{"id":"sn55.17","title":"Friends and Colleagues (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.17","title":"Friends and Colleagues (2nd)","units":[{"id":"sn55.17:0","sourceIds":["sn55.17:0.1","sn55.17:0.2","sn55.17:0.3"],"kind":"text","text":{"pi":"Saṁyutta Nikāya 55.17\n2. Rājakārāmavagga\nDutiyamittāmaccasutta","en":"Linked Discourses 55.17\n2. The Royal Monastery\nFriends and Colleagues (2nd)"}},{"id":"sn55.17:1","sourceIds":["sn55.17:1.1","sn55.17:1.2","sn55.17:1.3","sn55.17:1.4"],"kind":"text","text":{"pi":"“Ye te, bhikkhave, anukampeyyātha, ye ca sotabbaṁ maññeyyuṁ—mittā vā amaccā vā ñātī vā sālohitā vā—te, bhikkhave, catūsu sotāpattiyaṅgesu samādapetabbā, nivesetabbā, patiṭṭhāpetabbā.\nKatamesu catūsu?\nBuddhe aveccappasāde samādapetabbā, nivesetabbā, patiṭṭhāpetabbā—\nitipi so bhagavā …pe… satthā devamanussānaṁ buddho bhagavāti.","en":"“Mendicants, those who you have sympathy for, and those worth listening to—friends and colleagues, relatives and family—should be encouraged, supported, and established by you in the four factors of stream-entry.\nWhat four?\nExperiential confidence in the Buddha …"}},{"id":"sn55.17:2","sourceIds":["sn55.17:2.1","sn55.17:2.2","sn55.17:2.3","sn55.17:2.4","sn55.17:2.5","sn55.17:2.6","sn55.17:2.7","sn55.17:2.8","sn55.17:2.9"],"kind":"text","text":{"pi":"Siyā, bhikkhave, catunnaṁ mahābhūtānaṁ aññathattaṁ—pathavīdhātuyā, āpodhātuyā, tejodhātuyā, vāyodhātuyā—na tveva buddhe aveccappasādena samannāgatassa ariyasāvakassa siyā aññathattaṁ.\nTatridaṁ aññathattaṁ—‘so vata buddhe aveccappasādena samannāgato ariyasāvako nirayaṁ vā tiracchānayoniṁ vā pettivisayaṁ vā upapajjissatī’ti—netaṁ ṭhānaṁ vijjati.\n“Dhamme …pe…\nsaṅghe …pe…\nariyakantesu sīlesu samādapetabbā, nivesetabbā, patiṭṭhāpetabbā akhaṇḍesu …pe… samādhisaṁvattanikesu.\nSiyā, bhikkhave, catunnaṁ mahābhūtānaṁ aññathattaṁ—pathavīdhātuyā, āpodhātuyā, tejodhātuyā, vāyodhātuyā—na tveva ariyakantehi sīlehi samannāgatassa ariyasāvakassa siyā aññathattaṁ.\nTatridaṁ aññathattaṁ—‘so vata ariyakantehi sīlehi samannāgato ariyasāvako nirayaṁ vā tiracchānayoniṁ vā pettivisayaṁ vā upapajjissatī’ti—netaṁ ṭhānaṁ vijjati.\nYe te, bhikkhave, anukampeyyātha, ye ca sotabbaṁ maññeyyuṁ—mittā vā amaccā vā ñātī vā sālohitā vā—te, bhikkhave, imesu catūsu sotāpattiyaṅgesu samādapetabbā, nivesetabbā, patiṭṭhāpetabbā”ti.\nSattamaṁ.","en":"There might be change in the four principal states—the elements of earth, water, fire, and air—but a noble disciple with experiential confidence in the Buddha would never change.\nIn this context, ‘change’ means that such a noble disciple will be reborn in hell, the animal realm, or the ghost realm: this is quite impossible.\nExperiential confidence in the teaching …\nExperiential confidence in the Saṅgha …\nThe ethical conduct loved by the noble ones … leading to immersion.\nThere might be change in the four principal states—the elements of earth, water, fire, and air—but a noble disciple with the ethical conduct loved by the noble ones would never change.\nIn this context, ‘change’ means that such a noble disciple will be reborn in hell, the animal realm, or the ghost realm: this is quite impossible.\nThose who you have sympathy for, and those worth listening to—friends and colleagues, relatives and family—should be encouraged, supported, and established by you in these four factors of stream-entry.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.17/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}