{"id":"sn56.30","title":"With Gavampati","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.30","title":"With Gavampati","units":[{"id":"sn56.30:0","sourceIds":["sn56.30:0.1","sn56.30:0.2","sn56.30:0.3"],"kind":"text","text":{"pi":"Saṁyutta Nikāya 56.30\n3. Koṭigāmavagga\nGavampatisutta","en":"Linked Discourses 56.30\n3. At the Village of Koṭi\nWith Gavampati"}},{"id":"sn56.30:1","sourceIds":["sn56.30:1.1","sn56.30:1.2","sn56.30:1.3"],"kind":"text","text":{"pi":"Ekaṁ samayaṁ sambahulā therā bhikkhū cetesu viharanti sahañcanike.\nTena kho pana samayena sambahulānaṁ therānaṁ bhikkhūnaṁ pacchābhattaṁ piṇḍapātapaṭikkantānaṁ maṇḍalamāḷe sannisinnānaṁ sannipatitānaṁ ayamantarākathā udapādi:\n“yo nu kho, āvuso, dukkhaṁ passati dukkhasamudayampi so passati, dukkhanirodhampi passati, dukkhanirodhagāminiṁ paṭipadampi passatī”ti.","en":"At one time several mendicants were staying in the land of the Cetīs at Sahajāti.\nNow at that time, after the meal, on return from almsround, several senior mendicants sat together in the pavilion and this discussion came up among them:\n“Reverends, does someone who sees suffering also see the origin of suffering, the cessation of suffering, and the practice that leads to the cessation of suffering?”"}},{"id":"sn56.30:2","sourceIds":["sn56.30:2.1","sn56.30:2.2","sn56.30:2.3","sn56.30:2.4","sn56.30:2.5","sn56.30:2.6","sn56.30:2.7","sn56.30:2.8"],"kind":"text","text":{"pi":"Evaṁ vutte, āyasmā gavampati thero bhikkhū etadavoca:\n“sammukhā metaṁ, āvuso, bhagavato sutaṁ, sammukhā paṭiggahitaṁ:\n‘yo, bhikkhave, dukkhaṁ passati dukkhasamudayampi so passati, dukkhanirodhampi passati, dukkhanirodhagāminiṁ paṭipadampi passati.\nYo dukkhasamudayaṁ passati dukkhampi so passati, dukkhanirodhampi passati, dukkhanirodhagāminiṁ paṭipadampi passati.\nYo dukkhanirodhaṁ passati dukkhampi so passati, dukkhasamudayampi passati, dukkhanirodhagāminiṁ paṭipadampi passati.\nYo dukkhanirodhagāminiṁ paṭipadaṁ passati dukkhampi so passati, dukkhasamudayampi passati, dukkhanirodhampi passatī’”ti.\nDasamaṁ.\nKoṭigāmavaggo tatiyo.","en":"When they said this, Venerable Gavampati said to those senior mendicants:\n“Reverends, I have heard and learned this in the presence of the Buddha:\n‘Someone who sees suffering also sees the origin of suffering, the cessation of suffering, and the practice that leads to the cessation of suffering.\nSomeone who sees the origin of suffering also sees suffering, the cessation of suffering, and the practice that leads to the cessation of suffering.\nSomeone who sees the cessation of suffering also sees suffering, the origin of suffering, and the practice that leads to the cessation of suffering.\nSomeone who sees the practice that leads to the cessation of suffering also sees suffering, the origin of suffering, and the cessation of suffering.’”"}},{"id":"sn56.30:3","sourceIds":["sn56.30:3.0","sn56.30:3.1","sn56.30:3.2","sn56.30:3.3","sn56.30:3.4"],"kind":"text","text":{"pi":"Tassuddānaṁ\nDve vajjī sammāsambuddho,\narahaṁ āsavakkhayo;\nMittaṁ tathā ca loko ca,\npariññeyyaṁ gavampatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.30/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}