{"id":"sn55.39","title":"With Kāḷigodhā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.39","title":"With Kāḷigodhā","units":[{"id":"sn55.39:0","sourceIds":["sn55.39:0.1","sn55.39:0.2","sn55.39:0.3"],"kind":"text","text":{"pi":"Saṁyutta Nikāya 55.39\n4. Puññābhisandavagga\nKāḷigodhasutta","en":"Linked Discourses 55.39\n4. Overflowing Merit\nWith Kāḷigodhā"}},{"id":"sn55.39:1","sourceIds":["sn55.39:1.1","sn55.39:1.2","sn55.39:1.3"],"kind":"text","text":{"pi":"Ekaṁ samayaṁ bhagavā sakkesu viharati kapilavatthusmiṁ nigrodhārāme.\nAtha kho bhagavā pubbaṇhasamayaṁ nivāsetvā pattacīvaramādāya yena kāḷigodhāya sākiyāniyā nivesanaṁ tenupasaṅkami; upasaṅkamitvā paññatte āsane nisīdi.\nAtha kho kāḷigodhā sākiyānī yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho kāḷigodhaṁ sākiyāniṁ bhagavā etadavoca:","en":"At one time the Buddha was staying in the land of the Sakyans, near Kapilavatthu in the Banyan Tree Monastery.\nThen the Buddha robed up in the morning and, taking his bowl and robe, went to the home of Kāḷigodhā the Sakyan lady, where he sat down on the seat spread out.\nThen Kāḷigodhā went up to the Buddha, bowed, and sat down to one side. The Buddha said to her:"}},{"id":"sn55.39:2","sourceIds":["sn55.39:2.1","sn55.39:2.2","sn55.39:2.3","sn55.39:2.4","sn55.39:2.5","sn55.39:2.6","sn55.39:2.7","sn55.39:2.8"],"kind":"text","text":{"pi":"“Catūhi kho, godhe, dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā.\nKatamehi catūhi?\nIdha, godhe, ariyasāvikā buddhe aveccappasādena samannāgatā hoti—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nvigatamalamaccherena cetasā agāraṁ ajjhāvasati muttacāgā payatapāṇinī vossaggaratā yācayogā dānasaṁvibhāgaratā.\nImehi kho, godhe, catūhi dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā”ti.","en":"“Godhā, a female noble disciple who has four things is a stream-enterer, not liable to be reborn in the underworld, assured, destined for awakening.\nWhat four?\nIt’s when a female noble disciple has experiential confidence in the Buddha …\nthe teaching …\nthe Saṅgha …\nAnd she lives at home with heart rid of the stain of stinginess, freely generous, open-handed, loving to let go, committed to charity, loving to give and to share.\nA female noble disciple who has these four things is a stream-enterer, not liable to be reborn in the underworld, assured, destined for awakening.”"}},{"id":"sn55.39:3","sourceIds":["sn55.39:3.1","sn55.39:3.2","sn55.39:3.3","sn55.39:3.4","sn55.39:3.5","sn55.39:3.6","sn55.39:3.7","sn55.39:3.8","sn55.39:3.9"],"kind":"text","text":{"pi":"“Yānimāni, bhante, bhagavatā cattāri sotāpattiyaṅgāni desitāni, saṁvijjante dhammā mayi, ahañca tesu dhammesu sandissāmi.\nAhañhi, bhante, buddhe aveccappasādena samannāgatā—\nitipi so bhagavā …pe… satthā devamanussānaṁ buddho bhagavāti.\nDhamme …pe…\nsaṅghe …pe…\nyaṁ kho pana kiñci kule deyyadhammaṁ sabbaṁ taṁ appaṭivibhattaṁ sīlavantehi kalyāṇadhammehī”ti.\n“Lābhā te, godhe, suladdhaṁ te, godhe.\nSotāpattiphalaṁ tayā, godhe, byākatan”ti.\nNavamaṁ.","en":"“Sir, these four factors of stream-entry that were taught by the Buddha are found in me, and I exhibit them.\nFor I have experiential confidence in the Buddha …\nthe teaching …\nthe Saṅgha …\nAnd I share without reservation all the gifts available to give in our family with those who are ethical and of good character.”\n“You’re fortunate, Godhā, so very fortunate,\nYou have declared the fruit of stream-entry.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.39/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}