedanāsu samudayavayadhammānupassī viharati ātāpī sampajāno satimā, vineyya loke abhijjhādomanassaṁ.\nBahiddhā vedanāsu samudayadhammānupassī viharati, bahiddhā vedanāsu vayadhammānupassī viharati, bahiddhā vedanāsu samudayavayadhammānupassī viharati ātāpī sampajāno satimā, vineyya loke abhijjhādomanassaṁ.\nAjjhattabahiddhā vedanāsu samudayadhammānupassī viharati, ajjhattabahiddhā vedanāsu vayadhammānupassī viharati, ajjhattabahiddhā vedanāsu samudayavayadhammānupassī viharati ātāpī sampajāno satimā, vineyya loke abhijjhādomanassaṁ.","en":"With respect to feelings internally …\nexternally …\ninternally and externally, they meditate observing the liability to originate, to vanish, and to originate and vanish …"}},{"id":"sn52.1:6","sourceIds":["sn52.1:6.1","sn52.1:6.2","sn52.1:6.3","sn52.1:6.4","sn52.1:6.5"],"kind":"text","text":{"pi":"So sace ākaṅkhati: ‘appaṭikūle paṭikūlasaññī vihareyyan’ti, paṭikūlasaññī tattha viharati;\nsace ākaṅkhati: ‘paṭikūle appaṭikūlasaññī vihareyyan’ti, appaṭikūlasaññī tattha viharati;\nsace ākaṅkhati: ‘appaṭikūle ca paṭikūle ca paṭikūlasaññī vihareyyan’ti, paṭikūlasaññī tattha viharati;\nsace ākaṅkhati: ‘paṭikūle ca appaṭikūle ca appaṭikūlasaññī vihareyyan’ti, appaṭikūlasaññī tattha viharati;\nsace ākaṅkhati: ‘appaṭikūlañca paṭikūlañca tadubhayaṁ abhinivajjetvā upekkhako vihareyyaṁ sato sampajāno’ti, upekkhako tattha viharati sato sampajāno."}},{"id":"sn52.1:7","sourceIds":["sn52.1:7.1","sn52.1:7.2","sn52.1:7.3"],"kind":"text","text":{"pi":"Ajjhattaṁ citte …pe…\nbahiddhā citte …pe…\najjhattabahiddhā citte samudayadhammānupassī viharati … ajjhattabahiddhā citte vayadhammānupassī viharati … ajjhattabahiddhā citte samudayavayadhammānupassī viharati ātāpī …pe… abhijjhādomanassaṁ.","en":"With respect to the mind internally …\nexternally …\ninternally and externally, they meditate observing the liability to originate, to vanish, and to originate and vanish …"}},{"id":"sn52.1:8","sourceIds":["sn52.1:8.1","sn52.1:8.2"],"kind":"text","text":{"pi":"So sace ākaṅkhati: ‘appaṭikūle paṭikūlasaññī vihareyyan’ti, paṭikūlasaññī tattha viharati …pe…\nupekkhako tattha viharati sato sampajāno."}},{"id":"sn52.1:9","sourceIds":["sn52.1:9.1","sn52.1:9.2","sn52.1:9.3"],"kind":"text","text":{"pi":"Ajjhattaṁ dhammesu …pe…\nbahiddhā dhammesu …pe…\najjhattabahiddhā dhammesu samudayadhammānupassī viharati … ajjhattabahiddhā dhammesu vayadhammānupassī viharati … ajjhattabahiddhā dhammesu samudayavayadhammānupassī viharati ātāpī sampajāno satimā, vineyya loke abhijjhādomanassaṁ.","en":"With respect to principles internally …\nexternally …\ninternally and externally, they meditate observing the liability to originate, to vanish, and to originate and vanish …"}},{"id":"sn52.1:10","sourceIds":["sn52.1:10.1","sn52.1:10.2","sn52.1:10.3","sn52.1:10.4"],"kind":"text","text":{"pi":"So sace ākaṅkhati: ‘appaṭikūle paṭikūlasaññī vihareyyan’ti, paṭikūlasaññī tattha viharati …pe…\nupekkhako tattha viharati sato sampajāno.\nEttāvatā kho, āvuso, bhikkhuno cattāro satipaṭṭhānā āraddhā hontī”ti.\nPaṭhamaṁ.","en":"If they wish: ‘May I meditate perceiving the repulsive in the unrepulsive,’ that’s what they do. …\nIf they wish: ‘May I meditate staying equanimous, mindful and aware, ignoring both the repulsive and the unrepulsive,’ that’s what they do.\nThat’s how to define the undertaking of the four kinds of mindfulness meditation by a mendicant.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn52.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}