{"id":"sn55.21","title":"With Mahānāma (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.21","title":"With Mahānāma (1st)","units":[{"id":"sn55.21:0","sourceIds":["sn55.21:0.1","sn55.21:0.2","sn55.21:0.3"],"kind":"text","text":{"pi":"Saṁyutta Nikāya 55.21\n3. Saraṇānivagga\nPaṭhamamahānāmasutta","en":"Linked Discourses 55.21\n3. About Sarakāni\nWith Mahānāma (1st)"}},{"id":"sn55.21:1","sourceIds":["sn55.21:1.1","sn55.21:1.2","sn55.21:1.3","sn55.21:1.4","sn55.21:1.5","sn55.21:1.6","sn55.21:1.7","sn55.21:1.8","sn55.21:1.9","sn55.21:1.10","sn55.21:1.11","sn55.21:1.12","sn55.21:1.13"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati kapilavatthusmiṁ nigrodhārāme.\nAtha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:\n“idaṁ, bhante, kapilavatthu iddhañceva phītañca bāhujaññaṁ ākiṇṇamanussaṁ sambādhabyūhaṁ.\nSo khvāhaṁ, bhante, bhagavantaṁ vā payirupāsitvā manobhāvanīye vā bhikkhū sāyanhasamayaṁ kapilavatthuṁ pavisanto;\nbhantenapi hatthinā samāgacchāmi;\nbhantenapi assena samāgacchāmi;\nbhantenapi rathena samāgacchāmi;\nbhantenapi sakaṭena samāgacchāmi;\nbhantenapi purisena samāgacchāmi.\nTassa mayhaṁ, bhante, tasmiṁ samaye mussateva bhagavantaṁ ārabbha sati, mussati dhammaṁ ārabbha sati, mussati saṅghaṁ ārabbha sati.\nTassa mayhaṁ, bhante, evaṁ hoti:\n‘imamhi cāhaṁ samaye kālaṁ kareyyaṁ, kā mayhaṁ gati, ko abhisamparāyo’”ti?","en":"So I have heard.\nAt one time the Buddha was staying in the land of the Sakyans, near Kapilavatthu in the Banyan Tree Monastery.\nThen Mahānāma the Sakyan went up to the Buddha, bowed, sat down to one side, and said to him:\n“Sir, this Kapilavatthu is successful and prosperous, populous and full of people, with cramped cul-de-sacs.\nIn the late afternoon, after paying homage to the Buddha or an esteemed mendicant, I enter Kapilavatthu.\nI encounter a stray elephant,\nhorse,\nchariot,\ncart,\nor person.\nAt that time I lose mindfulness regarding the Buddha, the teaching, and the Saṅgha.\nI think:\n‘If I were to die at this time, where would I be reborn in my next life?’”"}},{"id":"sn55.21:2","sourceIds":["sn55.21:2.1","sn55.21:2.2","sn55.21:2.3","sn55.21:2.4","sn55.21:2.5"],"kind":"text","text":{"pi":"“Mā bhāyi, mahānāma, mā bhāyi, mahānāma.\nApāpakaṁ te maraṇaṁ bhavissati apāpikā kālaṅkiriyā.\nYassa kassaci, mahānāma, dīgharattaṁ saddhāparibhāvitaṁ cittaṁ sīlaparibhāvitaṁ cittaṁ sutaparibhāvitaṁ cittaṁ cāgaparibhāvitaṁ cittaṁ paññāparibhāvitaṁ cittaṁ, tassa yo hi khvāyaṁ kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṁsanadhammo.\nTaṁ idheva kākā vā khādanti gijjhā vā khādanti kulalā vā khādanti sunakhā vā khādanti siṅgālā vā khādanti vividhā vā pāṇakajātā khādanti;\nyañca khvassa cittaṁ dīgharattaṁ saddhāparibhāvitaṁ …pe… paññāparibhāvitaṁ taṁ uddhagāmi hoti visesagāmi.","en":"“Do not fear, Mahānāma, do not fear!\nYour death will not be a bad one; your passing will not be a bad one.\nTake someone whose mind has for a long time been imbued with faith, ethics, learning, generosity, and wisdom. Their body is formed, made up of the four principal states, produced by mother and father, built up from rice and porridge, liable to impermanence, to wearing away and erosion, to breaking up and destruction.\nRight here the crows, vultures, hawks, hounds, jackals, and many kinds of little creatures devour it.\nBut their mind rises up, headed for a higher place."}},{"id":"sn55.21:3","sourceIds":["sn55.21:3.1","sn55.21:3.2","sn55.21:3.3","sn55.21:3.4","sn55.21:3.5","sn55.21:3.6","sn55.21:3.7","sn55.21:3.8","sn55.21:3.9"],"kind":"text","text":{"pi":"Seyyathāpi, mahānāma, puriso sappikumbhaṁ vā telakumbhaṁ vā gambhīraṁ udakarahadaṁ ogāhitvā bhindeyya.\nTatra yā assa sakkharā vā kaṭhalā vā sā adhogāmī assa, yañca khvassa tatra sappi vā telaṁ vā taṁ uddhagāmi assa visesagāmi.\nEvameva kho, mahānāma, yassa kassaci dīgharattaṁ saddhāparibhāvitaṁ cittaṁ …pe…\npaññāparibhāvitaṁ cittaṁ tassa yo hi khvāyaṁ kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṁsanadhammo taṁ idheva kākā vā khādanti gijjhā vā khādanti kulalā vā khādanti sunakhā vā khādanti siṅgālā vā khādanti vividhā vā pāṇakajātā khādanti;\nyañca khvassa cittaṁ dīgharattaṁ saddhāparibhāvitaṁ …pe… paññāparibhāvitaṁ taṁ uddhagāmi hoti visesagāmi.\nTuyhaṁ kho pana, mahānāma, dīgharattaṁ saddhāparibhāvitaṁ cittaṁ …pe… paññāparibhāvitaṁ cittaṁ.\nMā bhāyi, mahānāma, mā bhāyi, mahānāma.\nApāpakaṁ te maraṇaṁ bhavissati, apāpikā kālaṅkiriyā”ti.\nPaṭhamaṁ.","en":"Suppose a person was to sink a pot of ghee or oil into a deep lake and break it open.\nIts shards and chips would sink down, while the ghee or oil in it would rise up, headed for a higher place.\nIn the same way, take someone whose mind has for a long time been imbued with faith, ethics, learning, generosity, and wisdom. Their body is formed, made up of the four principal states, produced by mother and father, built up from rice and porridge, liable to impermanence, to wearing away and erosion, to breaking up and destruction.\nRight here the crows, vultures, hawks, hounds, jackals, and many kinds of little creatures devour it.\nBut their mind rises up, headed for a higher place.\nYour mind, Mahānāma, has for a long time been imbued with faith, ethics, learning, generosity, and wisdom.\nDo not fear, Mahānāma, do not fear!\nYour death will not be a bad one; your passing will not be a bad one.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.21/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}