{"id":"sn54.9","title":"At Vesālī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn54.9","title":"At Vesālī","units":[{"id":"sn54.9:0","sourceIds":["sn54.9:0.1","sn54.9:0.2","sn54.9:0.3"],"kind":"text","text":{"pi":"Saṁyutta Nikāya 54.9\n1. Ekadhammavagga\nVesālīsutta","en":"Linked Discourses 54.9\n1. One Thing\nAt Vesālī"}},{"id":"sn54.9:1","sourceIds":["sn54.9:1.1","sn54.9:1.2","sn54.9:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nTena kho pana samayena bhagavā bhikkhūnaṁ anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati.","en":"So I have heard.\nAt one time the Buddha was staying near Vesālī, at the Great Wood, in the hall with the peaked roof.\nNow at that time the Buddha spoke in many ways to the mendicants about the meditation on ugliness. He praised the meditation on ugliness and its development."}},{"id":"sn54.9:2","sourceIds":["sn54.9:2.1","sn54.9:2.2","sn54.9:2.3","sn54.9:2.4"],"kind":"text","text":{"pi":"Atha kho bhagavā bhikkhū āmantesi:\n“icchāmahaṁ, bhikkhave, aḍḍhamāsaṁ paṭisallīyituṁ.\nNāmhi kenaci upasaṅkamitabbo, aññatra ekena piṇḍapātanīhārakenā”ti.\n“Evaṁ, bhante”ti kho te bhikkhū bhagavato paṭissutvā nāssudha koci bhagavantaṁ upasaṅkamati, aññatra ekena piṇḍapātanīhārakena.","en":"Then the Buddha said to the mendicants,\n“Mendicants, I wish to go on retreat for a fortnight.\nNo-one should approach me, except the one who brings my almsfood.”\n“Yes, sir,” replied those mendicants. And no-one approached him, except the one who brought the almsfood."}},{"id":"sn54.9:3","sourceIds":["sn54.9:3.1","sn54.9:3.2","sn54.9:3.3","sn54.9:3.4"],"kind":"text","text":{"pi":"Atha kho te bhikkhū:\n“bhagavā anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsatī”ti anekākāravokāraṁ asubhabhāvanānuyogamanuyuttā viharanti.\nTe iminā kāyena aṭṭīyamānā harāyamānā jigucchamānā satthahārakaṁ pariyesanti.\nDasapi bhikkhū ekāhena satthaṁ āharanti, vīsampi …pe… tiṁsampi bhikkhū ekāhena satthaṁ āharanti.","en":"Then those mendicants thought,\n“The Buddha spoke in many ways about the meditation on ugliness. He praised the meditation on ugliness and its development.” They committed themselves to developing the many different facets of the meditation on ugliness.\nBecoming horrified, repelled, and disgusted with this body, they looked for a suicide weapon.\nEach day ten, twenty, or thirty mendicants committed suicide."}},{"id":"sn54.9:4","sourceIds":["sn54.9:4.1","sn54.9:4.2","sn54.9:4.3","sn54.9:4.4","sn54.9:4.5","sn54.9:4.6"],"kind":"text","text":{"pi":"Atha kho bhagavā tassa aḍḍhamāsassa accayena paṭisallānā vuṭṭhito āyasmantaṁ ānandaṁ āmantesi:\n“kiṁ nu kho, ānanda, tanubhūto viya bhikkhusaṅgho”ti?\n“Tathā hi pana, bhante, ‘bhagavā bhikkhūnaṁ anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsatī’ti anekākāravokāraṁ asubhabhāvanānuyogamanuyuttā viharanti.\nTe iminā kāyena aṭṭīyamānā harāyamānā jigucchamānā satthahārakaṁ pariyesanti.\nDasapi bhikkhū ekāhena satthaṁ āharanti, vīsampi bhikkhū … tiṁsampi bhikkhū ekāhena satthaṁ āharanti.\nSādhu, bhante, bhagavā aññaṁ pariyāyaṁ ācikkhatu yathāyaṁ bhikkhusaṅgho aññāya saṇṭhaheyyā”ti.","en":"Then after a fortnight had passed, the Buddha came out of retreat and addressed Ānanda,\n“Ānanda, why does the mendicant Saṅgha seem so diminished?”\nĀnanda told the Buddha all that had happened, and said,\n“Sir, please explain another way the mendicant Saṅgha might be settled in enlightenment.”"}},{"id":"sn54.9:5","sourceIds":["sn54.9:5.1","sn54.9:5.2","sn54.9:5.3","sn54.9:5.4"],"kind":"text","text":{"pi":"“Tenahānanda, yāvatikā bhikkhū vesāliṁ upanissāya viharanti te sabbe upaṭṭhānasālāyaṁ sannipātehī”ti.\n“Evaṁ, bhante”ti kho āyasmā ānando bhagavato paṭissutvā yāvatikā bhikkhū vesāliṁ upanissāya viharanti te sabbe upaṭṭhānasālāyaṁ sannipātetvā yena bhagavā tenupasaṅkami; upasaṅkamitvā bhagavantaṁ etadavoca:\n“sannipatito, bhante, bhikkhusaṅgho.\nYassadāni, bhante, bhagavā kālaṁ maññatī”ti.","en":"“Well then, Ānanda, gather all the mendicants staying in the vicinity of Vesālī together in the assembly hall.”\n“Yes, sir,” replied Ānanda. He did what the Buddha asked, went up to him, and said,\n“Sir, the mendicant Saṅgha has assembled.\nPlease, sir, come at your convenience.”"}},{"id":"sn54.9:6","sourceIds":["sn54.9:6.1","sn54.9:6.2","sn54.9:6.3"],"kind":"text","text":{"pi":"Atha kho bhagavā yena upaṭṭhānasālā tenupasaṅkami; upasaṅkamitvā paññatte āsane nisīdi.\nNisajja kho bhagavā bhikkhū āmantesi:\n“ayampi kho, bhikkhave, ānāpānassatisamādhi bhāvito bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti.","en":"Then the Buddha went to the assembly hall, sat down on the seat spread out,\nand addressed the mendicants:\n“Mendicants, when this immersion due to mindfulness of breathing is developed and cultivated it’s peaceful and sublime, a delectable and blissful meditation. And it disperses and settles unskillful qualities on the spot whenever they arise."}},{"id":"sn54.9:7","sourceIds":["sn54.9:7.1","sn54.9:7.2","sn54.9:7.3"],"kind":"text","text":{"pi":"Seyyathāpi, bhikkhave, gimhānaṁ pacchime māse ūhataṁ rajojallaṁ, tamenaṁ mahāakālamegho ṭhānaso antaradhāpeti vūpasameti;\nevameva kho, bhikkhave, ānāpānassatisamādhi bhāvito bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti.\nKathaṁ bhāvito ca, bhikkhave, ānāpānassatisamādhi kathaṁ bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti?","en":"In the last month of summer, when the dust and dirt is stirred up, a large storm out of season disperses and settles it on the spot.\nIn the same way, when this immersion due to mindfulness of breathing is developed and cultivated it’s peaceful and sublime, a delectable and blissful meditation. And it disperses and settles unskillful qualities on the spot whenever they arise.\nAnd how is it so developed and cultivated?"}},{"id":"sn54.9:8","sourceIds":["sn54.9:8.1","sn54.9:8.2","sn54.9:8.3","sn54.9:8.4","sn54.9:8.5"],"kind":"text","text":{"pi":"Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.\nSo satova assasati, satova passasati …pe…\n‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati.\nEvaṁ bhāvito kho, bhikkhave, ānāpānassatisamādhi evaṁ bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasametī”ti.\nNavamaṁ.","en":"It’s when a mendicant—gone to a wilderness, or to the root of a tree, or to an empty hut—sits down cross-legged, sets their body straight, and brings mindfulness to the present.\nJust mindful, they breathe in. Mindful, they breathe out. …\nThey practice like this: ‘I’ll breathe in observing letting go.’ They practice like this: ‘I’ll breathe out observing letting go.’\nThat’s how this immersion due to mindfulness of breathing is developed and cultivated so that it’s peaceful and sublime, a delectable and blissful  meditation. And it disperses and settles unskillful qualities on the spot whenever they arise.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn54.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}