{"id":"sn55.54","title":"Sick","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.54","title":"Sick","units":[{"id":"sn55.54:0","sourceIds":["sn55.54:0.1","sn55.54:0.2","sn55.54:0.3"],"kind":"text","text":{"pi":"Saṁyutta Nikāya 55.54\n6. Sappaññavagga\nGilānasutta","en":"Linked Discourses 55.54\n6. A Wise Person\nSick"}},{"id":"sn55.54:1","sourceIds":["sn55.54:1.1","sn55.54:1.2","sn55.54:1.3","sn55.54:1.4","sn55.54:1.5","sn55.54:1.6","sn55.54:1.7","sn55.54:1.8","sn55.54:1.9","sn55.54:1.10","sn55.54:1.11","sn55.54:1.12"],"kind":"text","text":{"pi":"Ekaṁ samayaṁ bhagavā sakkesu viharati kapilavatthusmiṁ nigrodhārāme.\nTena kho pana samayena sambahulā bhikkhū bhagavato cīvarakammaṁ karonti:\n“niṭṭhitacīvaro bhagavā temāsaccayena cārikaṁ pakkamissatī”ti.\nAssosi kho mahānāmo sakko:\n“sambahulā kira bhikkhū bhagavato cīvarakammaṁ karonti:\n‘niṭṭhitacīvaro bhagavā temāsaccayena cārikaṁ pakkamissatī’”ti.\nAtha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:\n“sutametaṁ, bhante:\n‘sambahulā kira bhikkhū bhagavato cīvarakammaṁ karonti—\nniṭṭhitacīvaro bhagavā temāsaccayena cārikaṁ pakkamissatī’ti.\nNa kho netaṁ, bhante, bhagavato sammukhā sutaṁ sammukhā paṭiggahitaṁ\nsappaññena upāsakena sappañño upāsako ābādhiko dukkhito bāḷhagilāno ovaditabbo”ti.","en":"At one time the Buddha was staying in the land of the Sakyans, near Kapilavatthu in the Banyan Tree Monastery.\nAt that time several mendicants were making a robe for the Buddha, thinking that\nwhen his robe was finished and the three months of the rains residence had passed the Buddha would set out wandering.\nMahānāma the Sakyan heard about this.\nThen he went up to the Buddha, bowed, sat down to one side, and told him that he had heard that the Buddha was leaving. He added,\n“Sir, I haven’t heard and learned it in the presence of the Buddha\nhow a wise lay follower should advise another wise lay follower who is sick, suffering, gravely ill.”"}},{"id":"sn55.54:2","sourceIds":["sn55.54:2.1","sn55.54:2.2","sn55.54:2.3","sn55.54:2.4","sn55.54:2.5","sn55.54:2.6","sn55.54:2.7"],"kind":"text","text":{"pi":"“Sappaññena, mahānāma, upāsakena sappañño upāsako ābādhiko dukkhito bāḷhagilāno catūhi assāsanīyehi dhammehi assāsetabbo:\n‘assāsatāyasmā—\natthāyasmato buddhe aveccappasādo itipi so bhagavā …pe… satthā devamanussānaṁ buddho bhagavāti.\nAssāsatāyasmā—\natthāyasmato dhamme …pe…\nsaṅghe …pe…\nariyakantāni sīlāni akhaṇḍāni …pe… samādhisaṁvattanikānī’ti.","en":"“Mahānāma, a wise lay follower should put at ease another wise lay follower who is sick, suffering, gravely ill with four consolations.\n‘Be at ease, sir.\nYou have experiential confidence in the Buddha …\nthe teaching …\nthe Saṅgha …\nAnd you have the ethical conduct loved by the noble ones … leading to immersion.’"}},{"id":"sn55.54:3","sourceIds":["sn55.54:3.1","sn55.54:3.2","sn55.54:3.3","sn55.54:3.4","sn55.54:3.5","sn55.54:3.6","sn55.54:3.7","sn55.54:3.8"],"kind":"text","text":{"pi":"Sappaññena, mahānāma, upāsakena sappañño upāsako ābādhiko dukkhito bāḷhagilāno imehi catūhi assāsanīyehi dhammehi assāsetvā evamassa vacanīyo:\n‘atthāyasmato mātāpitūsu apekkhā’ti?\nSo ce evaṁ vadeyya:\n‘atthi me mātāpitūsu apekkhā’ti, so evamassa vacanīyo:\n‘āyasmā kho māriso maraṇadhammo.\nSacepāyasmā mātāpitūsu apekkhaṁ karissati, marissateva;\nno cepāyasmā mātāpitūsu apekkhaṁ karissati, marissateva.\nSādhāyasmā, yā te mātāpitūsu apekkhā taṁ pajahā’ti.","en":"When a wise lay follower has put at ease another wise lay follower who is sick, suffering, gravely ill with these four consolations, they should say:\n‘Are you concerned for your mother and father?’\nIf they reply,\n‘I am,’ they should say:\n‘But sir, it’s your nature to die.\nWhether or not you are concerned for your mother and father,\nyou will die anyway.\nIt would be good to give up concern for your mother and father.’"}},{"id":"sn55.54:4","sourceIds":["sn55.54:4.1","sn55.54:4.2","sn55.54:4.3","sn55.54:4.4","sn55.54:4.5","sn55.54:4.6","sn55.54:4.7","sn55.54:4.8","sn55.54:4.9"],"kind":"text","text":{"pi":"So ce evaṁ vadeyya:\n‘yā me mātāpitūsu apekkhā sā pahīnā’ti, so evamassa vacanīyo:\n‘atthi panāyasmato puttadāresu apekkhā’ti?\nSo ce evaṁ vadeyya:\n‘atthi me puttadāresu apekkhā’ti, so evamassa vacanīyo:\n‘āyasmā kho māriso maraṇadhammo.\nSacepāyasmā puttadāresu apekkhaṁ karissati, marissateva;\nno cepāyasmā puttadāresu apekkhaṁ karissati, marissateva.\nSādhāyasmā, yā te puttadāresu apekkhā taṁ pajahā’ti.","en":"If they reply,\n‘I have given up concern for my mother and father,’ they should say:\n‘But are you concerned for your partners and children?’\nIf they reply,\n‘I am,’ they should say:\n‘But sir, it’s your nature to die.\nWhether or not you are concerned for your partners and children,\nyou will die anyway.\nIt would be good to give up concern for your partners and children.’"}},{"id":"sn55.54:5","sourceIds":["sn55.54:5.1","sn55.54:5.2","sn55.54:5.3","sn55.54:5.4","sn55.54:5.5","sn55.54:5.6","sn55.54:5.7"],"kind":"text","text":{"pi":"So ce evaṁ vadeyya:\n‘yā me puttadāresu apekkhā sā pahīnā’ti, so evamassa vacanīyo:\n‘atthi panāyasmato mānusakesu pañcasu kāmaguṇesu apekkhā’ti?\nSo ce evaṁ vadeyya:\n‘atthi me mānusakesu pañcasu kāmaguṇesu apekkhā’ti, so evamassa vacanīyo:\n‘mānusakehi kho, āvuso, kāmehi dibbā kāmā abhikkantatarā ca paṇītatarā ca.\nSādhāyasmā, mānusakehi kāmehi cittaṁ vuṭṭhāpetvā cātumahārājikesu devesu cittaṁ adhimocehī’ti.","en":"If they reply,\n‘I have given up concern for my partners and children,’ they should say:\n‘But are you concerned for the five kinds of human sensual stimulation?’\nIf they reply,\n‘I am,’ they should say:\n‘Respectable sir, heavenly sensual pleasures are better than human sensual pleasures.\nIt would be good to turn your mind away from human sensual pleasures and focus it on the gods of the four great kings.’"}},{"id":"sn55.54:6","sourceIds":["sn55.54:6.1","sn55.54:6.2","sn55.54:6.3","sn55.54:6.4"],"kind":"text","text":{"pi":"So ce evaṁ vadeyya:\n‘mānusakehi me kāmehi cittaṁ vuṭṭhitaṁ, cātumahārājikesu devesu cittaṁ adhimocitan’ti, so evamassa vacanīyo:\n‘cātumahārājikehi kho, āvuso, devehi tāvatiṁsā devā abhikkantatarā ca paṇītatarā ca.\nSādhāyasmā, cātumahārājikehi devehi cittaṁ vuṭṭhāpetvā tāvatiṁsesu devesu cittaṁ adhimocehī’ti.","en":"If they reply,\n‘I have done so,’ they should say:\n‘Respectable sir, the gods of the thirty-three are better than the gods of the four great kings …"}},{"id":"sn55.54:7","sourceIds":["sn55.54:7.1","sn55.54:7.2","sn55.54:7.3","sn55.54:7.4","sn55.54:7.5","sn55.54:7.6","sn55.54:7.7","sn55.54:7.8","sn55.54:7.9","sn55.54:7.10","sn55.54:7.11","sn55.54:7.12"],"kind":"text","text":{"pi":"So ce evaṁ vadeyya:\n‘cātumahārājikehi me devehi cittaṁ vuṭṭhitaṁ, tāvatiṁsesu devesu cittaṁ adhimocitan’ti, so evamassa vacanīyo:\n‘tāvatiṁsehi kho, āvuso, devehi yāmā devā …pe…\ntusitā devā …pe…\nnimmānaratī devā …pe…\nparanimmitavasavattī devā …pe…\nparanimmitavasavattīhi kho, āvuso, devehi brahmaloko abhikkantataro ca paṇītataro ca.\nSādhāyasmā, paranimmitavasavattīhi devehi cittaṁ vuṭṭhāpetvā brahmaloke cittaṁ adhimocehī’ti.\nSo ce evaṁ vadeyya:\n‘paranimmitavasavattīhi me devehi cittaṁ vuṭṭhitaṁ, brahmaloke cittaṁ adhimocitan’ti, so evamassa vacanīyo:\n‘brahmalokopi kho, āvuso, anicco addhuvo sakkāyapariyāpanno.\nSādhāyasmā, brahmalokā cittaṁ vuṭṭhāpetvā sakkāyanirodhe cittaṁ upasaṁharāhī’ti.","en":"Respectable sir, the gods of Yama …\nthe joyful gods …\nthe gods who love to create …\nthe gods who control what is created by others …\nthe gods of the realm of divinity are better than the gods who control what is created by others.\nIt would be good to turn your mind away from the gods who control what is created by others and focus it on the gods of the realm of divinity.’\nIf they reply,\n‘I have done so,’ they should say:\n‘Respectable sir, the realm of divinity is impermanent, not lasting, and included within substantial reality.\nIt would be good to turn your mind away from the realm of divinity and apply it to the cessation of substantial reality.’"}},{"id":"sn55.54:8","sourceIds":["sn55.54:8.1","sn55.54:8.2","sn55.54:8.3","sn55.54:8.4","sn55.54:8.5"],"kind":"text","text":{"pi":"So ce evaṁ vadeyya:\n‘brahmalokā me cittaṁ vuṭṭhitaṁ, sakkāyanirodhe cittaṁ upasaṁharāmī’ti;\nevaṁ vimuttacittassa kho, mahānāma, upāsakassa āsavā vimuttacittena bhikkhunā na kiñci nānākaraṇaṁ vadāmi, yadidaṁ—\nvimuttiyā vimuttan”ti.\nCatutthaṁ.","en":"If they reply,\n‘I have done so,’\nthen there is no difference between a lay follower whose mind is freed in this way and a mendicant whose mind is freed from defilements; that is,\nbetween the freedom of one and the other.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.54/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}