{"id":"sn55.40","title":"Nandiya the Sakyan","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.40","title":"Nandiya the Sakyan","units":[{"id":"sn55.40:0","sourceIds":["sn55.40:0.1","sn55.40:0.2","sn55.40:0.3"],"kind":"text","text":{"pi":"Saṁyutta Nikāya 55.40\n4. Puññābhisandavagga\nNandiyasakkasutta","en":"Linked Discourses 55.40\n4. Overflowing Merit\nNandiya the Sakyan"}},{"id":"sn55.40:1","sourceIds":["sn55.40:1.1","sn55.40:1.2","sn55.40:1.3"],"kind":"text","text":{"pi":"Ekaṁ samayaṁ bhagavā sakkesu viharati kapilavatthusmiṁ nigrodhārāme.\nAtha kho nandiyo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho nandiyo sakko bhagavantaṁ etadavoca:\n“yasseva nu kho, bhante, ariyasāvakassa cattāri sotāpattiyaṅgāni sabbena sabbaṁ sabbathā sabbaṁ natthi sveva nu kho, bhante, ariyasāvako pamādavihārī”ti.","en":"At one time the Buddha was staying in the land of the Sakyans, near Kapilavatthu in the Banyan Tree Monastery.\nThen Nandiya the Sakyan went up to the Buddha, bowed, sat down to one side, and said to him:\n“Sir, if a noble disciple were to totally and utterly lack the four factors of stream-entry, would they live negligently?”"}},{"id":"sn55.40:2","sourceIds":["sn55.40:2.1","sn55.40:2.2","sn55.40:2.3","sn55.40:2.4","sn55.40:2.5"],"kind":"text","text":{"pi":"“‘Yassa kho, nandiya, cattāri sotāpattiyaṅgāni sabbena sabbaṁ sabbathā sabbaṁ natthi tamahaṁ bāhiro puthujjanapakkhe ṭhito’ti vadāmi.\nApi ca, nandiya, yathā ariyasāvako pamādavihārī ceva hoti, appamādavihārī ca\ntaṁ suṇāhi, sādhukaṁ manasi karohi; bhāsissāmī”ti.\n“Evaṁ, bhante”ti kho nandiyo sakko bhagavato paccassosi.\nBhagavā etadavoca:","en":"“Nandiya, someone who totally and utterly lacks these four factors of stream-entry stands outside in the faction of ordinary persons, I say.\nNeverthless, Nandiya, as to how a noble disciple lives negligently and how they live diligently,\nlisten and apply your mind well, I will speak.”\n“Yes, sir,” Nandiya replied.\nThe Buddha said this:"}},{"id":"sn55.40:3","sourceIds":["sn55.40:3.1","sn55.40:3.2","sn55.40:3.3","sn55.40:3.4","sn55.40:3.5","sn55.40:3.6","sn55.40:3.7","sn55.40:3.8","sn55.40:3.9","sn55.40:3.10","sn55.40:3.11"],"kind":"text","text":{"pi":"“Kathañca, nandiya, ariyasāvako pamādavihārī hoti?\nIdha, nandiya, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nSo tena buddhe aveccappasādena santuṭṭho na uttari vāyamati divā pavivekāya, rattiṁ paṭisallānāya.\nTassa evaṁ pamattassa viharato pāmojjaṁ na hoti.\nPāmojje asati, pīti na hoti.\nPītiyā asati, passaddhi na hoti.\nPassaddhiyā asati, dukkhaṁ viharati.\nDukkhino cittaṁ na samādhiyati.\nAsamāhite citte dhammā na pātubhavanti.\nDhammānaṁ apātubhāvā pamādavihārītveva saṅkhyaṁ gacchati.","en":"“And how does a noble disciple live negligently?\nFirstly, a noble disciple has experiential confidence in the Buddha …\nThey’re content with that confidence, and don’t make a further effort for solitude by day or retreat by night.\nWhen they live negligently, there’s no joy.\nWhen there’s no joy, there’s no rapture.\nWhen there’s no rapture, there’s no tranquility.\nWhen there’s no tranquility, there’s suffering.\nWhen one is suffering, the mind does not become immersed in samādhi.\nWhen the mind is not immersed in samādhi, principles do not become clear.\nBecause principles have not become clear, they’re reckoned to live negligently."}},{"id":"sn55.40:4","sourceIds":["sn55.40:4.1","sn55.40:4.2","sn55.40:4.3","sn55.40:4.4","sn55.40:4.5","sn55.40:4.6","sn55.40:4.7","sn55.40:4.8","sn55.40:4.9","sn55.40:4.10","sn55.40:4.11","sn55.40:4.12"],"kind":"text","text":{"pi":"Puna caparaṁ, nandiya, ariyasāvako dhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nSo tehi ariyakantehi sīlehi santuṭṭho na uttari vāyamati divā pavivekāya rattiṁ paṭisallānāya.\nTassa evaṁ pamattassa viharato pāmojjaṁ na hoti.\nPāmojje asati, pīti na hoti.\nPītiyā asati, passaddhi na hoti.\nPassaddhiyā asati, dukkhaṁ viharati.\nDukkhino cittaṁ na samādhiyati.\nAsamāhite citte dhammā na pātubhavanti.\nDhammānaṁ apātubhāvā pamādavihārītveva saṅkhyaṁ gacchati.\nEvaṁ kho, nandiya, ariyasāvako pamādavihārī hoti.","en":"Furthermore, a noble disciple has experiential confidence in the teaching …\nthe Saṅgha …\nAnd they have the ethical conduct loved by the noble ones … leading to immersion.\nThey’re content with that ethical conduct loved by the noble ones, and don’t make a further effort for solitude by day or retreat by night.\nWhen they live negligently, there’s no joy.\nWhen there’s no joy, there’s no rapture.\nWhen there’s no rapture, there’s no tranquility.\nWhen there’s no tranquility, there’s suffering.\nWhen one is suffering, the mind does not become immersed in samādhi.\nWhen the mind is not immersed in samādhi, principles do not become clear.\nBecause principles have not become clear, they’re reckoned to live negligently.\nThat’s how a noble disciple lives negligently."}},{"id":"sn55.40:5","sourceIds":["sn55.40:5.1","sn55.40:5.2","sn55.40:5.3","sn55.40:5.4","sn55.40:5.5","sn55.40:5.6","sn55.40:5.7","sn55.40:5.8","sn55.40:5.9","sn55.40:5.10","sn55.40:5.11"],"kind":"text","text":{"pi":"Kathañca, nandiya, ariyasāvako appamādavihārī hoti?\nIdha, nandiya, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nSo tena buddhe aveccappasādena asantuṭṭho uttari vāyamati divā pavivekāya rattiṁ paṭisallānāya.\nTassa evaṁ appamattassa viharato pāmojjaṁ jāyati.\nPamuditassa pīti jāyati.\nPītimanassa kāyo passambhati.\nPassaddhakāyo sukhaṁ vediyati.\nSukhino cittaṁ samādhiyati.\nSamāhite citte dhammā pātubhavanti.\nDhammānaṁ pātubhāvā appamādavihārītveva saṅkhyaṁ gacchati.","en":"And how does a noble disciple live diligently?\nFirstly, a noble disciple has experiential confidence in the Buddha …\nBut they’re not content with that confidence, and make a further effort for solitude by day and retreat by night.\nWhen they live diligently, joy springs up.\nBeing joyful, rapture springs up.\nWhen the mind is full of rapture, the body becomes tranquil.\nWhen the body is tranquil, they feel bliss.\nAnd when blissful, the mind becomes immersed in samādhi.\nWhen the mind is immersed in samādhi, principles become clear.\nBecause principles have become clear, they’re reckoned to live diligently."}},{"id":"sn55.40:6","sourceIds":["sn55.40:6.1","sn55.40:6.2","sn55.40:6.3","sn55.40:6.4","sn55.40:6.5","sn55.40:6.6","sn55.40:6.7","sn55.40:6.8","sn55.40:6.9","sn55.40:6.10","sn55.40:6.11","sn55.40:6.12","sn55.40:6.13","sn55.40:6.14"],"kind":"text","text":{"pi":"Puna caparaṁ, nandiya, ariyasāvako dhamme …pe…\nsaṅghe …pe…\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nSo tehi ariyakantehi sīlehi asantuṭṭho uttari vāyamati divā pavivekāya rattiṁ paṭisallānāya.\nTassa evaṁ appamattassa viharato pāmojjaṁ jāyati.\nPamuditassa pīti jāyati.\nPītimanassa kāyo passambhati.\nPassaddhakāyo sukhaṁ vediyati.\nSukhino cittaṁ samādhiyati.\nSamāhite citte dhammā pātubhavanti.\nDhammānaṁ pātubhāvā appamādavihārītveva saṅkhyaṁ gacchati.\nEvaṁ kho, nandiya, ariyasāvako appamādavihārī hotī”ti.\nDasamaṁ.\nPuññābhisandavaggo catuttho.","en":"Furthermore, a noble disciple has experiential confidence in the teaching …\nthe Saṅgha …\nAnd they have the ethical conduct loved by the noble ones … leading to immersion.\nBut they’re not content with that ethical conduct loved by the noble ones, and make a further effort for solitude by day and retreat by night.\nWhen they live diligently, joy springs up.\nBeing joyful, rapture springs up.\nWhen the mind is full of rapture, the body becomes tranquil.\nWhen the body is tranquil, they feel bliss.\nAnd when blissful, the mind becomes immersed in samādhi.\nWhen the mind is immersed in samādhi, principles become clear.\nBecause principles have become clear, they’re reckoned to live diligently.\nThat’s how a noble disciple lives diligently.”"}},{"id":"sn55.40:7","sourceIds":["sn55.40:7.0","sn55.40:7.1","sn55.40:7.2","sn55.40:7.3","sn55.40:7.4"],"kind":"text","text":{"pi":"Tassuddānaṁ\nAbhisandā tayo vuttā,\nduve devapadāni ca;\nSabhāgataṁ mahānāmo,\nvassaṁ kāḷī ca nandiyāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.40/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}