{"id":"sn52.8","title":"The Salaḷa Tree Hut","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn52.8","title":"The Salaḷa Tree Hut","units":[{"id":"sn52.8:0","sourceIds":["sn52.8:0.1","sn52.8:0.2","sn52.8:0.3"],"kind":"text","text":{"pi":"Saṁyutta Nikāya 52.8\n1. Rahogatavagga\nSalaḷāgārasutta","en":"Linked Discourses 52.8\n1. In Private\nThe Salaḷa Tree Hut"}},{"id":"sn52.8:1","sourceIds":["sn52.8:1.1","sn52.8:1.2","sn52.8:1.3","sn52.8:1.4","sn52.8:1.5","sn52.8:1.6","sn52.8:1.7","sn52.8:1.8","sn52.8:1.9","sn52.8:1.10","sn52.8:1.11"],"kind":"text","text":{"pi":"Ekaṁ samayaṁ āyasmā anuruddho sāvatthiyaṁ viharati salaḷāgāre.\nTatra kho āyasmā anuruddho bhikkhū āmantesi …pe… etadavoca:\n“seyyathāpi, āvuso, gaṅgā nadī pācīnaninnā pācīnapoṇā pācīnapabbhārā.\nAtha mahājanakāyo āgaccheyya kudālapiṭakaṁ ādāya:\n‘mayaṁ imaṁ gaṅgānadiṁ pacchāninnaṁ karissāma pacchāpoṇaṁ pacchāpabbhāran’ti.\nTaṁ kiṁ maññathāvuso, api nu so mahājanakāyo gaṅgānadiṁ pacchāninnaṁ kareyya pacchāpoṇaṁ pacchāpabbhāran”ti?\n“No hetaṁ, āvuso”.\n“Taṁ kissa hetu”?\n“Gaṅgā, āvuso, nadī pācīnaninnā pācīnapoṇā pācīnapabbhārā.\nSā na sukarā pacchāninnaṁ kātuṁ pacchāpoṇaṁ pacchāpabbhāraṁ.\nYāvadeva ca pana so mahājanakāyo kilamathassa vighātassa bhāgī assā”ti.","en":"At one time Venerable Anuruddha was staying near Sāvatthī in the salaḷa tree hut.\nThere Venerable Anuruddha addressed the mendicants:\n“Reverends, suppose that, although the Ganges River slants, slopes, and inclines to the east,\na large crowd were to come along with a spade and basket, saying:\n‘We’ll make this Ganges River slant, slope, and incline to the west!’\nWhat do you think, reverends? Would they succeed?”\n“No, reverend.\nWhy is that?\nThe Ganges River slants, slopes, and inclines to the east.\nIt’s not easy to make it slant, slope, and incline to the west.\nThat large crowd will eventually get weary and frustrated.”"}},{"id":"sn52.8:2","sourceIds":["sn52.8:2.1","sn52.8:2.2","sn52.8:2.3","sn52.8:2.4"],"kind":"text","text":{"pi":"“Evameva kho, āvuso, bhikkhuṁ cattāro satipaṭṭhāne bhāventaṁ cattāro satipaṭṭhāne bahulīkarontaṁ rājāno vā rājamahāmattā vā mittā vā amaccā vā ñātī vā sālohitā vā bhogehi abhihaṭṭhuṁ pavāreyyuṁ:\n‘ehambho purisa, kiṁ te ime kāsāvā anudahanti?\nKiṁ muṇḍo kapālamanusañcarasi?\nEhi hīnāyāvattitvā bhoge ca bhuñjassu puññāni ca karohī’ti.","en":"“In the same way, while a mendicant develops and cultivates the four kinds of mindfulness meditation, if rulers or their chief ministers, friends or colleagues, relatives or family should invite them to accept wealth, saying:\n‘Please, my man, why let these ocher robes torment you?\nWhy follow the practice of shaving your head and carrying an alms bowl?\nCome, return to a lesser life, enjoy wealth, and make merit!’"}},{"id":"sn52.8:3","sourceIds":["sn52.8:3.1","sn52.8:3.2","sn52.8:3.3","sn52.8:3.4","sn52.8:3.5","sn52.8:3.6","sn52.8:3.7","sn52.8:3.8","sn52.8:3.9","sn52.8:3.10"],"kind":"text","text":{"pi":"So vata, āvuso, bhikkhu cattāro satipaṭṭhāne bhāvento cattāro satipaṭṭhāne bahulīkaronto sikkhaṁ paccakkhāya hīnāyāvattissatīti—netaṁ ṭhānaṁ vijjati.\nTaṁ kissa hetu?\nYañhi taṁ, āvuso, cittaṁ dīgharattaṁ vivekaninnaṁ vivekapoṇaṁ vivekapabbhāraṁ taṁ vata hīnāyāvattissatīti—netaṁ ṭhānaṁ vijjati.\nKathañcāvuso, bhikkhu cattāro satipaṭṭhāne bhāveti, cattāro satipaṭṭhāne bahulīkarotīti?\nIdhāvuso, bhikkhu kāye kāyānupassī viharati …pe…\nvedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ.\nEvaṁ kho, āvuso, bhikkhu cattāro satipaṭṭhāne bhāveti, cattāro satipaṭṭhāne bahulīkarotī”ti.\nAṭṭhamaṁ.","en":"It is quite impossible for a mendicant who is developing and cultivating the four kinds of mindfulness meditation to resign the training and return to a lesser life.\nWhy is that?\nBecause for a long time that mendicant’s mind has slanted, sloped, and inclined to seclusion. So it’s impossible for them to return to a lesser life.\nAnd how does a mendicant develop and cultivate the four kinds of mindfulness meditation?\nIt’s when a mendicant meditates by observing an aspect of the body …\nfeelings …\nmind …\nprinciples—keen, aware, and mindful, rid of covetousness and displeasure for the world.\nThat’s how a mendicant develops and cultivates the four kinds of mindfulness meditation.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn52.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}