{"id":"sn55.12","title":"The Brahmins","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.12","title":"The Brahmins","units":[{"id":"sn55.12:0","sourceIds":["sn55.12:0.1","sn55.12:0.2","sn55.12:0.3"],"kind":"text","text":{"pi":"Saṁyutta Nikāya 55.12\n2. Rājakārāmavagga\nBrāhmaṇasutta","en":"Linked Discourses 55.12\n2. The Royal Monastery\nThe Brahmins"}},{"id":"sn55.12:1","sourceIds":["sn55.12:1.1","sn55.12:1.2","sn55.12:1.3","sn55.12:1.4","sn55.12:1.5","sn55.12:1.6","sn55.12:1.7"],"kind":"text","text":{"pi":"Sāvatthinidānaṁ.\n“Brāhmaṇā, bhikkhave, udayagāminiṁ nāma paṭipadaṁ paññapenti.\nTe sāvakaṁ evaṁ samādapenti:\n‘ehi tvaṁ, ambho purisa, kālasseva uṭṭhāya pācīnamukho yāhi.\nSo tvaṁ mā sobbhaṁ parivajjehi, mā papātaṁ, mā khāṇuṁ, mā kaṇḍakaṭhānaṁ, mā candaniyaṁ, mā oḷigallaṁ.\nYattha papateyyāsi tattheva maraṇaṁ āgameyyāsi.\nEvaṁ tvaṁ, ambho purisa, kāyassa bhedā paraṁ maraṇā sugatiṁ saggaṁ lokaṁ upapajjissasī’ti.","en":"At Sāvatthī.\n“Mendicants, the brahmins advocate a practice called ‘get up and go’.\nThey encourage their disciple:\n‘Please, my man, rising early you should face east and walk.\nDo not avoid a pit, a cliff, a stump, thorny ground, a swamp, or a sewer.\nYou should await death in the place that you fall.\nAnd when your body breaks up, after death, you’ll be reborn in a good place, a heaven realm.’"}},{"id":"sn55.12:2","sourceIds":["sn55.12:2.1","sn55.12:2.2","sn55.12:2.3"],"kind":"text","text":{"pi":"Taṁ kho panetaṁ, bhikkhave, brāhmaṇānaṁ bālagamanametaṁ mūḷhagamanametaṁ na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati.\nAhañca kho, bhikkhave, ariyassa vinaye udayagāminiṁ paṭipadaṁ paññāpemi;\nyā ekantanibbidāya virāgāya nirodhāya upasamāya abhiññāya sambodhāya nibbānāya saṁvattati.","en":"But this practice of the brahmins is a foolish procedure, a stupid procedure. It doesn’t lead to disillusionment, dispassion, cessation, peace, insight, awakening, or extinguishment.\nBut in the training of the Noble One I advocate a ‘get up and go’ practice\nwhich does lead solely to disillusionment, dispassion, cessation, peace, insight, awakening, and extinguishment."}},{"id":"sn55.12:3","sourceIds":["sn55.12:3.1","sn55.12:3.2","sn55.12:3.3","sn55.12:3.4","sn55.12:3.5","sn55.12:3.6","sn55.12:3.7","sn55.12:3.8","sn55.12:3.9","sn55.12:3.10"],"kind":"text","text":{"pi":"Katamā ca sā, bhikkhave, udayagāminī paṭipadā;\nyā ekantanibbidāya …pe… nibbānāya saṁvattati?\nIdha, bhikkhave, ariyasāvako buddhe aveccappasādena samannāgato hoti—\nitipi so bhagavā arahaṁ sammāsambuddho …pe… satthā devamanussānaṁ buddho bhagavāti;\ndhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nAyaṁ kho sā, bhikkhave, udayagāminī paṭipadā ekantanibbidāya …pe…\nnibbānāya saṁvattatī”ti.\nDutiyaṁ.","en":"And what is that ‘get up and go’ practice?\nIt’s when a noble disciple has experiential confidence in the Buddha …\nthe teaching …\nthe Saṅgha …\nAnd they have the ethical conduct loved by the noble ones … leading to immersion.\nThis is that ‘get up and go’ practice\nwhich does lead solely to disillusionment, dispassion, cessation, peace, insight, awakening, and extinguishment.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.12/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}