{"id":"sn55.24","title":"About Sarakāni (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.24","title":"About Sarakāni (1st)","units":[{"id":"sn55.24:0","sourceIds":["sn55.24:0.1","sn55.24:0.2","sn55.24:0.3"],"kind":"text","text":{"pi":"Saṁyutta Nikāya 55.24\n3. Saraṇānivagga\nPaṭhamasaraṇānisakkasutta","en":"Linked Discourses 55.24\n3. About Sarakāni\nAbout Sarakāni (1st)"}},{"id":"sn55.24:1","sourceIds":["sn55.24:1.1","sn55.24:1.2","sn55.24:1.3","sn55.24:1.4","sn55.24:1.5","sn55.24:1.6","sn55.24:1.7","sn55.24:1.8","sn55.24:1.9","sn55.24:1.10","sn55.24:1.11"],"kind":"text","text":{"pi":"Kapilavatthunidānaṁ.\nTena kho pana samayena saraṇāni sakko kālaṅkato hoti.\nSo bhagavatā byākato:\n“sotāpanno avinipātadhammo niyato sambodhiparāyaṇo”ti.\nTatra sudaṁ sambahulā sakkā saṅgamma samāgamma ujjhāyanti khīyanti vipācenti:\n“acchariyaṁ vata bho, abbhutaṁ vata bho.\nEttha dāni ko na sotāpanno bhavissati.\nYatra hi nāma saraṇāni sakko kālaṅkato;\nso bhagavatā byākato:\n‘sotāpanno avinipātadhammo niyato sambodhiparāyaṇo’ti.\nSaraṇāni sakko sikkhādubbalyamāpādi, majjapānaṁ apāyī”ti.","en":"At Kapilavatthu.\nNow at that time Sarakāni the Sakyan had passed away.\nThe Buddha declared that he was\na stream-enterer, not liable to be reborn in the underworld, assured, destined for awakening.\nAt that, several Sakyans came together complaining, grumbling, and objecting,\n“Oh lord, how incredible, how amazing!\nWho can’t become a stream-enterer these days?\nFor the Buddha even declared Sarakāni to be a stream-enterer after he passed away.\nSarakāni was too weak for the training; he used to drink liquor.”"}},{"id":"sn55.24:2","sourceIds":["sn55.24:2.1","sn55.24:2.2","sn55.24:2.3","sn55.24:2.4","sn55.24:2.5","sn55.24:2.6","sn55.24:2.7","sn55.24:2.8","sn55.24:2.9","sn55.24:2.10","sn55.24:2.11"],"kind":"text","text":{"pi":"Atha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:\n“idha, bhante, saraṇāni sakko kālaṅkato.\nSo bhagavatā byākato:\n‘sotāpanno avinipātadhammo niyato sambodhiparāyaṇo’ti.\nTatra sudaṁ, bhante, sambahulā sakkā saṅgamma samāgamma ujjhāyanti khīyanti vipācenti—\nacchariyaṁ vata, bho, abbhutaṁ vata, bho.\nEttha dāni ko na sotāpanno bhavissati.\nYatra hi nāma saraṇāni sakko kālaṅkato;\nso bhagavatā byākato:\n‘sotāpanno avinipātadhammo niyato sambodhiparāyaṇo’ti.\nSaraṇāni sakko sikkhādubbalyamāpādi, majjapānaṁ apāyī”ti.","en":"Then Mahānāma the Sakyan went up to the Buddha, bowed, sat down to one side, and told him what had happened. The Buddha said:"}},{"id":"sn55.24:3","sourceIds":["sn55.24:3.1","sn55.24:3.2","sn55.24:3.3","sn55.24:3.4","sn55.24:3.5"],"kind":"text","text":{"pi":"“Yo so, mahānāma, dīgharattaṁ upāsako buddhaṁ saraṇaṁ gato dhammaṁ saraṇaṁ gato saṅghaṁ saraṇaṁ gato, so kathaṁ vinipātaṁ gaccheyya.\nYañhi taṁ, mahānāma, sammā vadamāno vadeyya:\n‘dīgharattaṁ upāsako buddhaṁ saraṇaṁ gato dhammaṁ saraṇaṁ gato saṅghaṁ saraṇaṁ gato’ti, saraṇāni sakkaṁ sammā vadamāno vadeyya.\nSaraṇāni, mahānāma, sakko dīgharattaṁ upāsako buddhaṁ saraṇaṁ gato dhammaṁ saraṇaṁ gato saṅghaṁ saraṇaṁ gato.\nSo kathaṁ vinipātaṁ gaccheyya.","en":"“Mahānāma, when a lay follower has for a long time gone for refuge to the Buddha, the teaching, and the Saṅgha, how could they go to the underworld?\nAnd if anyone should rightly be said to\nhave for a long time gone for refuge to the Buddha, the teaching, and the Saṅgha, it’s Sarakāni the Sakyan.\nSarakāni the Sakyan has for a long time gone for refuge to the Buddha, the teaching, and the Saṅgha.\nHow could he go to the underworld?"}},{"id":"sn55.24:4","sourceIds":["sn55.24:4.1","sn55.24:4.2","sn55.24:4.3","sn55.24:4.4","sn55.24:4.5","sn55.24:4.6","sn55.24:4.7"],"kind":"text","text":{"pi":"Idha, mahānāma, ekacco puggalo buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nhāsapañño javanapañño vimuttiyā ca samannāgato.\nSo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take a certain individual who has experiential confidence in the Buddha …\nthe teaching …\nthe Saṅgha …\nThey have laughing wisdom and swift wisdom, and are endowed with freedom.\nThey’ve realized the undefiled freedom of heart and freedom by wisdom. And they live having realized it with their own insight in this very life due to the ending of defilements.\nThis individual is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.24:5","sourceIds":["sn55.24:5.1","sn55.24:5.2","sn55.24:5.3","sn55.24:5.4","sn55.24:5.5","sn55.24:5.6","sn55.24:5.7"],"kind":"text","text":{"pi":"Idha pana, mahānāma, ekacco puggalo buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nhāsapañño javanapañño na ca vimuttiyā samannāgato.\nSo pañcannaṁ orambhāgiyānaṁ saṁyojanānaṁ parikkhayā opapātiko hoti tattha parinibbāyī anāvattidhammo tasmā lokā.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take another individual who has experiential confidence in the Buddha …\nthe teaching …\nthe Saṅgha …\nThey have laughing wisdom and swift wisdom, but are not endowed with freedom.\nWith the ending of the five lower fetters they’re reborn spontaneously. They are extinguished there, and are not liable to return from that world.\nThis individual, too, is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.24:6","sourceIds":["sn55.24:6.1","sn55.24:6.2","sn55.24:6.3","sn55.24:6.4","sn55.24:6.5","sn55.24:6.6","sn55.24:6.7"],"kind":"text","text":{"pi":"Idha pana, mahānāma, ekacco puggalo buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nna hāsapañño na javanapañño na ca vimuttiyā samannāgato.\nSo tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī hoti, sakideva imaṁ lokaṁ āgantvā dukkhassantaṁ karoti.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take another individual who has experiential confidence in the Buddha …\nthe teaching …\nthe Saṅgha …\nBut they don’t have laughing wisdom or swift wisdom, nor are they endowed with freedom.\nWith the ending of three fetters, and the weakening of greed, hate, and delusion, they’re a once-returner. They come back to this world once only, then make an end of suffering.\nThis individual, too, is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.24:7","sourceIds":["sn55.24:7.1","sn55.24:7.2","sn55.24:7.3","sn55.24:7.4","sn55.24:7.5","sn55.24:7.6","sn55.24:7.7"],"kind":"text","text":{"pi":"Idha pana, mahānāma, ekacco puggalo buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti;\ndhamme …pe…\nsaṅghe …pe…\nna hāsapañño na javanapañño na ca vimuttiyā samannāgato.\nSo tiṇṇaṁ saṁyojanānaṁ parikkhayā sotāpanno hoti avinipātadhammo niyato sambodhiparāyaṇoti.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take another individual who has experiential confidence in the Buddha …\nthe teaching …\nthe Saṅgha …\nBut they don’t have laughing wisdom or swift wisdom, nor are they endowed with freedom.\nWith the ending of three fetters they’re a stream-enterer, not liable to be reborn in the underworld, assured, destined for awakening.\nThis individual, too, is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.24:8","sourceIds":["sn55.24:8.1","sn55.24:8.2","sn55.24:8.3","sn55.24:8.4","sn55.24:8.5","sn55.24:8.6","sn55.24:8.7","sn55.24:8.8"],"kind":"text","text":{"pi":"Idha pana, mahānāma, ekacco puggalo na heva kho buddhe aveccappasādena samannāgato hoti …\nna dhamme …pe…\nna saṅghe …pe…\nna hāsapañño na javanapañño na ca vimuttiyā samannāgato.\nApi cassa ime dhammā honti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nTathāgatappaveditā cassa dhammā paññāya mattaso nijjhānaṁ khamanti.\nAyampi kho, mahānāma, puggalo agantā nirayaṁ agantā tiracchānayoniṁ agantā pettivisayaṁ agantā apāyaṁ duggatiṁ vinipātaṁ.","en":"Take another individual who doesn’t have experiential confidence in the Buddha …\nthe teaching …\nthe Saṅgha …\nThey don’t have laughing wisdom or swift wisdom, nor are they endowed with freedom.\nStill, they have these qualities:\nthe faculties of faith, energy, mindfulness, immersion, and wisdom.\nAnd they accept the teachings proclaimed by the Realized One after deliberating them with a degree of wisdom.\nThis individual, too, doesn’t go to hell, the animal realm, and the ghost realm. They don’t go to places of loss, bad places, the underworld."}},{"id":"sn55.24:9","sourceIds":["sn55.24:9.1","sn55.24:9.2","sn55.24:9.3","sn55.24:9.4","sn55.24:9.5","sn55.24:9.6","sn55.24:9.7","sn55.24:9.8","sn55.24:9.9","sn55.24:9.10","sn55.24:9.11","sn55.24:9.12"],"kind":"text","text":{"pi":"Idha pana, mahānāma, ekacco puggalo na heva kho buddhe aveccappasādena samannāgato hoti …\nna dhamme …pe…\nna saṅghe …pe…\nna hāsapañño na javanapañño na ca vimuttiyā samannāgato,\napi cassa ime dhammā honti\nsaddhindriyaṁ …pe… paññindriyaṁ.\nTathāgate cassa saddhāmattaṁ hoti pemamattaṁ.\nAyampi kho, mahānāma, puggalo agantā nirayaṁ agantā tiracchānayoniṁ agantā pettivisayaṁ agantā apāyaṁ duggatiṁ vinipātaṁ.\nIme cepi, mahānāma, mahāsālā subhāsitaṁ dubbhāsitaṁ ājāneyyuṁ, ime cāhaṁ mahāsāle byākareyyaṁ: ‘sotāpannā avinipātadhammā niyatā sambodhiparāyaṇā’ti;\nkimaṅgaṁ pana saraṇāniṁ sakkaṁ.\nSaraṇāni, mahānāma, sakko maraṇakāle sikkhaṁ samādiyī”ti.\nCatutthaṁ.","en":"Take another individual who doesn’t have experiential confidence in the Buddha …\nthe teaching …\nthe Saṅgha …\nThey don’t have laughing wisdom or swift wisdom, nor are they endowed with freedom.\nStill, they have these qualities:\nthe faculties of faith, energy, mindfulness, immersion, and wisdom.\nAnd they have a degree of faith and fondness for the Buddha.\nThis individual, too, doesn’t go to hell, the animal realm, and the ghost realm. They don’t go to places of loss, bad places, the underworld.\nIf these great sal trees could understand what was well said and poorly said, I’d declare them to be stream-enterers.\nWhy can’t this apply to Sarakāni?\nMahānāma, Sarakāni the Sakyan undertook the training at the time of his death.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.24/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}