{"id":"sn56.10","title":"Low Talk","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.10","title":"Low Talk","units":[{"id":"sn56.10:0","sourceIds":["sn56.10:0.1","sn56.10:0.2","sn56.10:0.3"],"kind":"text","text":{"pi":"Saṁyutta Nikāya 56.10\n1. Samādhivagga\nTiracchānakathāsutta","en":"Linked Discourses 56.10\n1. Immersion\nLow Talk"}},{"id":"sn56.10:1","sourceIds":["sn56.10:1.1","sn56.10:1.2","sn56.10:1.3","sn56.10:1.4"],"kind":"text","text":{"pi":"“Mā, bhikkhave, anekavihitaṁ tiracchānakathaṁ katheyyātha, seyyathidaṁ—\nrājakathaṁ corakathaṁ mahāmattakathaṁ senākathaṁ, bhayakathaṁ yuddhakathaṁ, annakathaṁ pānakathaṁ vatthakathaṁ sayanakathaṁ mālākathaṁ gandhakathaṁ, ñātikathaṁ yānakathaṁ gāmakathaṁ nigamakathaṁ nagarakathaṁ janapadakathaṁ itthikathaṁ sūrakathaṁ visikhākathaṁ kumbhaṭṭhānakathaṁ, pubbapetakathaṁ nānattakathaṁ, lokakkhāyikaṁ samuddakkhāyikaṁ itibhavābhavakathaṁ iti vā.\nTaṁ kissa hetu?\nNesā, bhikkhave, kathā atthasaṁhitā nādibrahmacariyakā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati.","en":"“Mendicants, don’t engage in all kinds of low talk, such as\ntalk about kings, bandits, and chief ministers; talk about armies, threats, and wars; talk about food, drink, clothes, and beds; talk about garlands and fragrances; talk about family, vehicles, villages, towns, cities, and countries; talk about women and heroes; talk at the street market and the place for water pots; talk about the departed; motley talk; tales of land and sea; and talk about being reborn in this or that place.\nWhy is that?\nBecause those discussions aren’t beneficial or relevant to the fundamentals of the spiritual life. They don’t lead to disillusionment, dispassion, cessation, peace, insight, awakening, and extinguishment."}},{"id":"sn56.10:2","sourceIds":["sn56.10:2.1","sn56.10:2.2","sn56.10:2.3"],"kind":"text","text":{"pi":"Kathentā ca kho tumhe, bhikkhave, ‘idaṁ dukkhan’ti katheyyātha, ‘ayaṁ dukkhasamudayo’ti katheyyātha, ‘ayaṁ dukkhanirodho’ti katheyyātha, ‘ayaṁ dukkhanirodhagāminī paṭipadā’ti katheyyātha.\nTaṁ kissa hetu?\nEsā, bhikkhave, kathā atthasaṁhitā, esā ādibrahmacariyakā, esā nibbidāya virāgāya nirodhāya upasamāya abhiññāya sambodhāya nibbānāya saṁvattati.","en":"When you discuss, you should discuss: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’. …"}},{"id":"sn56.10:3","sourceIds":["sn56.10:3.1","sn56.10:3.2","sn56.10:3.3"],"kind":"text","text":{"pi":"Tasmātiha, bhikkhave, ‘idaṁ dukkhan’ti yogo karaṇīyo …pe… ‘ayaṁ dukkhanirodhagāminī paṭipadā’ti yogo karaṇīyo”ti.\nDasamaṁ.\nSamādhivaggo paṭhamo.","en":"That’s why you should practice meditation …”"}},{"id":"sn56.10:4","sourceIds":["sn56.10:4.0","sn56.10:4.1","sn56.10:4.2","sn56.10:4.3","sn56.10:4.4"],"kind":"text","text":{"pi":"Tassuddānaṁ\nSamādhi paṭisallānā,\nkulaputtā apare duve;\nSamaṇabrāhmaṇā vitakkaṁ,\ncintā viggāhikā kathāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}