{"id":"sn54.13","title":"With Ānanda (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn54.13","title":"With Ānanda (1st)","units":[{"id":"sn54.13:0","sourceIds":["sn54.13:0.1","sn54.13:0.2","sn54.13:0.3"],"kind":"text","text":{"pi":"Saṁyutta Nikāya 54.13\n2. Dutiyavagga\nPaṭhamaānandasutta","en":"Linked Discourses 54.13\nChapter Two\nWith Ānanda (1st)"}},{"id":"sn54.13:1","sourceIds":["sn54.13:1.1","sn54.13:1.2","sn54.13:1.3"],"kind":"text","text":{"pi":"Sāvatthinidānaṁ.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“atthi nu kho, bhante, ekadhammo bhāvito bahulīkato cattāro dhamme paripūreti, cattāro dhammā bhāvitā bahulīkatā satta dhamme paripūrenti, satta dhammā bhāvitā bahulīkatā dve dhamme paripūrentī”ti?","en":"At Sāvatthī.\nThen Venerable Ānanda went up to the Buddha, bowed, sat down to one side, and said to him:\n“Sir, is there one thing that, when developed and cultivated, fulfills four things; and those four things, when developed and cultivated, fulfill seven things; and those seven things, when developed and cultivated, fulfill two things?”"}},{"id":"sn54.13:2","sourceIds":["sn54.13:2.1"],"kind":"text","text":{"pi":"“Atthi kho, ānanda, ekadhammo bhāvito bahulīkato cattāro dhamme paripūreti, cattāro dhammā bhāvitā bahulīkatā satta dhamme paripūrenti, satta dhammā bhāvitā bahulīkatā dve dhamme paripūrentī”ti.","en":"“There is, Ānanda.”"}},{"id":"sn54.13:3","sourceIds":["sn54.13:3.1","sn54.13:3.2"],"kind":"text","text":{"pi":"“Katamo pana, bhante, ekadhammo bhāvito bahulīkato cattāro dhamme paripūreti, cattāro dhammā bhāvitā bahulīkatā satta dhamme paripūrenti, satta dhammā bhāvitā bahulīkatā dve dhamme paripūrentī”ti?\n“Ānāpānassatisamādhi kho, ānanda, ekadhammo bhāvito bahulīkato cattāro satipaṭṭhāne paripūreti, cattāro satipaṭṭhānā bhāvitā bahulīkatā satta bojjhaṅge paripūrenti, satta bojjhaṅgā bhāvitā bahulīkatā vijjāvimuttiṁ paripūrenti.","en":"“Sir, what is that one thing?”\n“Immersion due to mindfulness of breathing is one thing that, when developed and cultivated, fulfills the four kinds of mindfulness meditation. And the four kinds of mindfulness meditation, when developed and cultivated, fulfill the seven awakening factors. And the seven awakening factors, when developed and cultivated, fulfill knowledge and freedom."}},{"id":"sn54.13:4","sourceIds":["sn54.13:4.1","sn54.13:4.2","sn54.13:4.3","sn54.13:4.4","sn54.13:4.5"],"kind":"text","text":{"pi":"Kathaṁ bhāvito, ānanda, ānāpānassatisamādhi kathaṁ bahulīkato cattāro satipaṭṭhāne paripūreti?\nIdhānanda, bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.\nSo satova assasati, satova passasati.\nDīghaṁ vā assasanto ‘dīghaṁ assasāmī’ti pajānāti, dīghaṁ vā passasanto ‘dīghaṁ passasāmī’ti pajānāti …pe…\n‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati.","en":"And how is mindfulness of breathing developed and cultivated so as to fulfill the four kinds of mindfulness meditation?\nIt’s when a mendicant—gone to a wilderness, or to the root of a tree, or to an empty hut—sits down cross-legged, sets their body straight, and brings mindfulness to the present.\nJust mindful, they breathe in. Mindful, they breathe out.\nBreathing in heavily they know: ‘I’m breathing in heavily.’ Breathing out heavily they know: ‘I’m breathing out heavily.’ …\nThey practice like this: ‘I’ll breathe in observing letting go.’ They practice like this: ‘I’ll breathe out observing letting go.’"}},{"id":"sn54.13:5","sourceIds":["sn54.13:5.1","sn54.13:5.2","sn54.13:5.3","sn54.13:5.4","sn54.13:5.5","sn54.13:5.6","sn54.13:5.7"],"kind":"text","text":{"pi":"Yasmiṁ samaye, ānanda, bhikkhu dīghaṁ vā assasanto ‘dīghaṁ assasāmī’ti pajānāti, dīghaṁ vā passasanto ‘dīghaṁ passasāmī’ti pajānāti;\nrassaṁ vā …pe…\n‘passambhayaṁ kāyasaṅkhāraṁ assasissāmī’ti sikkhati, ‘passambhayaṁ kāyasaṅkhāraṁ passasissāmī’ti sikkhati—\nkāye kāyānupassī, ānanda, bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.\nTaṁ kissa hetu?\nKāyaññatarāhaṁ, ānanda, etaṁ vadāmi, yadidaṁ—assāsapassāsaṁ.\nTasmātihānanda, kāye kāyānupassī bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.","en":"There’s a time when a mendicant is breathing in heavily, and they know: ‘I’m breathing in heavily.’ Breathing out heavily they know: ‘I’m breathing out heavily.’\n…\nThey practice like this: ‘I’ll breathe in stilling the physical process.’ They practice like this: ‘I’ll breathe out stilling the physical process.’\nAt such a time a mendicant is meditating by observing an aspect of the body—keen, aware, and mindful, rid of covetousness and displeasure for the world.\nWhy is that?\nBecause the breath is a certain aspect of the body, I say.\nTherefore, at such a time a mendicant is meditating by observing an aspect of the body—keen, aware, and mindful, rid of covetousness and displeasure for the world."}},{"id":"sn54.13:6","sourceIds":["sn54.13:6.1","sn54.13:6.2","sn54.13:6.3","sn54.13:6.4","sn54.13:6.5","sn54.13:6.6","sn54.13:6.7","sn54.13:6.8"],"kind":"text","text":{"pi":"Yasmiṁ samaye, ānanda, bhikkhu ‘pītippaṭisaṁvedī assasissāmī’ti sikkhati,\nsukhappaṭisaṁvedī …pe…\ncittasaṅkhārappaṭisaṁvedī …\n‘passambhayaṁ cittasaṅkhāraṁ assasissāmī’ti sikkhati, ‘passambhayaṁ cittasaṅkhāraṁ passasissāmī’ti sikkhati—\nvedanāsu vedanānupassī, ānanda, bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.\nTaṁ kissa hetu?\nVedanāññatarāhaṁ, ānanda, etaṁ vadāmi, yadidaṁ—assāsapassāsānaṁ sādhukaṁ manasikāraṁ.\nTasmātihānanda, vedanāsu vedanānupassī bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.","en":"There’s a time when a mendicant practices like this: ‘I’ll breathe in experiencing rapture …\nbliss …\nmind …’ …\nThey practice like this: ‘I’ll breathe in stilling the mental process.’ They practice like this: ‘I’ll breathe out stilling the mental process.’\nAt such a time a mendicant is meditating by observing an aspect of feelings—keen, aware, and mindful, rid of covetousness and displeasure for the world.\nWhy is that?\nBecause careful application of mind to the in-breaths and out-breaths is a certain aspect of feelings, I say.\nTherefore, at such a time a mendicant is meditating by observing an aspect of feelings—keen, aware, and mindful, rid of covetousness and displeasure for the world."}},{"id":"sn54.13:7","sourceIds":["sn54.13:7.1","sn54.13:7.2","sn54.13:7.3","sn54.13:7.4","sn54.13:7.5","sn54.13:7.6","sn54.13:7.7","sn54.13:7.8"],"kind":"text","text":{"pi":"Yasmiṁ samaye, ānanda, bhikkhu ‘cittappaṭisaṁvedī assasissāmī’ti sikkhati, ‘cittappaṭisaṁvedī passasissāmī’ti sikkhati;\nabhippamodayaṁ cittaṁ …pe…\nsamādahaṁ cittaṁ …\n‘vimocayaṁ cittaṁ assasissāmī’ti sikkhati, ‘vimocayaṁ cittaṁ passasissāmī’ti sikkhati—\ncitte cittānupassī, ānanda, bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.\nTaṁ kissa hetu?\nNāhaṁ, ānanda, muṭṭhassatissa asampajānassa ānāpānassatisamādhibhāvanaṁ vadāmi.\nTasmātihānanda, citte cittānupassī bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.","en":"There’s a time when a mendicant practices like this: ‘I’ll breathe in experiencing the mind.’ They practice like this: ‘I’ll breathe out experiencing the mind.’\nThey practice like this: ‘I’ll breathe in gladdening the mind …\nimmersing the mind in samādhi …\nfreeing the mind.’ They practice like this: ‘I’ll breathe out freeing the mind.’\nAt such a time a mendicant is meditating by observing an aspect of the mind—keen, aware, and mindful, rid of covetousness and displeasure for the world.\nWhy is that?\nBecause there is no development of immersion due to mindfulness of breathing for someone who is unmindful and lacks awareness, I say.\nTherefore, at such a time a mendicant is meditating by observing an aspect of the mind—keen, aware, and mindful, rid of covetousness and displeasure for the world."}},{"id":"sn54.13:8","sourceIds":["sn54.13:8.1","sn54.13:8.2","sn54.13:8.3","sn54.13:8.4","sn54.13:8.5","sn54.13:8.6","sn54.13:8.7"],"kind":"text","text":{"pi":"Yasmiṁ samaye, ānanda, bhikkhu aniccānupassī …pe…\nvirāgānupassī …\nnirodhānupassī …\n‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati—\ndhammesu dhammānupassī, ānanda, bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.\nSo yaṁ taṁ hoti abhijjhādomanassānaṁ pahānaṁ taṁ paññāya disvā sādhukaṁ ajjhupekkhitā hoti.\nTasmātihānanda, dhammesu dhammānupassī bhikkhu tasmiṁ samaye viharati ātāpī sampajāno satimā, vineyya loke abhijjhādomanassaṁ.","en":"There’s a time when a mendicant practices like this: ‘I’ll breathe in observing impermanence …\nfading away …\ncessation …\nletting go.’ They practice like this: ‘I’ll breathe out observing letting go.’\nAt such a time a mendicant is meditating by observing an aspect of principles—keen, aware, and mindful, rid of covetousness and displeasure for the world.\nHaving seen with wisdom the giving up of covetousness and displeasure, they watch closely over with equanimity.\nTherefore, at such a time a mendicant is meditating by observing an aspect of principles—keen, aware, and mindful, rid of covetousness and displeasure for the world."}},{"id":"sn54.13:9","sourceIds":["sn54.13:9.1"],"kind":"text","text":{"pi":"Evaṁ bhāvito kho, ānanda, ānāpānassatisamādhi evaṁ bahulīkato cattāro satipaṭṭhāne paripūreti.","en":"That’s how immersion due to mindfulness of breathing is developed and cultivated so as to fulfill the four kinds of mindfulness meditation."}},{"id":"sn54.13:10","sourceIds":["sn54.13:10.1","sn54.13:10.2","sn54.13:10.3","sn54.13:10.4"],"kind":"text","text":{"pi":"Kathaṁ bhāvitā cānanda, cattāro satipaṭṭhānā kathaṁ bahulīkatā satta bojjhaṅge paripūrenti?\nYasmiṁ samaye, ānanda, bhikkhu kāye kāyānupassī viharati—\nupaṭṭhitāssa tasmiṁ samaye bhikkhuno sati hoti asammuṭṭhā.\nYasmiṁ samaye, ānanda, bhikkhuno upaṭṭhitā sati hoti asammuṭṭhā—satisambojjhaṅgo tasmiṁ samaye bhikkhuno āraddho hoti, satisambojjhaṅgaṁ tasmiṁ samaye bhikkhu bhāveti, satisambojjhaṅgo tasmiṁ samaye bhikkhuno bhāvanāpāripūriṁ gacchati.","en":"And how are the four kinds of mindfulness meditation developed and cultivated so as to fulfill the seven awakening factors?\nWhenever a mendicant meditates by observing an aspect of the body,\ntheir mindfulness is established and lucid.\nAt such a time, a mendicant has initiated the awakening factor of mindfulness; they develop it and perfect it."}},{"id":"sn54.13:11","sourceIds":["sn54.13:11.1","sn54.13:11.2","sn54.13:11.3"],"kind":"text","text":{"pi":"So tathā sato viharanto taṁ dhammaṁ paññāya pavicinati pavicarati parivīmaṁsamāpajjati.\nYasmiṁ samaye, ānanda, bhikkhu tathā sato viharanto taṁ dhammaṁ paññāya pavicinati pavicarati parivīmaṁsamāpajjati—\ndhammavicayasambojjhaṅgo tasmiṁ samaye bhikkhuno āraddho hoti, dhammavicayasambojjhaṅgaṁ tasmiṁ samaye bhikkhu bhāveti, dhammavicayasambojjhaṅgo tasmiṁ samaye bhikkhuno bhāvanāpāripūriṁ gacchati.","en":"As they live mindfully in this way they investigate, explore, and inquire into that principle with wisdom.\nAt such a time, a mendicant has activated the awakening factor of investigation of principles; they develop it and perfect it."}},{"id":"sn54.13:12","sourceIds":["sn54.13:12.1","sn54.13:12.2","sn54.13:12.3"],"kind":"text","text":{"pi":"Tassa taṁ dhammaṁ paññāya pavicinato pavicarato parivīmaṁsamāpajjato āraddhaṁ hoti vīriyaṁ asallīnaṁ.\nYasmiṁ samaye, ānanda, bhikkhuno taṁ dhammaṁ paññāya pavicinato pavicarato parivīmaṁsamāpajjato āraddhaṁ hoti vīriyaṁ asallīnaṁ—\nvīriyasambojjhaṅgo tasmiṁ samaye bhikkhuno āraddho hoti, vīriyasambojjhaṅgaṁ tasmiṁ samaye bhikkhu bhāveti, vīriyasambojjhaṅgo tasmiṁ samaye bhikkhuno bhāvanāpāripūriṁ gacchati.","en":"As they investigate principles with wisdom in this way their energy is roused up and unflagging.\nAt such a time, a mendicant has initiated the awakening factor of energy; they develop it and perfect it."}},{"id":"sn54.13:13","sourceIds":["sn54.13:13.1","sn54.13:13.2","sn54.13:13.3"],"kind":"text","text":{"pi":"Āraddhavīriyassa uppajjati pīti nirāmisā.\nYasmiṁ samaye, ānanda, bhikkhuno āraddhavīriyassa uppajjati pīti nirāmisā—\npītisambojjhaṅgo tasmiṁ samaye bhikkhuno āraddho hoti, pītisambojjhaṅgaṁ tasmiṁ samaye bhikkhu bhāveti, pītisambojjhaṅgo tasmiṁ samaye bhikkhuno bhāvanāpāripūriṁ gacchati.","en":"When you’re energetic, rapture not of the flesh arises.\nAt such a time, a mendicant has initiated the awakening factor of rapture; they develop it and perfect it."}},{"id":"sn54.13:14","sourceIds":["sn54.13:14.1","sn54.13:14.2","sn54.13:14.3"],"kind":"text","text":{"pi":"Pītimanassa kāyopi passambhati, cittampi passambhati.\nYasmiṁ samaye, ānanda, bhikkhuno pītimanassa kāyopi passambhati, cittampi passambhati—\npassaddhisambojjhaṅgo tasmiṁ samaye bhikkhuno āraddho hoti, passaddhisambojjhaṅgaṁ tasmiṁ samaye bhikkhu bhāveti, passaddhisambojjhaṅgo tasmiṁ samaye bhikkhuno bhāvanāpāripūriṁ gacchati.","en":"When the mind is full of rapture, the body and mind become tranquil.\nAt such a time, a mendicant has activated the awakening factor of tranquility; they develop it and perfect it."}},{"id":"sn54.13:15","sourceIds":["sn54.13:15.1","sn54.13:15.2","sn54.13:15.3"],"kind":"text","text":{"pi":"Passaddhakāyassa sukhino cittaṁ samādhiyati.\nYasmiṁ samaye, ānanda, bhikkhuno passaddhakāyassa sukhino cittaṁ samādhiyati—\nsamādhisambojjhaṅgo tasmiṁ samaye bhikkhuno āraddho hoti, samādhisambojjhaṅgaṁ tasmiṁ samaye bhikkhu bhāveti, samādhisambojjhaṅgo tasmiṁ samaye bhikkhuno bhāvanāpāripūriṁ gacchati.","en":"When the body is tranquil and one feels bliss, the mind becomes immersed in samādhi.\nAt such a time, a mendicant has activated the awakening factor of immersion; they develop it and perfect it."}},{"id":"sn54.13:16","sourceIds":["sn54.13:16.1","sn54.13:16.2","sn54.13:16.3"],"kind":"text","text":{"pi":"So tathāsamāhitaṁ cittaṁ sādhukaṁ ajjhupekkhitā hoti.\nYasmiṁ samaye, ānanda, bhikkhu tathāsamāhitaṁ cittaṁ sādhukaṁ ajjhupekkhitā hoti—\nupekkhāsambojjhaṅgo tasmiṁ samaye bhikkhuno āraddho hoti, upekkhāsambojjhaṅgaṁ tasmiṁ samaye bhikkhu bhāveti, upekkhāsambojjhaṅgo tasmiṁ samaye bhikkhuno bhāvanāpāripūriṁ gacchati.","en":"They closely watch over that mind immersed in samādhi.\nAt such a time, a mendicant has activated the awakening factor of equanimity; they develop it and perfect it."}},{"id":"sn54.13:17","sourceIds":["sn54.13:17.1","sn54.13:17.2","sn54.13:17.3","sn54.13:17.4","sn54.13:17.5","sn54.13:17.6","sn54.13:17.7"],"kind":"text","text":{"pi":"Yasmiṁ samaye, ānanda, bhikkhu vedanāsu …pe…\ncitte …pe…\ndhammesu dhammānupassī viharati—\nupaṭṭhitāssa tasmiṁ samaye bhikkhuno sati hoti asammuṭṭhā.\nYasmiṁ samaye, ānanda, bhikkhuno upaṭṭhitā sati hoti asammuṭṭhā—\nsatisambojjhaṅgo tasmiṁ samaye bhikkhuno āraddho hoti, satisambojjhaṅgaṁ tasmiṁ samaye bhikkhu bhāveti, satisambojjhaṅgo tasmiṁ samaye bhikkhuno bhāvanāpāripūriṁ gacchati.\n(Yathā paṭhamaṁ satipaṭṭhānaṁ, evaṁ vitthāretabbaṁ.)","en":"Whenever a mendicant meditates by observing an aspect of feelings …\nmind …\nprinciples,\ntheir mindfulness is established and lucid.\nAt such a time, a mendicant has activated the awakening factor of mindfulness; they develop it and perfect it. …\n(Tell in full as for the first kind of mindfulness meditation.)"}},{"id":"sn54.13:18","sourceIds":["sn54.13:18.1","sn54.13:18.2","sn54.13:18.3","sn54.13:18.4"],"kind":"text","text":{"pi":"So tathāsamāhitaṁ cittaṁ sādhukaṁ ajjhupekkhitā hoti.\nYasmiṁ samaye, ānanda, bhikkhu tathāsamāhitaṁ cittaṁ sādhukaṁ ajjhupekkhitā hoti—\nupekkhāsambojjhaṅgo tasmiṁ samaye bhikkhuno āraddho hoti, upekkhāsambojjhaṅgaṁ tasmiṁ samaye bhikkhu bhāveti, upekkhāsambojjhaṅgo tasmiṁ samaye bhikkhuno bhāvanāpāripūriṁ gacchati.\nEvaṁ bhāvitā kho, ānanda, cattāro satipaṭṭhānā evaṁ bahulīkatā satta bojjhaṅge paripūrenti.","en":"They closely watch over that mind immersed in samādhi.\nAt such a time, a mendicant has activated the awakening factor of equanimity; they develop it and perfect it.\nThat’s how the four kinds of mindfulness meditation are developed and cultivated so as to fulfill the seven awakening factors."}},{"id":"sn54.13:19","sourceIds":["sn54.13:19.1","sn54.13:19.2","sn54.13:19.3","sn54.13:19.4","sn54.13:19.5","sn54.13:19.6"],"kind":"text","text":{"pi":"Kathaṁ bhāvitā, ānanda, satta bojjhaṅgā kathaṁ bahulīkatā vijjāvimuttiṁ paripūrenti?\nIdhānanda, bhikkhu satisambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ,\ndhammavicayasambojjhaṅgaṁ bhāveti …pe…\nupekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nEvaṁ bhāvitā kho, ānanda, satta bojjhaṅgā evaṁ bahulīkatā vijjāvimuttiṁ paripūrentī”ti.\nTatiyaṁ.","en":"And how are the seven awakening factors developed and cultivated so as to fulfill knowledge and freedom?\nIt’s when a mendicant develops the awakening factors of mindfulness,\ninvestigation of principles, energy, rapture, tranquility, immersion,\nand equanimity, which rely on seclusion, fading away, and cessation, and ripen as letting go.\nThat’s how the seven awakening factors are developed and cultivated so as to fulfill knowledge and freedom.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn54.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}