{"id":"sn55.41","title":"Overflowing Merit (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.41","title":"Overflowing Merit (1st)","units":[{"id":"sn55.41:0","sourceIds":["sn55.41:0.1","sn55.41:0.2","sn55.41:0.3"],"kind":"text","text":{"pi":"Saṁyutta Nikāya 55.41\n5. Sagāthakapuññābhisandavagga\nPaṭhamaabhisandasutta","en":"Linked Discourses 55.41\n5. Overflowing Merit, With Verses\nOverflowing Merit (1st)"}},{"id":"sn55.41:1","sourceIds":["sn55.41:1.1","sn55.41:1.2","sn55.41:1.3","sn55.41:1.4","sn55.41:1.5"],"kind":"text","text":{"pi":"“Cattārome, bhikkhave, puññābhisandā, kusalābhisandā, sukhassāhārā.\nKatame cattāro?\nIdha, bhikkhave, ariyasāvako buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti.\nAyaṁ paṭhamo puññābhisando, kusalābhisando, sukhassāhāro.","en":"“Mendicants, there are these four kinds of overflowing merit, overflowing goodness that nurture happiness.\nWhat four?\nIt’s when a noble disciple has experiential confidence in the Buddha …"}},{"id":"sn55.41:2","sourceIds":["sn55.41:2.1","sn55.41:2.2"],"kind":"text","text":{"pi":"Puna caparaṁ, bhikkhave, ariyasāvako dhamme …pe…\nsaṅghe …pe….","en":"the teaching …\nthe Saṅgha …"}},{"id":"sn55.41:3","sourceIds":["sn55.41:3.1","sn55.41:3.2","sn55.41:3.3"],"kind":"text","text":{"pi":"Puna caparaṁ, bhikkhave, ariyasāvako ariyakantehi sīlehi samannāgato hoti akhaṇḍehi …pe… samādhisaṁvattanikehi.\nAyaṁ catuttho puññābhisando, kusalābhisando, sukhassāhāro.\nIme kho, bhikkhave, cattāro puññābhisandā, kusalābhisandā, sukhassāhārā.","en":"Furthermore, they have the ethical conduct loved by the noble ones … leading to immersion. …\nThese are the four kinds of overflowing merit, overflowing goodness that nurture happiness."}},{"id":"sn55.41:4","sourceIds":["sn55.41:4.1","sn55.41:4.2","sn55.41:4.3"],"kind":"text","text":{"pi":"Imehi kho, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṁ puññassa pamāṇaṁ gaṇetuṁ:\n‘ettako puññābhisando, kusalābhisando, sukhassāhāro’ti.\nAtha kho asaṅkhyeyyo appameyyo mahāpuññakkhandhotveva saṅkhyaṁ gacchati.","en":"When a noble disciple has these four kinds of overflowing merit and goodness, it’s not easy to count how much merit they have by saying that\nthis is the extent of their overflowing merit, overflowing goodness that nurtures happiness.\nIt’s simply reckoned as an incalculable, immeasurable, great mass of merit."}},{"id":"sn55.41:5","sourceIds":["sn55.41:5.1","sn55.41:5.2","sn55.41:5.3","sn55.41:5.4","sn55.41:5.5","sn55.41:5.6"],"kind":"text","text":{"pi":"Seyyathāpi, bhikkhave, mahāsamudde na sukaraṁ udakassa pamāṇaṁ gaṇetuṁ:\n‘ettakāni udakāḷhakānī’ti vā ‘ettakāni udakāḷhakasatānī’ti vā ‘ettakāni udakāḷhakasahassānī’ti vā ‘ettakāni udakāḷhakasatasahassānī’ti vāti.\nAtha kho asaṅkhyeyyo appameyyo mahāudakakkhandhotveva saṅkhyaṁ gacchati.\nEvameva kho, bhikkhave, imehi catūhi puññābhisandehi kusalābhisandehi samannāgatassa ariyasāvakassa na sukaraṁ puññassa pamāṇaṁ gaṇetuṁ:\n‘ettako puññābhisando, kusalābhisando, sukhassāhāro’ti.\nAtha kho asaṅkhyeyyo appameyyo mahāpuññakkhandhotveva saṅkhyaṁ gacchatī”ti.","en":"It’s like trying to count how much water is in the ocean. It’s not easy to say\nhow many gallons, how many hundreds, thousands, hundreds of thousands of gallons there are.\nIt’s simply reckoned as an incalculable, immeasurable, great mass of water.\nIn the same way, when a noble disciple has these four kinds of overflowing merit and goodness, it’s not easy to count how much merit they have by saying that\nthis is the extent of their overflowing merit, overflowing goodness that nurtures happiness.\nIt’s simply reckoned as an incalculable, immeasurable, great mass of merit.”"}},{"id":"sn55.41:6","sourceIds":["sn55.41:6.1","sn55.41:6.2"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:","en":"That is what the Buddha said.\nThen the Holy One, the Teacher, went on to say:"}},{"id":"sn55.41:7","sourceIds":["sn55.41:7.1","sn55.41:7.2","sn55.41:7.3","sn55.41:7.4"],"kind":"text","text":{"pi":"“Mahodadhiṁ aparimitaṁ mahāsaraṁ,\nBahubheravaṁ ratanagaṇānamālayaṁ;\nNajjo yathā naragaṇasaṅghasevitā,\nPuthū savantī upayanti sāgaraṁ.","en":"“Hosts of people use the rivers,\nand though the rivers are many,\nall reach the great deep, the boundless ocean,\nthe cruel sea that’s home to precious gems."}},{"id":"sn55.41:8","sourceIds":["sn55.41:8.1","sn55.41:8.2","sn55.41:8.3","sn55.41:8.4","sn55.41:8.5"],"kind":"text","text":{"pi":"Evaṁ naraṁ annapānavatthadadaṁ,\nSeyyāni paccattharaṇassa dāyakaṁ;\nPuññassa dhārā upayanti paṇḍitaṁ,\nNajjo yathā vārivahāva sāgaran”ti.\nPaṭhamaṁ.","en":"So too, when a person gives food, drink, and clothes;\nand they’re a giver of beds, seats, and mats—\nthe streams of merit reach that astute person,\nas the rivers bring their waters to the sea.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.41/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}