{"id":"sn56.38","title":"The Simile of the Sun (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.38","title":"The Simile of the Sun (2nd)","units":[{"id":"sn56.38:0","sourceIds":["sn56.38:0.1","sn56.38:0.2","sn56.38:0.3"],"kind":"text","text":{"pi":"Saṁyutta Nikāya 56.38\n4. Sīsapāvanavagga\nDutiyasūriyasutta","en":"Linked Discourses 56.38\n4. In a Rosewood Forest\nThe Simile of the Sun (2nd)"}},{"id":"sn56.38:1","sourceIds":["sn56.38:1.1","sn56.38:1.2","sn56.38:1.3"],"kind":"text","text":{"pi":"“Yāvakīvañca, bhikkhave, candimasūriyā loke nuppajjanti, neva tāva mahato ālokassa pātubhāvo hoti mahato obhāsassa.\nAndhatamaṁ tadā hoti andhakāratimisā.\nNeva tāva rattindivā paññāyanti, na māsaddhamāsā paññāyanti, na utusaṁvaccharā paññāyanti.","en":"“Mendicants, as long as the moon and the sun don’t arise in the world, no great light or great radiance appears.\nDarkness prevails then, utter darkness.\nDay and night aren’t found, nor months and fortnights, nor seasons and years."}},{"id":"sn56.38:2","sourceIds":["sn56.38:2.1","sn56.38:2.2","sn56.38:2.3","sn56.38:2.4","sn56.38:2.5","sn56.38:2.6"],"kind":"text","text":{"pi":"Yato ca kho, bhikkhave, candimasūriyā loke uppajjanti, atha mahato ālokassa pātubhāvo hoti mahato obhāsassa.\nNeva andhakāratamaṁ tadā hoti na andhakāratimisā.\nAtha rattindivā paññāyanti, māsaddhamāsā paññāyanti, utusaṁvaccharā paññāyanti.\nEvameva kho, bhikkhave, yāvakīvañca tathāgato loke nuppajjati arahaṁ sammāsambuddho, neva tāva mahato ālokassa pātubhāvo hoti mahato obhāsassa.\nAndhatamaṁ tadā hoti andhakāratimisā.\nNeva tāva catunnaṁ ariyasaccānaṁ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṁ.","en":"But when the moon and the sun arise in the world, a great light, a great radiance appears.\nDarkness no longer prevails.\nDay and night are found, and months and fortnights, and seasons and years.\nIn the same way, as long as the Realized One doesn’t arise in the world, no great light or great radiance appears.\nDarkness prevails then, utter darkness.\nThere’s no explanation of the four noble truths, no teaching, advocating, establishing, clarifying, analyzing, and revealing of them."}},{"id":"sn56.38:3","sourceIds":["sn56.38:3.1","sn56.38:3.2","sn56.38:3.3","sn56.38:3.4","sn56.38:3.5"],"kind":"text","text":{"pi":"Yato ca kho, bhikkhave, tathāgato loke uppajjati arahaṁ sammāsambuddho, atha mahato ālokassa pātubhāvo hoti mahato obhāsassa.\nNeva andhatamaṁ tadā hoti na andhakāratimisā.\nAtha kho catunnaṁ ariyasaccānaṁ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṁ.\nKatamesaṁ catunnaṁ?\nDukkhassa ariyasaccassa …pe… dukkhanirodhagāminiyā paṭipadāya ariyasaccassa.","en":"But when the Realized One arises in the world, a great light, a great radiance appears.\nDarkness no longer prevails.\nThen there’s the explanation of the four noble truths, the teaching, advocating, establishing, clarifying, analyzing, and revealing of them.\nWhat four?\nThe noble truths of suffering, its origin, its cessation, and the path."}},{"id":"sn56.38:4","sourceIds":["sn56.38:4.1","sn56.38:4.2"],"kind":"text","text":{"pi":"Tasmātiha, bhikkhave, ‘idaṁ dukkhan’ti yogo karaṇīyo …pe… ‘ayaṁ dukkhanirodhagāminī paṭipadā’ti yogo karaṇīyo”ti.\nAṭṭhamaṁ.","en":"That’s why you should practice meditation …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.38/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}