{"id":"sn55.26","title":"With Anāthapiṇḍika (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.26","title":"With Anāthapiṇḍika (1st)","units":[{"id":"sn55.26:0","sourceIds":["sn55.26:0.1","sn55.26:0.2","sn55.26:0.3"],"kind":"text","text":{"pi":"Saṁyutta Nikāya 55.26\n3. Saraṇānivagga\nPaṭhamaanāthapiṇḍikasutta","en":"Linked Discourses 55.26\n3. About Sarakāni\nWith Anāthapiṇḍika (1st)"}},{"id":"sn55.26:1","sourceIds":["sn55.26:1.1","sn55.26:1.2","sn55.26:1.3","sn55.26:1.4","sn55.26:1.5","sn55.26:1.6","sn55.26:1.7","sn55.26:1.8"],"kind":"text","text":{"pi":"Sāvatthinidānaṁ.\nTena kho pana samayena anāthapiṇḍiko gahapati ābādhiko hoti dukkhito bāḷhagilāno.\nAtha kho anāthapiṇḍiko gahapati aññataraṁ purisaṁ āmantesi:\n“ehi tvaṁ, ambho purisa, yenāyasmā sāriputto tenupasaṅkama; upasaṅkamitvā mama vacanena āyasmato sāriputtassa pāde sirasā vanda:\n‘anāthapiṇḍiko, bhante, gahapati ābādhiko dukkhito bāḷhagilāno.\nSo āyasmato sāriputtassa pāde sirasā vandatī’ti.\nEvañca vadehi:\n‘sādhu kira, bhante, āyasmā sāriputto yena anāthapiṇḍikassa gahapatissa nivesanaṁ tenupasaṅkamatu anukampaṁ upādāyā’”ti.","en":"At Sāvatthī.\nNow at that time the householder Anāthapiṇḍika was sick, suffering, gravely ill.\nThen he addressed a man,\n“Please, my man, go to Venerable Sāriputta, and in my name bow with your head to his feet. Say to him:\n‘Sir, the householder Anāthapiṇḍika is sick, suffering, gravely ill.\nHe bows with his head to your feet.’\nAnd then say:\n‘Sir, please visit him at his home out of sympathy.’”"}},{"id":"sn55.26:2","sourceIds":["sn55.26:2.1"],"kind":"text","text":{"pi":"“Evaṁ, bhante”ti kho so puriso anāthapiṇḍikassa gahapatissa paṭissutvā yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ sāriputtaṁ etadavoca:","en":"“Yes, sir,” that man replied. He did as Anāthapiṇḍika asked."}},{"id":"sn55.26:3","sourceIds":["sn55.26:3.1","sn55.26:3.2","sn55.26:3.3","sn55.26:3.4","sn55.26:3.5"],"kind":"text","text":{"pi":"“Anāthapiṇḍiko, bhante, gahapati ābādhiko dukkhito bāḷhagilāno.\nSo āyasmato sāriputtassa pāde sirasā vandati.\nEvañca vadati:\n‘sādhu kira, bhante, āyasmā sāriputto yena anāthapiṇḍikassa gahapatissa nivesanaṁ tenupasaṅkamatu anukampaṁ upādāyā’”ti.\nAdhivāsesi kho āyasmā sāriputto tuṇhībhāvena.","en":"Sāriputta consented with silence."}},{"id":"sn55.26:4","sourceIds":["sn55.26:4.1","sn55.26:4.2","sn55.26:4.3"],"kind":"text","text":{"pi":"Atha kho āyasmā sāriputto pubbaṇhasamayaṁ nivāsetvā pattacīvaramādāya āyasmatā ānandena pacchāsamaṇena yena anāthapiṇḍikassa gahapatissa nivesanaṁ tenupasaṅkami; upasaṅkamitvā paññatte āsane nisīdi. Nisajja kho āyasmā sāriputto anāthapiṇḍikaṁ gahapatiṁ etadavoca:\n“kacci te, gahapati, khamanīyaṁ kacci yāpanīyaṁ? Kacci dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti?\n“Na me, bhante, khamanīyaṁ, na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti.","en":"Then Venerable Sāriputta robed up in the morning and, taking his bowl and robe, went with Venerable Ānanda as his second monk to Anāthapiṇḍika’s home. He sat down on the seat spread out and said to Anāthapiṇḍika,\n“I hope you’re keeping well, householder; I hope you’re all right. I hope your pain is fading, not growing; that its fading is evident, not its growing.”\n“Sir, I’m not keeping well, I’m not getting by. My pain is terrible and growing, not fading; its growing is evident, not its fading.”"}},{"id":"sn55.26:5","sourceIds":["sn55.26:5.1","sn55.26:5.2","sn55.26:5.3","sn55.26:5.4"],"kind":"text","text":{"pi":"“Yathārūpena kho, gahapati, buddhe appasādena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati tathārūpo te buddhe appasādo natthi.\nAtthi ca kho te, gahapati, buddhe aveccappasādo—\nitipi so bhagavā …pe… satthā devamanussānaṁ buddho bhagavāti.\nTañca pana te buddhe aveccappasādaṁ attani samanupassato ṭhānaso vedanā paṭippassambheyya.","en":"“Householder, you don’t have the distrust in the Buddha that causes an unlearned ordinary person to be reborn—when their body breaks up, after death—in a place of loss, a bad place, the underworld, hell.\nAnd you have experiential confidence in the Buddha:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nSeeing in yourself that experiential confidence in the Buddha, that pain may die down on the spot."}},{"id":"sn55.26:6","sourceIds":["sn55.26:6.1","sn55.26:6.2","sn55.26:6.3","sn55.26:6.4"],"kind":"text","text":{"pi":"Yathārūpena kho, gahapati, dhamme appasādena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpo te dhamme appasādo natthi.\nAtthi ca kho te, gahapati, dhamme aveccappasādo—\nsvākkhāto bhagavatā dhammo …pe… paccattaṁ veditabbo viññūhīti.\nTañca pana te dhamme aveccappasādaṁ attani samanupassato ṭhānaso vedanā paṭippassambheyya.","en":"You don’t have the distrust in the teaching that causes an unlearned ordinary person to be reborn—when their body breaks up, after death—in a place of loss, a bad place, the underworld, hell.\nAnd you have experiential confidence in the teaching:\n‘The teaching is well explained by the Buddha—apparent in the present life, immediately effective, inviting inspection, relevant, so that sensible people can know it for themselves.’\nSeeing in yourself that experiential confidence in the teaching, that pain may die down on the spot."}},{"id":"sn55.26:7","sourceIds":["sn55.26:7.1","sn55.26:7.2","sn55.26:7.3","sn55.26:7.4"],"kind":"text","text":{"pi":"Yathārūpena kho, gahapati, saṅghe appasādena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpo te saṅghe appasādo natthi.\nAtthi ca kho te, gahapati, saṅghe aveccappasādo—\nsuppaṭipanno bhagavato sāvakasaṅgho …pe… anuttaraṁ puññakkhettaṁ lokassāti.\nTañca pana te saṅghe aveccappasādaṁ attani samanupassato ṭhānaso vedanā paṭippassambheyya.","en":"You don’t have the distrust in the Saṅgha that causes an unlearned ordinary person to be reborn—when their body breaks up, after death—in a place of loss, a bad place, the underworld, hell.\nAnd you have experiential confidence in the Saṅgha:\n‘The Saṅgha of the Buddha’s disciples is practicing the way that’s good, direct, systematic, and proper. It consists of the four pairs, the eight individual persons. This Saṅgha of the Buddha’s disciples is worthy of offerings dedicated to the gods, worthy of hospitality, worthy of a religious donation, and worthy of veneration with cupped palms. It is the supreme field of merit for the world.’\nSeeing in yourself that experiential confidence in the Saṅgha, that pain may die down on the spot."}},{"id":"sn55.26:8","sourceIds":["sn55.26:8.1","sn55.26:8.2","sn55.26:8.3"],"kind":"text","text":{"pi":"Yathārūpena kho, gahapati, dussīlyena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpaṁ te dussīlyaṁ natthi.\nAtthi ca kho te, gahapati, ariyakantāni sīlāni … pe samādhisaṁvattanikāni.\nTāni ca pana te ariyakantāni sīlāni attani samanupassato ṭhānaso vedanā paṭippassambheyya.","en":"You don’t have the unethical conduct that causes an unlearned ordinary person to be reborn—when their body breaks up, after death—in a place of loss, a bad place, the underworld, hell.\nYour ethical conduct is loved by the noble ones, unbroken, impeccable, spotless, and unmarred, liberating, praised by sensible people, not mistaken, and leading to immersion.\nSeeing in yourself that ethical conduct loved by the noble ones, that pain may die down on the spot."}},{"id":"sn55.26:9","sourceIds":["sn55.26:9.1","sn55.26:9.2","sn55.26:9.3"],"kind":"text","text":{"pi":"Yathārūpāya kho, gahapati, micchādiṭṭhiyā samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpā te micchādiṭṭhi natthi.\nAtthi ca kho te, gahapati, sammādiṭṭhi.\nTañca pana te sammādiṭṭhiṁ attani samanupassato ṭhānaso vedanā paṭippassambheyya.","en":"You don’t have the wrong view that causes an unlearned ordinary person to be reborn—when their body breaks up, after death—in a place of loss, a bad place, the underworld, hell.\nYou have right view.\nSeeing in yourself that right view, that pain may die down on the spot."}},{"id":"sn55.26:10","sourceIds":["sn55.26:10.1","sn55.26:10.2","sn55.26:10.3"],"kind":"text","text":{"pi":"Yathārūpena kho, gahapati, micchāsaṅkappena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpo te micchāsaṅkappo natthi.\nAtthi ca kho te, gahapati, sammāsaṅkappo.\nTañca pana te sammāsaṅkappaṁ attani samanupassato ṭhānaso vedanā paṭippassambheyya.","en":"You don’t have the wrong purpose …"}},{"id":"sn55.26:11","sourceIds":["sn55.26:11.1","sn55.26:11.2","sn55.26:11.3"],"kind":"text","text":{"pi":"Yathārūpāya kho, gahapati, micchāvācāya samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpā te micchāvācā natthi.\nAtthi ca kho te, gahapati, sammāvācā.\nTañca pana te sammāvācaṁ attani samanupassato ṭhānaso vedanā paṭippassambheyya.","en":"wrong speech …"}},{"id":"sn55.26:12","sourceIds":["sn55.26:12.1","sn55.26:12.2","sn55.26:12.3"],"kind":"text","text":{"pi":"Yathārūpena kho, gahapati, micchākammantena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpo te micchākammanto natthi.\nAtthi ca kho te, gahapati, sammākammanto.\nTañca pana te sammākammantaṁ attani samanupassato ṭhānaso vedanā paṭippassambheyya.","en":"wrong action …"}},{"id":"sn55.26:13","sourceIds":["sn55.26:13.1","sn55.26:13.2","sn55.26:13.3"],"kind":"text","text":{"pi":"Yathārūpena kho, gahapati, micchāājīvena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpo te micchāājīvo natthi.\nAtthi ca kho te, gahapati, sammāājīvo.\nTañca pana te sammāājīvaṁ attani samanupassato ṭhānaso vedanā paṭippassambheyya.","en":"wrong livelihood …"}},{"id":"sn55.26:14","sourceIds":["sn55.26:14.1","sn55.26:14.2","sn55.26:14.3"],"kind":"text","text":{"pi":"Yathārūpena kho, gahapati, micchāvāyāmena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpo te micchāvāyāmo natthi.\nAtthi ca kho te, gahapati, sammāvāyāmo.\nTañca pana te sammāvāyāmaṁ attani samanupassato ṭhānaso vedanā paṭippassambheyya.","en":"wrong effort …"}},{"id":"sn55.26:15","sourceIds":["sn55.26:15.1","sn55.26:15.2","sn55.26:15.3"],"kind":"text","text":{"pi":"Yathārūpāya kho, gahapati, micchāsatiyā samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpā te micchāsati natthi.\nAtthi ca kho te, gahapati, sammāsati.\nTañca pana te sammāsatiṁ attani samanupassato ṭhānaso vedanā paṭippassambheyya.","en":"wrong mindfulness …"}},{"id":"sn55.26:16","sourceIds":["sn55.26:16.1","sn55.26:16.2","sn55.26:16.3"],"kind":"text","text":{"pi":"Yathārūpena kho, gahapati, micchāsamādhinā samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpo te micchāsamādhi natthi.\nAtthi ca kho te, gahapati, sammāsamādhi.\nTañca pana te sammāsamādhiṁ attani samanupassato ṭhānaso vedanā paṭippassambheyya.","en":"wrong immersion …"}},{"id":"sn55.26:17","sourceIds":["sn55.26:17.1","sn55.26:17.2","sn55.26:17.3"],"kind":"text","text":{"pi":"Yathārūpena kho, gahapati, micchāñāṇena samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpaṁ te micchāñāṇaṁ natthi.\nAtthi ca kho te, gahapati, sammāñāṇaṁ.\nTañca pana te sammāñāṇaṁ attani samanupassato ṭhānaso vedanā paṭippassambheyya.","en":"wrong knowledge …"}},{"id":"sn55.26:18","sourceIds":["sn55.26:18.1","sn55.26:18.2","sn55.26:18.3"],"kind":"text","text":{"pi":"Yathārūpāya kho, gahapati, micchāvimuttiyā samannāgato assutavā puthujjano kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, tathārūpā te micchāvimutti natthi.\nAtthi ca kho te, gahapati, sammāvimutti.\nTañca pana te sammāvimuttiṁ attani samanupassato ṭhānaso vedanā paṭippassambheyyā”ti.","en":"wrong freedom …\nYou have right freedom.\nSeeing in yourself that right freedom, that pain may die down on the spot.”"}},{"id":"sn55.26:19","sourceIds":["sn55.26:19.1","sn55.26:19.2","sn55.26:19.3","sn55.26:19.4"],"kind":"text","text":{"pi":"Atha kho anāthapiṇḍikassa gahapatissa ṭhānaso vedanā paṭippassambhiṁsu.\nAtha kho anāthapiṇḍiko gahapati āyasmantañca sāriputtaṁ āyasmantañca ānandaṁ sakeneva thālipākena parivisi.\nAtha kho anāthapiṇḍiko gahapati āyasmantaṁ sāriputtaṁ bhuttāviṁ onītapattapāṇiṁ aññataraṁ nīcāsanaṁ gahetvā ekamantaṁ nisīdi.\nEkamantaṁ nisinnaṁ kho anāthapiṇḍikaṁ gahapatiṁ āyasmā sāriputto imāhi gāthāhi anumodi:","en":"And then Anāthapiṇḍika’s pain died down on the spot.\nThen he served Sāriputta and Ānanda from his own dish.\nWhen Sāriputta had eaten and washed his hand and bowl, Anāthapiṇḍika took a low seat and sat to one side.\nVenerable Sāriputta expressed his appreciation to him with these verses."}},{"id":"sn55.26:20","sourceIds":["sn55.26:20.1","sn55.26:20.2","sn55.26:20.3","sn55.26:20.4"],"kind":"text","text":{"pi":"“Yassa saddhā tathāgate,\nacalā suppatiṭṭhitā;\nSīlañca yassa kalyāṇaṁ,\nariyakantaṁ pasaṁsitaṁ.","en":"“Whoever has faith in the Realized One,\nunwavering and well grounded;\nwhose ethical conduct is good,\npraised and loved by the noble ones;"}},{"id":"sn55.26:21","sourceIds":["sn55.26:21.1","sn55.26:21.2","sn55.26:21.3","sn55.26:21.4"],"kind":"text","text":{"pi":"Saṅghe pasādo yassatthi,\nujubhūtañca dassanaṁ;\nAdaliddoti taṁ āhu,\namoghaṁ tassa jīvitaṁ.","en":"who has confidence in the Saṅgha,\nand correct view:\nthey’re said to be prosperous,\ntheir life is not in vain."}},{"id":"sn55.26:22","sourceIds":["sn55.26:22.1","sn55.26:22.2","sn55.26:22.3","sn55.26:22.4"],"kind":"text","text":{"pi":"Tasmā saddhañca sīlañca,\npasādaṁ dhammadassanaṁ;\nAnuyuñjetha medhāvī,\nsaraṁ buddhānasāsanan”ti.","en":"So let the wise devote themselves\nto faith, ethical behaviour,\nconfidence, and insight into the teaching,\nremembering the instructions of the Buddhas.”"}},{"id":"sn55.26:23","sourceIds":["sn55.26:23.1"],"kind":"text","text":{"pi":"Atha kho āyasmā sāriputto anāthapiṇḍikaṁ gahapatiṁ imāhi gāthāhi anumoditvā uṭṭhāyāsanā pakkāmi.","en":"After expressing his appreciation to Anāthapiṇḍika with these verses, Sāriputta rose from his seat and left."}},{"id":"sn55.26:24","sourceIds":["sn55.26:24.1","sn55.26:24.2","sn55.26:24.3","sn55.26:24.4","sn55.26:24.5","sn55.26:24.6"],"kind":"text","text":{"pi":"Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ bhagavā etadavoca:\n“handa kuto nu tvaṁ, ānanda, āgacchasi divādivassā”ti?\n“Āyasmatā, bhante, sāriputtena anāthapiṇḍiko gahapati iminā ca iminā ca ovādena ovadito”ti.\n“Paṇḍito, ānanda, sāriputto;\nmahāpañño, ānanda, sāriputto, yatra hi nāma cattāri sotāpattiyaṅgāni dasahākārehi vibhajissatī”ti.\nChaṭṭhaṁ.","en":"Then Ānanda went up to the Buddha, bowed, and sat down to one side. The Buddha said to him,\n“So, Ānanda, where are you coming from in the middle of the day?”\n“Sir, Venerable Sāriputta advised the householder Anāthapiṇḍika in this way and that.”\n“Sāriputta is astute, Ānanda.\nHe has great wisdom, since he can analyze the four factors of stream-entry in ten respects.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.26/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}