{"id":"sn55.30","title":"With Nandaka the Licchavi","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.30","title":"With Nandaka the Licchavi","units":[{"id":"sn55.30:0","sourceIds":["sn55.30:0.1","sn55.30:0.2","sn55.30:0.3"],"kind":"text","text":{"pi":"Saṁyutta Nikāya 55.30\n3. Saraṇānivagga\nNandakalicchavisutta","en":"Linked Discourses 55.30\n3. About Sarakāni\nWith Nandaka the Licchavi"}},{"id":"sn55.30:1","sourceIds":["sn55.30:1.1","sn55.30:1.2"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho nandako licchavimahāmatto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho nandakaṁ licchavimahāmattaṁ bhagavā etadavoca:","en":"At one time the Buddha was staying near Vesālī, at the Great Wood, in the hall with the peaked roof.\nThen Nandaka the Licchavi chief minister went up to the Buddha, bowed, and sat down to one side. The Buddha said to him:"}},{"id":"sn55.30:2","sourceIds":["sn55.30:2.1","sn55.30:2.2","sn55.30:2.3","sn55.30:2.4","sn55.30:2.5","sn55.30:2.6","sn55.30:2.7","sn55.30:2.8"],"kind":"text","text":{"pi":"“Catūhi kho, nandaka, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.\nKatamehi catūhi?\nIdha, nandaka, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nImehi kho, nandaka, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.","en":"“Nandaka, a noble disciple who has four things is a stream-enterer, not liable to be reborn in the underworld, assured, destined for awakening.\nWhat four?\nIt’s when a noble disciple has experiential confidence in the Buddha …\nthe teaching …\nthe Saṅgha …\nAnd they have the ethical conduct loved by the noble ones … leading to immersion.\nA noble disciple who has these four things is a stream-enterer, not liable to be reborn in the underworld, assured, destined for awakening."}},{"id":"sn55.30:3","sourceIds":["sn55.30:3.1","sn55.30:3.2","sn55.30:3.3","sn55.30:3.4","sn55.30:3.5","sn55.30:3.6"],"kind":"text","text":{"pi":"Imehi ca pana, nandaka, catūhi dhammehi samannāgato ariyasāvako āyunā saṁyutto hoti dibbenapi mānusenapi;\nvaṇṇena saṁyutto hoti dibbenapi mānusenapi;\nsukhena saṁyutto hoti dibbenapi mānusenapi;\nyasena saṁyutto hoti dibbenapi mānusenapi;\nādhipateyyena saṁyutto hoti dibbenapi mānusenapi.\nTaṁ kho panāhaṁ, nandaka, nāññassa samaṇassa vā brāhmaṇassa vā sutvā vadāmi. Api ca yadeva mayā sāmaṁ ñātaṁ sāmaṁ diṭṭhaṁ sāmaṁ viditaṁ, tadevāhaṁ vadāmī”ti.","en":"A noble disciple who has these four things is endowed with long life, both human and heavenly …\nbeauty …\nhappiness …\nglory …\nand sovereignty, both human and heavenly.\nNow, I don’t say this because I’ve heard it from some other ascetic or brahmin. I only say it because I’ve known, seen, and realized it for myself.”"}},{"id":"sn55.30:4","sourceIds":["sn55.30:4.1","sn55.30:4.2","sn55.30:4.3","sn55.30:4.4","sn55.30:4.5","sn55.30:4.6","sn55.30:4.7"],"kind":"text","text":{"pi":"Evaṁ vutte, aññataro puriso nandakaṁ licchavimahāmattaṁ etadavoca:\n“nahānakālo, bhante”ti.\n“Alaṁ dāni, bhaṇe, etena bāhirena nahānena.\nAlamidaṁ ajjhattaṁ nahānaṁ bhavissati, yadidaṁ—\nbhagavati pasādo”ti.\nDasamaṁ.\nSaraṇānivaggo tatiyo.","en":"When he had spoken, a certain person said to Nandaka:\n“Sir, it is time to bathe.”\n“Enough now, lad, with that exterior bath.\nThis interior bathing will do for me, that is,\nconfidence in the Buddha.”"}},{"id":"sn55.30:5","sourceIds":["sn55.30:5.0","sn55.30:5.1","sn55.30:5.2","sn55.30:5.3","sn55.30:5.4","sn55.30:5.5","sn55.30:5.6"],"kind":"text","text":{"pi":"Tassuddānaṁ\nMahānāmena dve vuttā,\ngodhā ca saraṇā duve;\nDuve anāthapiṇḍikā,\nduve verabhayena ca;\nLicchavī dasamo vutto,\nvaggo tena pavuccatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.30/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}