{"id":"sn55.7","title":"The People of Bamboo Gate","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn55.7","title":"The People of Bamboo Gate","units":[{"id":"sn55.7:0","sourceIds":["sn55.7:0.1","sn55.7:0.2","sn55.7:0.3"],"kind":"text","text":{"pi":"Saṁyutta Nikāya 55.7\n1. Veḷudvāravagga\nVeḷudvāreyyasutta","en":"Linked Discourses 55.7\n1. At Bamboo Gate\nThe People of Bamboo Gate"}},{"id":"sn55.7:1","sourceIds":["sn55.7:1.1","sn55.7:1.2","sn55.7:1.3","sn55.7:1.4","sn55.7:1.5","sn55.7:1.6","sn55.7:1.7","sn55.7:1.8","sn55.7:1.9"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosalesu cārikaṁ caramāno mahatā bhikkhusaṅghena saddhiṁ yena veḷudvāraṁ nāma kosalānaṁ brāhmaṇagāmo tadavasari.\nAssosuṁ kho te veḷudvāreyyakā brāhmaṇagahapatikā:\n“samaṇo khalu, bho, gotamo sakyaputto sakyakulā pabbajito kosalesu cārikaṁ caramāno mahatā bhikkhusaṅghena saddhiṁ veḷudvāraṁ anuppatto.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nSādhu kho pana tathārūpānaṁ arahataṁ dassanaṁ hotī”ti.","en":"So I have heard.\nAt one time the Buddha was wandering in the land of the Kosalans together with a large Saṅgha of mendicants when he arrived at a village of the Kosalan brahmins named Bamboo Gate.\nThe brahmins and householders of Bamboo Gate heard:\n“It seems the ascetic Gotama—a Sakyan, gone forth from a Sakyan family—has arrived at Bamboo Gate, together with a large Saṅgha of mendicants.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nIt’s good to see such perfected ones.”"}},{"id":"sn55.7:2","sourceIds":["sn55.7:2.1","sn55.7:2.2","sn55.7:2.3","sn55.7:2.4"],"kind":"text","text":{"pi":"Atha kho te veḷudvāreyyakā brāhmaṇagahapatikā yena bhagavā tenupasaṅkamiṁsu; upasaṅkamitvā appekacce bhagavantaṁ abhivādetvā ekamantaṁ nisīdiṁsu. Appekacce bhagavatā saddhiṁ sammodiṁsu; sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Appekacce yena bhagavā tenañjaliṁ paṇāmetvā ekamantaṁ nisīdiṁsu. Appekacce bhagavato santike nāmagottaṁ sāvetvā ekamantaṁ nisīdiṁsu. Appekacce tuṇhībhūtā ekamantaṁ nisīdiṁsu. Ekamantaṁ nisinnā kho te veḷudvāreyyakā brāhmaṇagahapatikā bhagavantaṁ etadavocuṁ:\n“mayaṁ, bho gotama, evaṅkāmā evaṁchandā evaṁadhippāyā—\nputtasambādhasayanaṁ ajjhāvaseyyāma, kāsikacandanaṁ paccanubhaveyyāma, mālāgandhavilepanaṁ dhāreyyāma, jātarūparajataṁ sādiyeyyāma, kāyassa bhedā paraṁ maraṇā sugatiṁ saggaṁ lokaṁ upapajjeyyāma.\nTesaṁ no bhavaṁ gotamo amhākaṁ evaṅkāmānaṁ evaṁchandānaṁ evaṁadhippāyānaṁ tathā dhammaṁ desetu yathā mayaṁ puttasambādhasayanaṁ ajjhāvaseyyāma …pe… sugatiṁ saggaṁ lokaṁ upapajjeyyāmā”ti.","en":"Then the brahmins and householders of Bamboo Gate went up to the Buddha. Before sitting down to one side, some bowed, some exchanged greetings and polite conversation, some held up their cupped palms toward the Buddha, some announced their name and clan, while some kept silent. Seated to one side they said to the Buddha:\n“Worthy Gotama, these are our wishes, desires, and hopes.\nWe wish to live at home with our children; to use sandalwood imported from Kāsi; to wear garlands, fragrance, and makeup; and to accept gold and currency. And when our body breaks up, after death, we wish to be reborn in a good place, a heavenly realm.\nGiven that we have such wishes, may the Buddha teach us the Dhamma so that we may achieve them.”"}},{"id":"sn55.7:3","sourceIds":["sn55.7:3.1","sn55.7:3.2","sn55.7:3.3","sn55.7:3.4"],"kind":"text","text":{"pi":"“Attupanāyikaṁ vo, gahapatayo, dhammapariyāyaṁ desessāmi.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bho”ti kho te veḷudvāreyyakā brāhmaṇagahapatikā bhagavato paccassosuṁ.\nBhagavā etadavoca:","en":"“Householders, I will teach you an explanation of the Dhamma that is relevant for oneself.\nListen and apply your mind well, I will speak.”\n“Yes, worthy sir,” they replied.\nThe Buddha said this:"}},{"id":"sn55.7:4","sourceIds":["sn55.7:4.1","sn55.7:4.2","sn55.7:4.3","sn55.7:4.4","sn55.7:4.5","sn55.7:4.6","sn55.7:4.7","sn55.7:4.8","sn55.7:4.9"],"kind":"text","text":{"pi":"“Katamo ca, gahapatayo, attupanāyiko dhammapariyāyo?\nIdha, gahapatayo, ariyasāvako iti paṭisañcikkhati:\n‘ahaṁ khosmi jīvitukāmo amaritukāmo sukhakāmo dukkhappaṭikūlo.\nYo kho maṁ jīvitukāmaṁ amaritukāmaṁ sukhakāmaṁ dukkhappaṭikūlaṁ jīvitā voropeyya, na metaṁ assa piyaṁ manāpaṁ.\nAhañceva kho pana paraṁ jīvitukāmaṁ amaritukāmaṁ sukhakāmaṁ dukkhappaṭikūlaṁ jīvitā voropeyyaṁ, parassapi taṁ assa appiyaṁ amanāpaṁ.\nYo kho myāyaṁ dhammo appiyo amanāpo, parassa peso dhammo appiyo amanāpo.\nYo kho myāyaṁ dhammo appiyo amanāpo, kathāhaṁ paraṁ tena saṁyojeyyan’ti.\nSo iti paṭisaṅkhāya attanā ca pāṇātipātā paṭivirato hoti, parañca pāṇātipātā veramaṇiyā samādapeti, pāṇātipātā veramaṇiyā ca vaṇṇaṁ bhāsati.\nEvamassāyaṁ kāyasamācāro tikoṭiparisuddho hoti.","en":"“And what is the explanation of the Dhamma that applies to oneself?\nIt’s when a noble disciple reflects:\n‘I want to live and don’t want to die; I want to be happy and recoil from pain.\nSince this is so, if someone were to take my life, I wouldn’t like that.\nBut others also want to live and don’t want to die; they want to be happy and recoil from pain. So if I were to take the life of someone else, they wouldn’t like that either.\nThe thing that is disliked by me is also disliked by others.\nSince I dislike this thing, how can I inflict it on someone else?’\nReflecting in this way, they give up killing living creatures themselves. And they encourage others to give up killing living creatures, praising the giving up of killing living creatures.\nSo their bodily behavior is purified in three points."}},{"id":"sn55.7:5","sourceIds":["sn55.7:5.1","sn55.7:5.2","sn55.7:5.3","sn55.7:5.4","sn55.7:5.5","sn55.7:5.6","sn55.7:5.7"],"kind":"text","text":{"pi":"Puna caparaṁ, gahapatayo, ariyasāvako iti paṭisañcikkhati:\n‘yo kho me adinnaṁ theyyasaṅkhātaṁ ādiyeyya, na metaṁ assa piyaṁ manāpaṁ.\nAhañceva kho pana parassa adinnaṁ theyyasaṅkhātaṁ ādiyeyyaṁ, parassapi taṁ assa appiyaṁ amanāpaṁ.\nYo kho myāyaṁ dhammo appiyo amanāpo, parassa peso dhammo appiyo amanāpo.\nYo kho myāyaṁ dhammo appiyo amanāpo, kathāhaṁ paraṁ tena saṁyojeyyan’ti.\nSo iti paṭisaṅkhāya attanā ca adinnādānā paṭivirato hoti, parañca adinnādānā veramaṇiyā samādapeti, adinnādānā veramaṇiyā ca vaṇṇaṁ bhāsati.\nEvamassāyaṁ kāyasamācāro tikoṭiparisuddho hoti.","en":"Furthermore, a noble disciple reflects:\n‘If someone were to steal from me, I wouldn’t like that.\nBut if I were to steal from someone else, they wouldn’t like that either.\nThe thing that is disliked by me is also disliked by others.\nSince I dislike this thing, how can I inflict it on someone else?’\nReflecting in this way, they give up stealing themselves. And they encourage others to give up stealing, praising the giving up of stealing.\nSo their bodily behavior is purified in three points."}},{"id":"sn55.7:6","sourceIds":["sn55.7:6.1","sn55.7:6.2","sn55.7:6.3","sn55.7:6.4","sn55.7:6.5","sn55.7:6.6","sn55.7:6.7"],"kind":"text","text":{"pi":"Puna caparaṁ, gahapatayo, ariyasāvako iti paṭisañcikkhati:\n‘yo kho me dāresu cārittaṁ āpajjeyya, na metaṁ assa piyaṁ manāpaṁ.\nAhañceva kho pana parassa dāresu cārittaṁ āpajjeyyaṁ, parassapi taṁ assa appiyaṁ amanāpaṁ.\nYo kho myāyaṁ dhammo appiyo amanāpo, parassa peso dhammo appiyo amanāpo.\nYo kho myāyaṁ dhammo appiyo amanāpo, kathāhaṁ paraṁ tena saṁyojeyyan’ti.\nSo iti paṭisaṅkhāya attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti, kāmesumicchācārā veramaṇiyā ca vaṇṇaṁ bhāsati.\nEvamassāyaṁ kāyasamācāro tikoṭiparisuddho hoti.","en":"Furthermore, a noble disciple reflects:\n‘If someone were to have relations with my wives, I wouldn’t like it.\nBut if I were to have relations with someone else’s wives, he wouldn’t like that either.\nThe thing that is disliked by me is also disliked by others.\nSince I dislike this thing, how can I inflict it on others?’\nReflecting in this way, they give up sexual misconduct themselves. And they encourage others to give up sexual misconduct, praising the giving up of sexual misconduct.\nSo their bodily behavior is purified in three points."}},{"id":"sn55.7:7","sourceIds":["sn55.7:7.1","sn55.7:7.2","sn55.7:7.3","sn55.7:7.4","sn55.7:7.5","sn55.7:7.6","sn55.7:7.7"],"kind":"text","text":{"pi":"Puna caparaṁ, gahapatayo, ariyasāvako iti paṭisañcikkhati:\n‘yo kho me musāvādena atthaṁ bhañjeyya, na metaṁ assa piyaṁ manāpaṁ.\nAhañceva kho pana parassa musāvādena atthaṁ bhañjeyyaṁ, parassapi taṁ assa appiyaṁ amanāpaṁ.\nYo kho myāyaṁ dhammo appiyo amanāpo, parassa peso dhammo appiyo amanāpo.\nYo kho myāyaṁ dhammo appiyo amanāpo, kathāhaṁ paraṁ tena saṁyojeyyan’ti.\nSo iti paṭisaṅkhāya attanā ca musāvādā paṭivirato hoti, parañca musāvādā veramaṇiyā samādapeti, musāvādā veramaṇiyā ca vaṇṇaṁ bhāsati.\nEvamassāyaṁ vacīsamācāro tikoṭiparisuddho hoti.","en":"Furthermore, a noble disciple reflects:\n‘If someone were to distort my meaning by lying, I wouldn’t like it.\nBut if I were to distort someone else’s meaning by lying, they wouldn’t like it either.\nThe thing that is disliked by me is also disliked by someone else.\nSince I dislike this thing, how can I inflict it on others?’\nReflecting in this way, they give up lying themselves. And they encourage others to give up lying, praising the giving up of lying.\nSo their verbal behavior is purified in three points."}},{"id":"sn55.7:8","sourceIds":["sn55.7:8.1","sn55.7:8.2","sn55.7:8.3","sn55.7:8.4"],"kind":"text","text":{"pi":"Puna caparaṁ, gahapatayo, ariyasāvako iti paṭisañcikkhati:\n“yo kho maṁ pisuṇāya vācāya mitte bhindeyya, na metaṁ assa piyaṁ manāpaṁ.\nAhañceva kho pana paraṁ pisuṇāya vācāya mitte bhindeyyaṁ, parassapi taṁ assa appiyaṁ amanāpaṁ …pe…\nevamassāyaṁ vacīsamācāro tikoṭiparisuddho hoti.","en":"Furthermore, a noble disciple reflects:\n‘If someone were to break me up from my friends by backbiting, I wouldn’t like it.\nBut if I were to break someone else from their friends by backbiting, they wouldn’t like it either. …’\nSo their verbal behavior is purified in three points."}},{"id":"sn55.7:9","sourceIds":["sn55.7:9.1","sn55.7:9.2","sn55.7:9.3","sn55.7:9.4","sn55.7:9.5"],"kind":"text","text":{"pi":"Puna caparaṁ, gahapatayo, ariyasāvako iti paṭisañcikkhati:\n“yo kho maṁ pharusāya vācāya samudācareyya, na metaṁ assa piyaṁ manāpaṁ.\nAhañceva kho pana paraṁ pharusāya vācāya samudācareyyaṁ, parassapi taṁ assa appiyaṁ amanāpaṁ.\nYo kho myāyaṁ dhammo …pe…\nevamassāyaṁ vacīsamācāro tikoṭiparisuddho hoti.","en":"Furthermore, a noble disciple reflects:\n‘If someone were to attack me with harsh speech, I wouldn’t like it.\nBut if I were to attack someone else with harsh speech, they wouldn’t like it either. …’\nSo their verbal behavior is purified in three points."}},{"id":"sn55.7:10","sourceIds":["sn55.7:10.1","sn55.7:10.2","sn55.7:10.3","sn55.7:10.4","sn55.7:10.5","sn55.7:10.6","sn55.7:10.7"],"kind":"text","text":{"pi":"Puna caparaṁ, gahapatayo, ariyasāvako iti paṭisañcikkhati:\n‘yo kho maṁ samphabhāsena samphappalāpabhāsena samudācareyya, na metaṁ assa piyaṁ manāpaṁ.\nAhañceva kho pana paraṁ samphabhāsena samphappalāpabhāsena samudācareyyaṁ, parassapi taṁ assa appiyaṁ amanāpaṁ.\nYo kho myāyaṁ dhammo appiyo amanāpo, parassa peso dhammo appiyo amanāpo.\nYo kho myāyaṁ dhammo appiyo amanāpo, kathāhaṁ paraṁ tena saṁyojeyyan’ti.\nSo iti paṭisaṅkhāya attanā ca samphappalāpā paṭivirato hoti, parañca samphappalāpā veramaṇiyā samādapeti, samphappalāpā veramaṇiyā ca vaṇṇaṁ bhāsati.\nEvamassāyaṁ vacīsamācāro tikoṭiparisuddho hoti.","en":"Furthermore, a noble disciple reflects:\n‘If someone were to annoy me by talking silliness and nonsense, I wouldn’t like it.\nBut if I were to annoy someone else by talking silliness and nonsense, they wouldn’t like it either.’\nThe thing that is disliked by me is also disliked by another.\nSince I dislike this thing, how can I inflict it on another?’\nReflecting in this way, they give up talking nonsense themselves. And they encourage others to give up talking nonsense, praising the giving up of talking nonsense.\nSo their verbal behavior is purified in three points."}},{"id":"sn55.7:11","sourceIds":["sn55.7:11.1","sn55.7:11.2","sn55.7:11.3","sn55.7:11.4","sn55.7:11.5","sn55.7:11.6","sn55.7:11.7"],"kind":"text","text":{"pi":"So buddhe aveccappasādena samannāgato hoti—\nitipi so bhagavā …pe… satthā devamanussānaṁ buddho bhagavāti;\ndhamme …pe…\nsaṅghe aveccappasādena samannāgato hoti suppaṭipanno bhagavato sāvakasaṅgho …pe… anuttaraṁ puññakkhettaṁ lokassāti.\nariyakantehi sīlehi samannāgato hoti akhaṇḍehi …pe… samādhisaṁvattanikehi.\nYato kho, gahapatayo, ariyasāvako imehi sattahi saddhammehi samannāgato hoti imehi catūhi ākaṅkhiyehi ṭhānehi, so ākaṅkhamāno attanāva attānaṁ byākareyya:\n‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’”ti.","en":"And they have experiential confidence in the Buddha …\nthe teaching …\nthe Saṅgha …\nAnd they have the ethical conduct loved by the noble ones … leading to immersion.\nWhen a noble disciple possesses these seven good qualities and these four desirable states they may, if they wish, declare of themselves:\n‘I’ve finished with rebirth in hell, the animal realm, and the ghost realm. I’ve finished with all places of loss, bad places, the underworld. I am a stream-enterer! I’m not liable to be reborn in the underworld, and am assured, destined for awakening.’”"}},{"id":"sn55.7:12","sourceIds":["sn55.7:12.1","sn55.7:12.2","sn55.7:12.3","sn55.7:12.4","sn55.7:12.5"],"kind":"text","text":{"pi":"Evaṁ vutte, veḷudvāreyyakā brāhmaṇagahapatikā bhagavantaṁ etadavocuṁ:\n“abhikkantaṁ, bho gotama …pe…\nete mayaṁ bhavantaṁ gotamaṁ saraṇaṁ gacchāma dhammañca bhikkhusaṅghañca.\nUpāsake no bhavaṁ gotamo dhāretu ajjatagge pāṇupete saraṇaṁ gate”ti.\nSattamaṁ.","en":"When he had spoken, the brahmins and householders of Bamboo Gate said to the Buddha,\n“Excellent, worthy Gotama! …\nWe go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember us as lay followers who have gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn55.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}