{"id":"sn55.23","title":"With Godhā the Sakyan","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.23","title":"With Godhā the Sakyan","units":[{"id":"sn55.23:0","sourceIds":["sn55.23:0.1","sn55.23:0.2","sn55.23:0.3"],"kind":"text","text":{"pi":"Saṁyutta Nikāya 55.23\n3. Saraṇānivagga\nGodhasakkasutta","en":"Linked Discourses 55.23\n3. About Sarakāni\nWith Godhā the Sakyan"}},{"id":"sn55.23:1","sourceIds":["sn55.23:1.1","sn55.23:1.2","sn55.23:1.3"],"kind":"text","text":{"pi":"Kapilavatthunidānaṁ.\nAtha kho mahānāmo sakko yena godhā sakko tenupasaṅkami; upasaṅkamitvā godhaṁ sakkaṁ etadavoca:\n“katihi tvaṁ, godhe, dhammehi samannāgataṁ sotāpannapuggalaṁ ājānāsi avinipātadhammaṁ niyataṁ sambodhiparāyaṇan”ti?","en":"At Kapilavatthu.\nThen Mahānāma the Sakyan went up to Godhā the Sakyan, and said to her,\n“Godhā, how many things must an individual have for you to recognize them as a stream-enterer, not liable to be reborn in the underworld, assured, destined for awakening?”"}},{"id":"sn55.23:2","sourceIds":["sn55.23:2.1","sn55.23:2.2","sn55.23:2.3","sn55.23:2.4","sn55.23:2.5","sn55.23:2.6","sn55.23:2.7","sn55.23:2.8"],"kind":"text","text":{"pi":"“Tīhi khvāhaṁ, mahānāma, dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇaṁ.\nKatamehi tīhi?\nIdha, mahānāma, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe aveccappasādena samannāgato hoti—\nsuppaṭipanno bhagavato sāvakasaṅgho …pe… anuttaraṁ puññakkhettaṁ lokassāti.\nImehi khvāhaṁ, mahānāma, tīhi dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇaṁ.","en":"“Mahānāma, an individual must have three things for me to recognize them as a stream-enterer.\nWhat three?\nIt’s when a noble disciple has experiential confidence in the Buddha …\nthe teaching …\nand the Saṅgha …\nWhen an individual has these three things I recognize them as a stream-enterer."}},{"id":"sn55.23:3","sourceIds":["sn55.23:3.1","sn55.23:3.2","sn55.23:3.3","sn55.23:3.4","sn55.23:3.5","sn55.23:3.6","sn55.23:3.7","sn55.23:3.8","sn55.23:3.9"],"kind":"text","text":{"pi":"Tvaṁ pana, mahānāma, katihi dhammehi samannāgataṁ sotāpannapuggalaṁ ājānāsi avinipātadhammaṁ niyataṁ sambodhiparāyaṇan”ti?\n“Catūhi khvāhaṁ, godhe, dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇaṁ.\nKatamehi catūhi?\nIdha, godhe, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nImehi khvāhaṁ, godhe, catūhi dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇan”ti.","en":"But Mahānāma, how many things must an individual have for you to recognize them as a stream-enterer?”\n“Godhā, an individual must have four things for me to recognize them as a stream-enterer.\nWhat four?\nIt’s when a noble disciple has experiential confidence in the Buddha …\nthe teaching …\nthe Saṅgha …\nAnd they have the ethical conduct loved by the noble ones … leading to immersion.\nWhen an individual has these four things I recognize them as a stream-enterer.”"}},{"id":"sn55.23:4","sourceIds":["sn55.23:4.1","sn55.23:4.2","sn55.23:4.3","sn55.23:4.4"],"kind":"text","text":{"pi":"“Āgamehi tvaṁ, mahānāma, āgamehi tvaṁ, mahānāma.\nBhagavāva etaṁ jāneyya etehi dhammehi samannāgataṁ vā asamannāgataṁ vā”ti.\n“Āyāma, godhe, yena bhagavā tenupasaṅkameyyāma; upasaṅkamitvā bhagavato etamatthaṁ ārocessāmā”ti.\nAtha kho mahānāmo sakko godhā ca sakko yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho mahānāmo sakko bhagavantaṁ etadavoca:","en":"“Hold on, Mahānāma, hold on!\nOnly the Buddha would know whether or not they have these things.”\n“Come, Godhā, let’s go to the Buddha and inform him about this.”\nThen Mahānāma and Godhā went to the Buddha, bowed, and sat down to one side. Mahānāma told the Buddha all that had happened, and then said:"}},{"id":"sn55.23:5","sourceIds":["sn55.23:5.1","sn55.23:5.2","sn55.23:5.3"],"kind":"text","text":{"pi":"“Idhāhaṁ, bhante, yena godhā sakko tenupasaṅkamiṁ; upasaṅkamitvā godhaṁ sakkaṁ etadavocaṁ:\n‘katihi tvaṁ, godhe, dhammehi samannāgataṁ sotāpannapuggalaṁ ājānāsi avinipātadhammaṁ niyataṁ sambodhiparāyaṇaṁ’?\nEvaṁ vutte, bhante, godhā sakko maṁ etadavoca—"}},{"id":"sn55.23:6","sourceIds":["sn55.23:6.1","sn55.23:6.2","sn55.23:6.3","sn55.23:6.4","sn55.23:6.5","sn55.23:6.6","sn55.23:6.7","sn55.23:6.8","sn55.23:6.9"],"kind":"text","text":{"pi":"Tīhi khvāhaṁ, mahānāma, dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇaṁ.\nKatamehi tīhi?\nIdha, mahānāma, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe aveccappasādena samannāgato hoti—\nsuppaṭipanno bhagavato sāvakasaṅgho …pe… anuttaraṁ puññakkhettaṁ lokassāti.\nImehi khvāhaṁ, mahānāma, tīhi dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇaṁ.\nTvaṁ pana, mahānāma, katamehi dhammehi samannāgataṁ sotāpannapuggalaṁ ājānāsi avinipātadhammaṁ niyataṁ sambodhiparāyaṇan’ti?"}},{"id":"sn55.23:7","sourceIds":["sn55.23:7.1","sn55.23:7.2","sn55.23:7.3","sn55.23:7.4","sn55.23:7.5","sn55.23:7.6","sn55.23:7.7","sn55.23:7.8","sn55.23:7.9"],"kind":"text","text":{"pi":"Evaṁ vuttāhaṁ, bhante, godhaṁ sakkaṁ etadavocaṁ:\n‘catūhi khvāhaṁ, godhe, dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇaṁ.\nKatamehi catūhi?\nIdha, godhe, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nImehi khvāhaṁ, godhe, catūhi dhammehi samannāgataṁ sotāpannapuggalaṁ ājānāmi avinipātadhammaṁ niyataṁ sambodhiparāyaṇan’ti."}},{"id":"sn55.23:8","sourceIds":["sn55.23:8.1","sn55.23:8.2","sn55.23:8.3","sn55.23:8.4","sn55.23:8.5","sn55.23:8.6","sn55.23:8.7","sn55.23:8.8","sn55.23:8.9","sn55.23:8.10","sn55.23:8.11","sn55.23:8.12","sn55.23:8.13","sn55.23:8.14","sn55.23:8.15","sn55.23:8.16","sn55.23:8.17","sn55.23:8.18","sn55.23:8.19","sn55.23:8.20","sn55.23:8.21"],"kind":"text","text":{"pi":"Evaṁ vutte, bhante, godhā sakko maṁ etadavoca:\n‘āgamehi tvaṁ, mahānāma, āgamehi tvaṁ, mahānāma.\nBhagavāva etaṁ jāneyya etehi dhammehi samannāgataṁ vā asamannāgataṁ vā’ti.\nIdha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho ca.\nYeneva bhagavā tenevāhaṁ assaṁ.\nEvaṁ pasannaṁ maṁ, bhante, bhagavā dhāretu.\nIdha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho ca.\nYeneva bhagavā tenevāhaṁ assaṁ.\nEvaṁ pasannaṁ maṁ, bhante, bhagavā dhāretu.\nIdha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho ca upāsakā ca.\nYeneva bhagavā tenevāhaṁ assaṁ.\nEvaṁ pasannaṁ maṁ, bhante, bhagavā dhāretu.\nIdha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho upāsakā upāsikāyo ca.\nYeneva bhagavā tenevāhaṁ assaṁ.\nEvaṁ pasannaṁ maṁ, bhante, bhagavā dhāretu.\nIdha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho upāsakā upāsikāyo sadevako ca loko samārako sabrahmako sassamaṇabrāhmaṇī pajā sadevamanussā.\nYeneva bhagavā tenevāhaṁ assaṁ.\nEvaṁ pasannaṁ maṁ, bhante, bhagavā dhāretū”ti.\n“Evaṁvādī tvaṁ, godhe, mahānāmaṁ sakkaṁ kiṁ vadesī”ti?\n“Evaṁvādāhaṁ, bhante, mahānāmaṁ sakkaṁ na kiñci vadāmi, aññatra kalyāṇā aññatra kusalā”ti.\nTatiyaṁ.","en":"“Sir, some instigation of a legal proceeding might come up. The Buddha might take one side, and the Saṅgha of monks the other.\nI’d side with the Buddha.\nMay the Buddha remember me as having such confidence.\nSome instigation of a legal proceeding might come up. The Buddha might take one side, and the Saṅgha of monks and the Saṅgha of nuns the other. …\nThe Buddha might take one side, and the Saṅgha of monks and the Saṅgha of nuns and the laymen the other. …\nThe Buddha might take one side, and the Saṅgha of monks and the Saṅgha of nuns and the laymen and the laywomen the other. …\nThe Buddha might take one side, and the Saṅgha of monks and the Saṅgha of nuns and the laymen and the laywomen and the world—with its gods, Māras, and divinities, this population with its ascetics and brahmins, gods and humans—the other.\nI’d side with the Buddha.\nMay the Buddha remember me as having such confidence.”\n“Godhā, what do you have to say to Mahānāma when he speaks like this?”\n“Sir, I have nothing to say to Mahānāma when he speaks like this, except what is good and wholesome.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.23/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}