{"id":"sn55.27","title":"With Anāthapiṇḍika (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.27","title":"With Anāthapiṇḍika (2nd)","units":[{"id":"sn55.27:0","sourceIds":["sn55.27:0.1","sn55.27:0.2","sn55.27:0.3"],"kind":"text","text":{"pi":"Saṁyutta Nikāya 55.27\n3. Saraṇānivagga\nDutiyaanāthapiṇḍikasutta","en":"Linked Discourses 55.27\n3. About Sarakāni\nWith Anāthapiṇḍika (2nd)"}},{"id":"sn55.27:1","sourceIds":["sn55.27:1.1","sn55.27:1.2","sn55.27:1.3","sn55.27:1.4","sn55.27:1.5","sn55.27:1.6","sn55.27:1.7","sn55.27:1.8"],"kind":"text","text":{"pi":"Sāvatthinidānaṁ.\nTena kho pana samayena anāthapiṇḍiko gahapati ābādhiko hoti dukkhito bāḷhagilāno.\nAtha kho anāthapiṇḍiko gahapati aññataraṁ purisaṁ āmantesi:\n“ehi tvaṁ, ambho purisa, yenāyasmā ānando tenupasaṅkama; upasaṅkamitvā mama vacanena āyasmato ānandassa pāde sirasā vanda:\n‘anāthapiṇḍiko, bhante, gahapati ābādhiko dukkhito bāḷhagilāno.\nSo āyasmato ānandassa pāde sirasā vandatī’ti.\nEvañca vadehi:\n‘sādhu kira, bhante, āyasmā ānando yena anāthapiṇḍikassa gahapatissa nivesanaṁ tenupasaṅkamatu anukampaṁ upādāyā’”ti.","en":"At Sāvatthī.\nNow at that time the householder Anāthapiṇḍika was sick, suffering, gravely ill.\nThen he addressed a man,\n“Please, my man, go to Venerable Ānanda, and in my name bow with your head to his feet. Say to him:\n‘Sir, the householder Anāthapiṇḍika is sick, suffering, gravely ill.\nHe bows with his head to your feet.’\nAnd then say:\n‘Sir, please visit him at his home out of sympathy.’”"}},{"id":"sn55.27:2","sourceIds":["sn55.27:2.1","sn55.27:2.2","sn55.27:2.3","sn55.27:2.4","sn55.27:2.5","sn55.27:2.6"],"kind":"text","text":{"pi":"“Evaṁ, bhante”ti kho so puriso anāthapiṇḍikassa gahapatissa paṭissutvā yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ ānandaṁ etadavoca:\n“anāthapiṇḍiko, bhante, gahapati ābādhiko dukkhito bāḷhagilāno.\nSo āyasmato ānandassa pāde sirasā vandati.\nEvañca vadati:\n‘sādhu kira, bhante, āyasmā ānando yena anāthapiṇḍikassa gahapatissa nivesanaṁ tenupasaṅkamatu anukampaṁ upādāyā’”ti.\nAdhivāsesi kho āyasmā ānando tuṇhībhāvena.","en":"“Yes, sir,” that man replied. He did as Anāthapiṇḍika asked.\nĀnanda consented with silence."}},{"id":"sn55.27:3","sourceIds":["sn55.27:3.1","sn55.27:3.2","sn55.27:3.3"],"kind":"text","text":{"pi":"Atha kho āyasmā ānando pubbaṇhasamayaṁ nivāsetvā pattacīvaramādāya yena anāthapiṇḍikassa gahapatissa nivesanaṁ tenupasaṅkami; upasaṅkamitvā paññatte āsane nisīdi. Nisajja kho āyasmā ānando anāthapiṇḍikaṁ gahapatiṁ etadavoca:\n“kacci te, gahapati, khamanīyaṁ, kacci yāpanīyaṁ? Kacci dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti?\n“Na me, bhante, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti.","en":"Then Venerable Ānanda robed up in the morning and, taking his bowl and robe, went to the home of the householder Anāthapiṇḍika. He sat down on the seat spread out and said to Anāthapiṇḍika,\n“I hope you’re keeping well, householder, I hope you’re all right. I hope your pain is fading, not growing; that its fading is evident, not its growing.”\n“Sir, I’m not keeping well, I’m not getting by. My pain is terrible and growing, not fading; its growing is evident, not its fading.”"}},{"id":"sn55.27:4","sourceIds":["sn55.27:4.1","sn55.27:4.2","sn55.27:4.3","sn55.27:4.4"],"kind":"text","text":{"pi":"“Catūhi kho, gahapati, dhammehi samannāgatassa assutavato puthujjanassa hoti uttāso, hoti chambhitattaṁ, hoti samparāyikaṁ maraṇabhayaṁ.\nKatamehi catūhi?\nIdha, gahapati, assutavā puthujjano buddhe appasādena samannāgato hoti.\nTañca panassa buddhe appasādaṁ attani samanupassato hoti uttāso, hoti chambhitattaṁ, hoti samparāyikaṁ maraṇabhayaṁ.","en":"“Householder, when an unlearned ordinary person has four things, they’re frightened and terrified, and fear what awaits them after death.\nWhat four?\nFirstly, an unlearned ordinary person distrusts the Buddha.\nSeeing in themselves that distrust of the Buddha, they’re frightened and terrified, and fear what awaits them after death."}},{"id":"sn55.27:5","sourceIds":["sn55.27:5.1","sn55.27:5.2"],"kind":"text","text":{"pi":"Puna caparaṁ, gahapati, assutavā puthujjano dhamme appasādena samannāgato hoti.\nTañca panassa dhamme appasādaṁ attani samanupassato hoti uttāso, hoti chambhitattaṁ, hoti samparāyikaṁ maraṇabhayaṁ.","en":"Furthermore, an unlearned ordinary person distrusts the teaching …"}},{"id":"sn55.27:6","sourceIds":["sn55.27:6.1","sn55.27:6.2"],"kind":"text","text":{"pi":"Puna caparaṁ, gahapati, assutavā puthujjano saṅghe appasādena samannāgato hoti.\nTañca panassa saṅghe appasādaṁ attani samanupassato hoti uttāso, hoti chambhitattaṁ, hoti samparāyikaṁ maraṇabhayaṁ.","en":"Furthermore, an unlearned ordinary person distrusts the Saṅgha …"}},{"id":"sn55.27:7","sourceIds":["sn55.27:7.1","sn55.27:7.2","sn55.27:7.3"],"kind":"text","text":{"pi":"Puna caparaṁ, gahapati, assutavā puthujjano dussīlyena samannāgato hoti.\nTañca panassa dussīlyaṁ attani samanupassato hoti uttāso, hoti chambhitattaṁ, hoti samparāyikaṁ maraṇabhayaṁ.\nImehi kho, gahapati, catūhi dhammehi samannāgatassa assutavato puthujjanassa hoti uttāso, hoti chambhitattaṁ, hoti samparāyikaṁ maraṇabhayaṁ.","en":"Furthermore, an unlearned ordinary person has unethical conduct.\nSeeing in themselves that unethical conduct, they’re frightened and terrified, and fear what awaits them after death.\nWhen an unlearned ordinary person has these four things, they’re frightened and terrified, and fear what awaits them after death."}},{"id":"sn55.27:8","sourceIds":["sn55.27:8.1","sn55.27:8.2","sn55.27:8.3","sn55.27:8.4","sn55.27:8.5"],"kind":"text","text":{"pi":"Catūhi kho, gahapati, dhammehi samannāgatassa sutavato ariyasāvakassa na hoti uttāso, na hoti chambhitattaṁ, na hoti samparāyikaṁ maraṇabhayaṁ.\nKatamehi catūhi?\nIdha, gahapati, sutavā ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nTañca panassa buddhe aveccappasādaṁ attani samanupassato na hoti uttāso, na hoti chambhitattaṁ, na hoti samparāyikaṁ maraṇabhayaṁ.","en":"When a learned noble disciple has four things, they’re not frightened or terrified, and don’t fear what awaits them after death.\nWhat four?\nFirstly, a noble disciple has experiential confidence in the Buddha …\nSeeing in themselves that experiential confidence in the Buddha, they’re not frightened or terrified, and don’t fear what awaits them after death."}},{"id":"sn55.27:9","sourceIds":["sn55.27:9.1","sn55.27:9.2","sn55.27:9.3"],"kind":"text","text":{"pi":"Puna caparaṁ, gahapati, sutavā ariyasāvako dhamme aveccappasādena samannāgato hoti—\nsvākkhāto bhagavatā dhammo …pe… paccattaṁ veditabbo viññūhīti.\nTañca panassa dhamme aveccappasādaṁ attani samanupassato na hoti uttāso, na hoti chambhitattaṁ, na hoti samparāyikaṁ maraṇabhayaṁ.","en":"Furthermore, a noble disciple has experiential confidence in the teaching …"}},{"id":"sn55.27:10","sourceIds":["sn55.27:10.1","sn55.27:10.2","sn55.27:10.3"],"kind":"text","text":{"pi":"Puna caparaṁ, gahapati, sutavā ariyasāvako saṅghe aveccappasādena samannāgato hoti—\nsuppaṭipanno bhagavato sāvakasaṅgho …pe… anuttaraṁ puññakkhettaṁ lokassāti.\nTañca panassa saṅghe aveccappasādaṁ attani samanupassato na hoti uttāso, na hoti chambhitattaṁ, na hoti samparāyikaṁ maraṇabhayaṁ.","en":"Furthermore, a noble disciple has experiential confidence in the Saṅgha …"}},{"id":"sn55.27:11","sourceIds":["sn55.27:11.1","sn55.27:11.2","sn55.27:11.3"],"kind":"text","text":{"pi":"Puna caparaṁ, gahapati, sutavā ariyasāvako ariyakantehi sīlehi samannāgato hoti akhaṇḍehi …pe… samādhisaṁvattanikehi.\nTāni ca panassa ariyakantāni sīlāni attani samanupassato na hoti uttāso, na hoti chambhitattaṁ, na hoti samparāyikaṁ maraṇabhayaṁ.\nImehi kho, gahapati, catūhi dhammehi samannāgatassa sutavato ariyasāvakassa na hoti uttāso, na hoti chambhitattaṁ, na hoti samparāyikaṁ maraṇabhayan”ti.","en":"Furthermore, a noble disciple’s ethical conduct is loved by the noble ones, unbroken, impeccable, spotless, and unmarred, liberating, praised by sensible people, not mistaken, and leading to immersion.\nSeeing in themselves that ethical conduct loved by the noble ones, they’re not frightened or terrified, and don’t fear what awaits them after death.\nWhen a learned noble disciple has these four things, they’re not frightened or terrified, and don’t fear what awaits them after death.”"}},{"id":"sn55.27:12","sourceIds":["sn55.27:12.1","sn55.27:12.2","sn55.27:12.3","sn55.27:12.4","sn55.27:12.5","sn55.27:12.6","sn55.27:12.7","sn55.27:12.8","sn55.27:12.9","sn55.27:12.10","sn55.27:12.11"],"kind":"text","text":{"pi":"“Nāhaṁ, bhante ānanda, bhāyāmi.\nKyāhaṁ bhāyissāmi.\nAhañhi, bhante, buddhe aveccappasādena samannāgato homi—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe aveccappasādena samannāgato homi—\nsuppaṭipanno bhagavato sāvakasaṅgho …pe… anuttaraṁ puññakkhettaṁ lokassāti.\nYāni cimāni, bhante, bhagavatā gihisāmīcikāni sikkhāpadāni desitāni, nāhaṁ tesaṁ kiñci attani khaṇḍaṁ samanupassāmī”ti.\n“Lābhā te, gahapati, suladdhaṁ te, gahapati.\nSotāpattiphalaṁ tayā, gahapati, byākatan”ti.\nSattamaṁ.","en":"“Honorable Ānanda, I am not afraid.\nWhat have I to fear?\nFor I have experiential confidence in the Buddha …\nthe teaching …\nthe Saṅgha …\nAnd of the training rules appropriate for laypeople taught by the Buddha, I don’t see any that I have broken.”\n“You’re fortunate, householder, so very fortunate!\nYou have declared the fruit of stream-entry.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.27/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}