{"id":"sn55.25","title":"About Sarakāni the Sakyan (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.25","title":"About Sarakāni the Sakyan (2nd)","units":[{"id":"sn55.25:0","sourceIds":["sn55.25:0.1","sn55.25:0.2","sn55.25:0.3"],"kind":"text","text":{"pi":"Saṁyutta Nikāya 55.25\n3. Saraṇānivagga\nDutiyasaraṇānisakkasutta","en":"Linked Discourses 55.25\n3. About Sarakāni\nAbout Sarakāni the Sakyan (2nd)"}},{"id":"sn55.25:1","sourceIds":["sn55.25:1.1","sn55.25:1.2","sn55.25:1.3","sn55.25:1.4","sn55.25:1.5","sn55.25:1.6","sn55.25:1.7","sn55.25:1.8","sn55.25:1.9","sn55.25:1.10","sn55.25:1.11","sn55.25:1.12"],"kind":"text","text":{"pi":"Kapilavatthunidānaṁ.\nTena kho pana samayena saraṇāni sakko kālaṅkato hoti.\nSo bhagavatā byākato:\n“sotāpanno avinipātadhammo niyato sambodhiparāyaṇo”ti.\nTatra sudaṁ sambahulā sakkā saṅgamma samāgamma ujjhāyanti khīyanti vipācenti:\n“acchariyaṁ vata bho, abbhutaṁ vata bho.\nEttha dāni ko na sotāpanno bhavissati.\nYatra hi nāma saraṇāni sakko kālaṅkato.\nSo bhagavatā byākato:\n‘sotāpanno avinipātadhammo niyato sambodhiparāyaṇo’ti.\nSaraṇāni sakko sikkhāya aparipūrakārī ahosī”ti.\nAtha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:","en":"At Kapilavatthu.\nNow at that time Sarakāni the Sakyan had passed away.\nThe Buddha declared that he was\na stream-enterer, not liable to be reborn in the underworld, assured, destined for awakening.\nAt that, several Sakyans came together complaining, grumbling, and objecting,\n“Oh lord, how incredible, how amazing!\nWho can’t become a stream-enterer these days?\nFor the Buddha even declared Sarakāni to be a stream-enterer after he passed away.\nSarakāni didn’t fulfill the training.”\nThen Mahānāma the Sakyan went up to the Buddha, bowed, sat down to one side, and told him what had happened. The Buddha said:"}},{"id":"sn55.25:2","sourceIds":["sn55.25:2.1","sn55.25:2.2","sn55.25:2.3","sn55.25:2.4","sn55.25:2.5","sn55.25:2.6","sn55.25:2.7","sn55.25:2.8","sn55.25:2.9","sn55.25:2.10"],"kind":"text","text":{"pi":"“Idha, bhante, saraṇāni sakko kālaṅkato.\nSo bhagavatā byākato:\n‘sotāpanno avinipātadhammo niyato sambodhiparāyaṇo’ti.\nTatra sudaṁ, bhante, sambahulā sakkā saṅgamma samāgamma ujjhāyanti khīyanti vipācenti:\n‘acchariyaṁ vata bho, abbhutaṁ vata bho.\nEttha dāni ko na sotāpanno bhavissati.\nYatra hi nāma saraṇāni sakko kālaṅkato.\nSo bhagavatā byākato—\nsotāpanno avinipātadhammo niyato sambodhiparāyaṇoti.\nSaraṇāni sakko sikkhāya aparipūrakārī ahosī’”ti."}},{"id":"sn55.25:3","sourceIds":["sn55.25:3.1","sn55.25:3.2","sn55.25:3.3","sn55.25:3.4"],"kind":"text","text":{"pi":"“Yo so, mahānāma, dīgharattaṁ upāsako buddhaṁ saraṇaṁ gato dhammaṁ saraṇaṁ gato saṅghaṁ saraṇaṁ gato, so kathaṁ vinipātaṁ gaccheyya.\nYañhi taṁ, mahānāma, sammā vadamāno vadeyya:\n‘dīgharattaṁ upāsako buddhaṁ saraṇaṁ gato dhammaṁ saraṇaṁ gato saṅghaṁ saraṇaṁ gato’, saraṇāniṁ sakkaṁ sammā vadamāno vadeyya.\nSaraṇāni, mahānāma, sakko dīgharattaṁ upāsako buddhaṁ saraṇaṁ gato dhammaṁ saraṇaṁ gato saṅghaṁ saraṇaṁ gato, so kathaṁ vinipātaṁ gaccheyya.","en":"“Mahānāma, when a lay follower has for a long time gone for refuge to the Buddha, the teaching, and the Saṅgha, how could they go to the underworld?\nAnd if anyone should rightly be said to\nhave for a long time gone for refuge to the Buddha, the teaching, and the Saṅgha, it’s Sarakāni the Sakyan.\nSarakāni the Sakyan has for a long time gone for refuge to the Buddha, the teaching, and the Saṅgha."}},{"id":"sn55.25:4","sourceIds":["sn55.25:4.1","sn55.25:4.2","sn55.25:4.3","sn55.25:4.4","sn55.25:4.5","sn55.25:4.6","sn55.25:4.7"],"kind":"text","text":{"pi":"Idha, mahānāma, ekacco puggalo buddhe ekantagato hoti abhippasanno—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nhāsapañño javanapañño vimuttiyā ca samannāgato.\nSo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take a certain individual who is sure and devoted to the Buddha …\nthe teaching …\nthe Saṅgha …\nThey have laughing wisdom and swift wisdom, and are endowed with freedom.\nThey realize the undefiled freedom of heart and freedom by wisdom. And they live having realized it with their own insight in this very life due to the ending of defilements.\nThis individual is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.25:5","sourceIds":["sn55.25:5.1","sn55.25:5.2","sn55.25:5.3","sn55.25:5.4","sn55.25:5.5","sn55.25:5.6","sn55.25:5.7"],"kind":"text","text":{"pi":"Idha pana, mahānāma, ekacco puggalo buddhe ekantagato hoti abhippasanno—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nhāsapañño javanapañño na ca vimuttiyā samannāgato.\nSo pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti, upahaccaparinibbāyī hoti, asaṅkhāraparinibbāyī hoti, sasaṅkhāraparinibbāyī hoti, uddhaṁsoto hoti akaniṭṭhagāmī.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take another individual who is sure and devoted to the Buddha …\nthe teaching …\nthe Saṅgha …\nThey have laughing wisdom and swift wisdom, but are not endowed with freedom.\nWith the ending of the five lower fetters, they’re extinguished between one life and the next … they’re extinguished upon landing … they’re extinguished without extra effort … they’re extinguished with extra effort … they head upstream, going to the Akaniṭṭha realm.\nThis individual, too, is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.25:6","sourceIds":["sn55.25:6.1","sn55.25:6.2","sn55.25:6.3","sn55.25:6.4","sn55.25:6.5","sn55.25:6.6","sn55.25:6.7"],"kind":"text","text":{"pi":"Idha pana, mahānāma, ekacco puggalo buddhe ekantagato hoti abhippasanno—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nna hāsapañño na javanapañño na ca vimuttiyā samannāgato.\nSo tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī hoti, sakideva imaṁ lokaṁ āgantvā dukkhassantaṁ karoti.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take another individual who is sure and devoted to the Buddha …\nthe teaching …\nthe Saṅgha …\nBut they don’t have laughing wisdom or swift wisdom, nor are they endowed with freedom.\nWith the ending of three fetters, and the weakening of greed, hate, and delusion, they’re a once-returner. They come back to this world once only, then make an end of suffering.\nThis individual, too, is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.25:7","sourceIds":["sn55.25:7.1","sn55.25:7.2","sn55.25:7.3","sn55.25:7.4","sn55.25:7.5","sn55.25:7.6","sn55.25:7.7"],"kind":"text","text":{"pi":"Idha pana, mahānāma, ekacco puggalo buddhe ekantagato hoti abhippasanno—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nna hāsapañño na javanapañño na ca vimuttiyā samannāgato.\nSo tiṇṇaṁ saṁyojanānaṁ parikkhayā sotāpanno hoti avinipātadhammo niyato sambodhiparāyaṇo.\nAyampi kho, mahānāma, puggalo parimutto nirayā parimutto tiracchānayoniyā parimutto pettivisayā parimutto apāyaduggativinipātā.","en":"Take another individual who is sure and devoted to the Buddha …\nthe teaching …\nthe Saṅgha …\nBut they don’t have laughing wisdom or swift wisdom, nor are they endowed with freedom.\nWith the ending of three fetters they’re a stream-enterer, not liable to be reborn in the underworld, assured, destined for awakening.\nThis individual, too, is exempt from hell, the animal realm, and the ghost realm. They’re exempt from places of loss, bad places, the underworld."}},{"id":"sn55.25:8","sourceIds":["sn55.25:8.1","sn55.25:8.2","sn55.25:8.3","sn55.25:8.4","sn55.25:8.5","sn55.25:8.6","sn55.25:8.7","sn55.25:8.8"],"kind":"text","text":{"pi":"Idha pana, mahānāma, ekacco puggalo na heva kho buddhe ekantagato hoti abhippasanno …pe…\nna dhamme …pe…\nna saṅghe …pe…\nna hāsapañño na javanapañño na ca vimuttiyā samannāgato;\napi cassa ime dhammā honti—\nsaddhindriyaṁ …pe… paññindriyaṁ.\nTathāgatappaveditā cassa dhammā paññāya mattaso nijjhānaṁ khamanti.\nAyampi kho, mahānāma, puggalo agantā nirayaṁ agantā tiracchānayoniṁ agantā pettivisayaṁ agantā apāyaṁ duggatiṁ vinipātaṁ.","en":"Take another individual who isn’t sure or devoted to the Buddha …\nthe teaching …\nthe Saṅgha …\nThey don’t have laughing wisdom or swift wisdom, nor are they endowed with freedom.\nStill, they have these qualities:\nthe faculties of faith, energy, mindfulness, immersion, and wisdom.\nAnd they accept the teachings proclaimed by the Realized One after deliberating them with a degree of wisdom.\nThis individual, too, doesn’t go to hell, the animal realm, and the ghost realm. They don’t go to places of loss, bad places, the underworld."}},{"id":"sn55.25:9","sourceIds":["sn55.25:9.1","sn55.25:9.2","sn55.25:9.3","sn55.25:9.4","sn55.25:9.5","sn55.25:9.6","sn55.25:9.7","sn55.25:9.8"],"kind":"text","text":{"pi":"Idha pana, mahānāma, ekacco puggalo na heva kho buddhe ekantagato hoti abhippasanno …\nna dhamme …pe…\nna saṅghe …pe…\nna hāsapañño na javanapañño na ca vimuttiyā samannāgato;\napi cassa ime dhammā honti—\nsaddhindriyaṁ …pe… paññindriyaṁ.\nTathāgate cassa saddhāmattaṁ hoti pemamattaṁ.\nAyampi kho, mahānāma, puggalo agantā nirayaṁ agantā tiracchānayoniṁ agantā pettivisayaṁ agantā apāyaṁ duggatiṁ vinipātaṁ.","en":"Take another individual who isn’t sure or devoted to the Buddha …\nthe teaching …\nthe Saṅgha …\nThey don’t have laughing wisdom or swift wisdom, nor are they endowed with freedom.\nStill, they have these qualities:\nthe faculties of faith, energy, mindfulness, immersion, and wisdom.\nAnd they have a degree of faith and love for the Buddha.\nThis individual, too, doesn’t go to hell, the animal realm, and the ghost realm. They don’t go to places of loss, bad places, the underworld."}},{"id":"sn55.25:10","sourceIds":["sn55.25:10.1","sn55.25:10.2","sn55.25:10.3","sn55.25:10.4","sn55.25:10.5","sn55.25:10.6","sn55.25:10.7"],"kind":"text","text":{"pi":"Seyyathāpi, mahānāma, dukkhettaṁ dubbhūmaṁ avihatakhāṇukaṁ, bījāni cassu khaṇḍāni pūtīni vātātapahatāni asārādāni asukhasayitāni, devo ca na sammā dhāraṁ anuppaveccheyya.\nApi nu tāni bījāni vuddhiṁ virūḷhiṁ vepullaṁ āpajjeyyun”ti?\n“No hetaṁ, bhante”.\n“Evameva kho, mahānāma, idha dhammo durakkhāto hoti duppavedito aniyyāniko anupasamasaṁvattaniko asammāsambuddhappavedito—\nidamahaṁ dukkhettasmiṁ vadāmi.\nTasmiñca dhamme sāvako viharati dhammānudhammappaṭipanno sāmīcippaṭipanno anudhammacārī—\nidamahaṁ dubbījasmiṁ vadāmi.","en":"Suppose there was a barren field, a barren ground, with uncleared stumps. And you had seeds that were broken, spoiled, weather-damaged, infertile, and ill kept. And the heavens didn’t provide enough rain.\nWould those seeds grow, increase, and mature?”\n“No, sir.”\n“In the same way, take a teaching that’s badly explained and badly propounded, not emancipating, not leading to peace, proclaimed by someone who is not a fully awakened Buddha.\nThis is what I call a barren field.\nA disciple remains in such a teaching, practicing in line with that teaching, practicing it properly, living in line with that teaching.\nThis is what I call a bad seed."}},{"id":"sn55.25:11","sourceIds":["sn55.25:11.1","sn55.25:11.2","sn55.25:11.3","sn55.25:11.4","sn55.25:11.5","sn55.25:11.6","sn55.25:11.7","sn55.25:11.8","sn55.25:11.9","sn55.25:11.10","sn55.25:11.11"],"kind":"text","text":{"pi":"Seyyathāpi, mahānāma, sukhettaṁ subhūmaṁ suvihatakhāṇukaṁ, bījāni cassu akhaṇḍāni apūtīni avātātapahatāni sārādāni sukhasayitāni;\ndevo ca sammā dhāraṁ anuppaveccheyya.\nApi nu tāni bījāni vuddhiṁ virūḷhiṁ vepullaṁ āpajjeyyun”ti?\n“Evaṁ, bhante”.\n“Evameva kho, mahānāma, idha dhammo svākkhāto hoti suppavedito niyyāniko upasamasaṁvattaniko sammāsambuddhappavedito—\nidamahaṁ sukhettasmiṁ vadāmi.\nTasmiñca dhamme sāvako viharati dhammānudhammappaṭipanno sāmīcippaṭipanno anudhammacārī—\nidamahaṁ subījasmiṁ vadāmi.\nKimaṅgaṁ pana saraṇāniṁ sakkaṁ.\nSaraṇāni, mahānāma, sakko maraṇakāle sikkhāya paripūrakārī ahosī”ti.\nPañcamaṁ.","en":"Suppose there was a fertile field, a fertile ground, well-cleared of stumps. And you had seeds that were intact, unspoiled, not weather-damaged, fertile, and well-kept. And there’s plenty of rainfall.\nWould those seeds grow, increase, and mature?”\n“Yes, sir.”\n“In the same way, take a teaching that’s well explained and well propounded, emancipating, leading to peace, proclaimed by someone who is a fully awakened Buddha.\nThis is what I call a fertile field.\nA disciple remains in such a teaching, practicing in line with that teaching, practicing it properly, living in line with that teaching.\nThis is what I call a good seed.\nWhy can’t this apply to Sarakāni?\nMahānāma, Sarakāni the Sakyan fulfilled the training at the time of his death.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.25/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}