{"id":"sn55.22","title":"With Mahānāma (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.22","title":"With Mahānāma (2nd)","units":[{"id":"sn55.22:0","sourceIds":["sn55.22:0.1","sn55.22:0.2","sn55.22:0.3"],"kind":"text","text":{"pi":"Saṁyutta Nikāya 55.22\n3. Saraṇānivagga\nDutiyamahānāmasutta","en":"Linked Discourses 55.22\n3. About Sarakāni\nWith Mahānāma (2nd)"}},{"id":"sn55.22:1","sourceIds":["sn55.22:1.1","sn55.22:1.2","sn55.22:1.3","sn55.22:1.4","sn55.22:1.5","sn55.22:1.6","sn55.22:1.7","sn55.22:1.8","sn55.22:1.9","sn55.22:1.10","sn55.22:1.11","sn55.22:1.12","sn55.22:1.13"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati kapilavatthusmiṁ nigrodhārāme.\nAtha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:\n“idaṁ, bhante, kapilavatthu iddhañceva phītañca bāhujaññaṁ ākiṇṇamanussaṁ sambādhabyūhaṁ.\nSo khvāhaṁ, bhante, bhagavantaṁ vā payirupāsitvā manobhāvanīye vā bhikkhū sāyanhasamayaṁ kapilavatthuṁ pavisanto;\nbhantenapi hatthinā samāgacchāmi;\nbhantenapi assena samāgacchāmi;\nbhantenapi rathena samāgacchāmi;\nbhantenapi sakaṭena samāgacchāmi;\nbhantenapi purisena samāgacchāmi.\nTassa mayhaṁ, bhante, tasmiṁ samaye mussateva bhagavantaṁ ārabbha sati, mussati dhammaṁ ārabbha sati, mussati saṅghaṁ ārabbha sati.\nTassa mayhaṁ, bhante, evaṁ hoti:\n‘imamhi cāhaṁ samaye kālaṁ kareyyaṁ, kā mayhaṁ gati, ko abhisamparāyo’”ti?","en":"So I have heard.\nAt one time the Buddha was staying in the land of the Sakyans, near Kapilavatthu in the Banyan Tree Monastery.\nThen Mahānāma the Sakyan went up to the Buddha, bowed, sat down to one side, and said to him:\n“Sir, this Kapilavatthu is successful and prosperous, populous and full of people, with cramped cul-de-sacs.\nIn the late afternoon, after paying homage to the Buddha or an esteemed mendicant, I enter Kapilavatthu.\nI encounter a stray elephant,\nhorse,\nchariot,\ncart,\nor person.\nAt that time I lose mindfulness regarding the Buddha, the teaching, and the Saṅgha.\nI think:\n‘If I were to die at this time, where would I be reborn in my next life?’”"}},{"id":"sn55.22:2","sourceIds":["sn55.22:2.1","sn55.22:2.2","sn55.22:2.3","sn55.22:2.4","sn55.22:2.5","sn55.22:2.6","sn55.22:2.7","sn55.22:2.8","sn55.22:2.9"],"kind":"text","text":{"pi":"“Mā bhāyi, mahānāma, mā bhāyi, mahānāma.\nApāpakaṁ te maraṇaṁ bhavissati apāpikā kālaṅkiriyā.\nCatūhi kho, mahānāma, dhammehi samannāgato ariyasāvako nibbānaninno hoti nibbānapoṇo nibbānapabbhāro.\nKatamehi catūhi?\nIdha, mahānāma, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.","en":"“Do not fear, Mahānāma, do not fear!\nYour death will not be a bad one; your passing will not be a bad one.\nA noble disciple who has four things slants, slopes, and inclines toward extinguishment.\nWhat four?\nIt’s when a noble disciple has experiential confidence in the Buddha …\nthe teaching …\nthe Saṅgha …\nAnd they have the ethical conduct loved by the noble ones … leading to immersion."}},{"id":"sn55.22:3","sourceIds":["sn55.22:3.1","sn55.22:3.2","sn55.22:3.3","sn55.22:3.4"],"kind":"text","text":{"pi":"Seyyathāpi, mahānāma, rukkho pācīnaninno pācīnapoṇo pācīnapabbhāro, so mūlacchinno katamena papateyyā”ti?\n“Yena, bhante, ninno yena poṇo yena pabbhāro”ti.\n“Evameva kho, mahānāma, imehi catūhi dhammehi samannāgato ariyasāvako nibbānaninno hoti nibbānapoṇo nibbānapabbhāro”ti.\nDutiyaṁ.","en":"Suppose there was a tree that slants, slopes, and inclines to the east. If it was cut off at the root where would it fall?”\n“Sir, it would fall in the direction that it slants, slopes, and inclines.”\n“In the same way, a noble disciple who has four things slants, slopes, and inclines toward extinguishment.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.22/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}